Anw ko la

Kerecɛn gafe senuma bɛ kuma an fɛ ni tariku ani kiraya kuma fila bɛɛ ye. A b'a fɔ anw ye min nana ka kɔn o ɲɛ ani min bɛna kɛ sɔɔni. Kirayakuma kabakoma dɔ kɔnɔ, an bɛ se ka lasɔmini cikan laban kalan sani diɲɛ ka halaki.

Nin lasɔmini cikan min ɲɛfɔra Mɛlɛkɛ saba fɛ Jirali 14 la, o bɛ na yɔrɔ saba la. O lasɔmini kelen-kelen bɛɛ nafa ka bon kosɛbɛ diɲɛ bɛɛ ka kan k’u lamɛn.

• Mɛlɛkɛ fɔlɔ b’a fɔ an ye ko an ka Dabaga Ala bato, ale min ye sankolo ni dugukolo ani kɔgɔji da. An ka kan ka Dabaga bato sabu a ka kiri waati sera. Mɛlɛkɛ fɔlɔ b’a fɔ anw ye cogo min na anw bɛ se ka o Ala dɔn ani ka labɛn ka tɛmɛ kiritigɛ la.

• Mɛlɛkɛ filanan b’an lasɔmi diinɛ murutili ko la laban waati la. A fɔra anw ye ko anw ka ‘bɔ’ diinɛ sigicogo wala tèmèbolow la minnu tɛ bonya da Dabaga Ala n’a ka Kuma jiralen kan.

• Mɛlɛkɛ sabanan b’anw lasɔmi ko jugu bɛna baara kɛ diinɛ tagabolow murutilenw sababu fɛ walasa ka binkanni wale laban kelen da Dabaga Ala n’a ka mɔgɔw kan. “Taamaʃyɛn” bɛna bila mɔgɔ jugu nɔfɛmɔgɔw kan, ani mɔgɔ minnu bɛ to kantigiya la Ala ma, olu bɛna tɔɔrɔ. Nka Ala na a ka kiriw bin mɔgɔw kan, nin taamasiyɛn jugu bɛ minnu na. A ka mɔgɔw, dannaya ni kanminɛli bɛ minnu na, olu bɛna kisi ka bɔ dugukolo tiɲɛnen na min bɛ ka sa. U bɛna taa sankolo la ni Ala ye ani u bɛna a kɔlɔsi tumamin a bɛ diɲɛ da kokura a coco dafalen fɔlɔ la.