हमर बारे
इतिहास अउ भविष्यवाणी के द्वारा मसीही पवित्र किताब हमन से बात करथे। जेन हर बताये की का हो चुके हे अउ का होने वाला हे। एक ठन चौंकाने वाली भविष्यवाणी म, हमन विश्व के विनाश के पहले चेतावनी के अंतिम संदेश ल पढ़ सकत हन।
चेतावनी संदेश, प्रकाशितवाक्य 14 म तीन स्वर्गदूत मन द्वारा बताया गे हे, जेन हर तीन भाग में हे। हर एक चेतावनी ल पुरा विश्व के मन ल सुनना जरुरी हे।
पहली दूत हर सृष्टी कर्ता के आराधना करे बर केथे, जेन हर स्वर्ग, धरती, अउ समुन्दर बनाईस। हमन ल सृष्टिकर्ता के आराधना करना हे काबर की ओकर न्याय के समय आ गे हे। पहला स्वर्गदूत बताथे कि कइसे हमन ईश्वर ल जान सकथन अउ न्याय से गुजरे के लिए कइसे तैयार हो सकत हन।
दूसरा स्वर्गदूत हमन ल अन्त के समय में धार्मिक धर्मत्याग के बारे म चेतावनी देथे। हमन ल ओ धार्मिक प्रणाली से 'बाहर आए' के लिए कहा गे हे जोन मन सृष्टिकर्ता परमेश्वर अउ ओकर प्रकट वचन के सम्मान नइ करय।
तीसरा स्वर्गदूत हमन ल चेतावनी देथे कि दुष्ट आत्मा धर्मत्यागी धार्मिक व्यवस्था के माध्यम से सृष्टिकर्ता परमेश्वर अउ ओकर लोग मन के विरुद्ध एक अंतिम हमला करे के प्रयास करही। जोन मन दुष्ट के अनुसरण करथे ओमन मे एक “चिह्न” लगाया जही, अउ जोन लोग मन परमेश्वर के प्रति सच्चा बने रही ओमन ल सताया जही। परन्तु परमेश्वर ओ लोगन म अपन दण्ड बरसही जेमन उपर ओ भयंकर चिन्ह लगे हे। ओकर लोग, जेन मन विश्वासी और आज्ञाकारी हे, ओमन ए नाश होते हुए ग्रह से बच जही। ओमन परमेश्वर के साथ स्वर्ग जही अउ देखही की परमेश्वर संसार ल पूर्णता में फिरसे कइसे निर्मित करथे।
हमर पत्रिका ल साइन अप करव
नया प्रकाशन प्राप्त करे बर पहला व्यक्ति बनव!
