Waa'ee Keenya

Kitaabni Qulquluun kiristaanoptaa kara seenaa fi kara raajii nutti dubbata. Waan ta'ee darbee fi waan dhiyeenyatti ta'uuf jiru nutti hima. Tilmaama nama ajaa'ibsiisaa ta'een, badiisa addunyaa kanaan dura ergaa akeekkachiisaa dhumaa dubbisuun ni danda'ama.

Ergaan akeekkachiisaa kun, Mul'ata 14 keessatti Ergamoota Sadaniin kan ibsame, kutaa sadiitti qoodamee dhufeera. Akeekkachiisni kunniin tokkoo tokkoon isaanii guutummaan addunyaa kan dhaga'uu qabanii dha.

• Ergamaan inni jalqabaa Waaqa isa uumaa, isa samii, lafaa fi galaanota uumeef sagaduu akka qabnu nutti hima. Yeroon inni itti Firdii kennu waan ga'eef Uumaadhaaf sagaduu qabna. Ergamaan inni duraa akkamitti akka Waaqayyoon beekuu dandeenyuu fi murtii sana jala darbuudhaaf akka itti qophaa'uu qabnu nutti hime.

• Ergamaan inni lammaffaa immoo waa'ee gantummaa amantii isa yeroo dhumaatti ta'uu nutti hima. Sirna amantaa Waaqa isa uumaa ta'ee fi Sagalee isaa isa mul'ateef ulfina hin kennine keessaa 'akka baanuuf' nutti himame.

• Ergamaa sadaffaan nu akeekkachiisa inni hamaan sirna amantaa gantuu keessatti hojjachuun, Waaqayyo Uumaa fi saba Isaa irratti haleellaa dhumaa raawwachuuf jiru. Warra isa hamaa sana duukaa bu'an irratti "mallattoon" ni godhama, warri Waaqayyoof amanaman immoo ni ari'atamu. Waaqayyo garuu warra mallattoo badaa kana fudhatan irratti dheekkamsa ni dhangalaasa. Sabni Isaa warri amantii qabanii fi abboomamoon, gaaga’ama pilaaneetii du’aa jirtu keessaa in oolfamu. Waaqayyoo wajjin gara samiitti ol ba'uudhaan addunyaa kana akka ishee jalqabaatti irra deeb'iee uumuu Isaa ni ilaalu.