Kan Nihnate

Kristiante lehkhabu thianghlim hian history leh hrilhlawkna hmangin kan hnenah thu a sawi. Hun kal tawha thil thlengte leh thil lo la awm turte min hrilh lawk a. Khawvel hi tih boral a nih hma ngeiin vaulawkna hnuhnung ber thuchah chu kan chhiar tur a ni tiin hrilhlawkna thintawng tak chuan a sawi a ni.

He vaukhanna thuchah, Thupuan 14-a Vantirhkoh Pathum ten an hrilhfiah hi hmun thuma then a ni a. Heng vaukhanna thuchah tinte hi Khawvel pum puiin a bengkhawn a hriat ngei a pawimawh ani.

• Vantirhkoh pakhatna chuan Siamtu Pathian, van te, lei te, tuifinriat te Siamtu chu Chibai buk turin min hrilh a. A rorel hun chu a lo thlen tak avangin Siamtu chu chibai kan buk tur a ni. Vantirhkoh pakhatna thuchah chuan he Pathian hi ka hriat theihna tur leh rorelna paltlang thei tura kan inbuatsaih dan tur min hrilh a ni.

• Vantirhkoh pahnihna chuan hun tawpa sakhaw dik lo chungchanga fimkhur turin min vaulawk a ni. Siamtu Pathian leh A Thu puanchhuah zah lotu sakhaw inrelbawlna atanga "lo chhuak" turin hrilh kan ni.

• Vantirhkoh pathumna chuan sakhaw inrelbawlna tlu chhe tawh kaltlanga Siamtu Pathian leh A mite beihna hnuhnung ber nei tura sual hnathawh laka fimkhur turin min vaulawk a. Sualna pa zuitute chu "chhinchhiah" an ni a, tin, Pathian mite chu tihduhdah an ni dawn a ni. Mahse, he chhinchhiahna rapthlak tak mai neitute chungah hian Pathian chuan A rorelnate chu a leih baw dawn a ni. Rinna leh thuawihna neitu A mite chu thih lam pan mek he lei khawvel chhiatna lakah chhanhim an ni ang. Pathian nen vanramah an kal ang a, a tira a famkimna anga khawvel A siamthar lehna chu an thlir ang.