Dow Meeɗen
Defteree seeninde Masihiŋko'en ɗon wolwana en bee taariiha e annabaaku fuu. Nde ɗon wi'a en ko saali e ɗume ɗon dow wargo. Nder fuɗɗam annabaaku, en mbaawan jaŋgugo kubaruwol ragareewol jey maatinol hiddeko bilki duniyaaru.
Kubaruwol maatinol ngo'ol, jey malaa'ika'en tati cifi nder Wahayu Yuhana 14, ɗon bee geɓe tati. Kala yeɓre maatinolji ɗi'i laati kanduɗum ngam duniyaaru fuu nana.
Malaa'ikaajo arano wi'i en ndeewa Allah Tagoowo, Gooto mo waɗi asama, lesdi, e mbeela. Haani en ndeewa Tagoowo ngam wakkati kiita Maako yottake. Malaa'ikaajo arano ɗon wi'a en noy en mbaawan anndugo Allah oo e en laata taskiiɓe ngam saalaago gal kiita.
Malaa'ikaajo ɗiɗaɓo ɗon maatina en dow diina tuurtuka haa saa'i timmoode. En maatinaaɓe 'wurtugo diga' jo'inolji diina jey teddintaa Allah Tagoowo e Wolde Maako.
Malaa'ikaajo tataɓo maatini en yoo ibliisa tammi huuwdugo bee joi'nol diina tuurtuŋga ngam hippugo Allah Tagoowo e yimɓe Maako. Ton ɓe tammi jo'ingo "lammba" dow ɓe'en jey ɗon tokka kalluɗo go, e yimɓe kooliiɓe Allah ɓe toonyan ɓe. Ammaa Allah ukkan kiitaaji Maako dow ɓe'en jey ɗon mari lammba kalluka ka. Ummaatoore Maako, marɓe nuɗɗinki e ɗowtaare, tammi hisugo diga saɗirmaaji duniyaaru waatanndu ndu'u. Ɓe dillan haa asama bee Allah e ɓe tammi laarugo bana noy O ɗon hesɗitina duniyaaru bana no ndu ɗonno haa fuɗɗam.
Winndu ngam keɓa ɗereewol meeɗen jey habaruuji
Artu ngam anndugo ndey defte kese taaskinaama!
![newsletter-cover](https://images.hopeplatform.org/resize/L3dfMTkyMF9fcV83NS9ob3BlLWltYWdlcy82NDg3MTBkZTMwODg5ZjJlOGE1N2RhZTgvMGpDMTY5MDM3MTkxMDgxOS5wbmc/w_1920__q_75/hope-images/648710de30889f2e8a57dae8/0jC1690371910819.png)
Taw' Janganɓe Maaɗa
Defte Baŋgiiɗe
© 2023 Sharing Hope Publications