Fell- aneɣ

Adlis amasiḥi imqeddes yettmeslay-aɣ-d s umezruy akk-d Licaṛat di sin. Teqqar-aɣ-d ayen i d-yeḍran uqbel d wayen qṛib a d-yeḍru. Deg yiwet n licaṛa yessewhamen, nezmer ad nɣer izen aneggaru i d-iɛeggnen ɣef uqbel n nnger n ddunit.

Izen-agi n uɛeggen, i d-ssefhamen tlata n lmalayekkat deg Uweḥḥi 14, yella-d deg tlata n yiḥricen. Yal yiwen deg iɛeggnen-agi d ayen qerriḥen i umaḍal meṛṛa akken ad t-isl.

• Lmelk amezwaru yeqqaṛ-aɣ-d ad neɛbed Illu i d-ixelqen igenni, akk-d lqaɛa d lebḥer. Ilaq ad neɛbed Win i ɣ-d-ixelqen imi tewweḍ-d ssaɛa-s n lḥisab. Lmelk amezwaru yeqqaṛ-aɣ-d amek i nezmer ad nissin Ṛebbi-agi yerna ad nheggi iman-nneɣ i lḥisab.

• Lmelk wis sin iɛeggen-aɣ-d ɣef tudjjit n ddin di lweqt n taggara. Nnan-aɣ-d akken ad 'neffeɣ' si ddin ur yettɛuzzun ara Illu i d-ixelqen ddunit akk-d Wawal-is i d-ibeggen.

• Lmelk wis tlata iɛeggen-aɣ-d belli amcum ad yexdem aɣawas s tudjjit n ddin akken ad d-yessekker amennuɣ aneggaru mgal Illu i d-ixelqen akk-d wegdud-is. Ad ţili "limara" ɣef wid yetbeɛen amcumen, wid yeqqimen d unṣiḥen i Ṛebbi a d-ttwaqehṛen. Maca Rebbi ad d-yessers lḥisab-is ɣef wid yesɛan limara-ya yesserhiben. Agdud-is, yesɛan liman d ṭṭaɛa, ad yeţwasellk si lmeḥna n umtiweg i yefennun. Ad ruḥen ɣer igenni akked Ṛebbi, ad walin amek ara d-yerr ddunit ɣer lekmal-is amezwaru.