ང་ཚོའི་སྐོར།

ཡེ་ཤུའི་ཆོས་ལུགས་ཀྱི་གསུང་རབ་དམ་པ་དེས་ང་ཚོར་ལོ་རྒྱུས་དང་ལུང་བསྟན་གཉིས་ཀ་བསྟན་གྱི་ཡོད། དེ་ཡིས་ང་ཚོར་དེ་སྔོན་གང་བྱུང་བ་དང་གང་མགྱོགས་འབྱུང་རྒྱུ་ཡིན་པ་རྣམས་བཤད་ཀྱི་ཡོད། ངོ་མཚར་ཆེ་བའི་སྔོན་དཔག་ཅིག་གི་ནང་ལ། ང་ཚོས་འཛམ་གླིང་གཏོར་བརླག་མ་བྱུང་བའི་སྔོན་གྱི་ཉེན་བརྡའི་བརྡ་འཕྲིན་མཐའ་མ་དེ་ཀློག་ཐུབ་སྲིད།

མངོན་པ་༡༤ ནང་དམ་པའི་ཕོ་ཉ་གསུམ་གྱིས་འགྲེལ་བཤད་བརྒྱབ་པའི་ཉེན་བརྡའི་འཕྲིན་ལན་འདི་ཆ་ཤས་གསུམ་དུ་དབྱེ་ཡོད། ཉེན་བརྡ་འདི་དག་རེ་རེ་བཞིན་འཛམ་གླིང་ཡོངས་ལ་ཐོས་རྒྱུ་གལ་ཆེན་པོ་རེད།

• ཕོ་ཉ་དང་པོ་དེས་ང་ཚོར་ཞིང་ཁམས་དང་ས་གཞི་དང་རྒྱ་མཚོ་བཟོ་མཁན་གྱི་བཀོད་པ་པོ་དཀོན་མཆོག་ལ་ཕྱག་འཚལ་དགོས་པའི་བཀའ་གནང་ཡོད། ང་ཚོས་འཇིག་རྟེན་བཀོད་པ་པོ་ལ་ཕྱག་འཚལ་དགོས་དོན་ནི་ཁོང་གི་ཁྲིམས་གཅོད་ཀྱི་དུས་ཚོད་སླེབས་ཟིན་པ་ལ་བརྟེན་ནས་རེད། ཕོ་ཉ་དང་པོས་ང་ཚོར་དཀོན་མཆོག་འདི་ཇི་ལྟར་ཤེས་དགོས་པ་དང་ཁྲིམས་ཐག་གཅོད་པར་གྲ་སྒྲིག་བྱེད་དགོས་མིན་གསུང་གི་ཡོད།

• ཕོ་ཉ་གཉིས་པས་མཐའ་མའི་དུས་སུ་ཆོས་ལུགས་ལོག་སྤྱོད་ཀྱི་སྐོར་ལ་ཉེན་བརྡ་བཏང་ཡོད། ང་ཚོར་འཇིག་རྟེན་བཀོད་པ་པོའི་དཀོན་མཆོག་དང་ཁོང་གི་མངོན་པར་བསྟན་པའི་བཀའ་ལ་གུས་ཞབས་མི་བྱེད་པའི་ཆོས་ལུགས་ཀྱི་ལམ་ལུགས་ལས་‘ཕྱིར་ཐོན་’ཞེས་བཤད་ཡོད།

• ཕོ་ཉ་གསུམ་པ་དེ་ཡིས་ང་ཚོར་ཉེན་བརྡ་བཏང་བ་ལྟར་ན། མི་ངན་དེས་ཆོས་ལུགས་ལོག་སྤྱོད་ཀྱི་ལམ་ལུགས་བརྒྱུད་ནས་བཀོད་པ་པོ་དཀོན་མཆོག་དང་ཁོང་གི་མི་དམངས་ལ་མཐའ་མའི་འཇབ་རྒོལ་གཅིག་བཟོ་རྒྱུ་རེད། དེར་མི་ངན་དེའི་རྗེས་སུ་འབྲང་མཁན་ཚོར་“རྟགས་”བཀོད་བ་དང་།དཀོན་མཆོག་ལ་དད་པ་བརྟན་པོ་བྱེད་མཁན་ཚོར་གནོད་འཚེ་གཏོང་གི་རེད། འོན་ཀྱང་འཇིགས་སུ་རུང་བའི་རྟགས་འདི་ཡོད་མཁན་ཚོའི་སྟེང་ལ་གཙོ་བོ་དཀོན་མཆོག་གིས་ཁོང་གི་ཁྲིམས་གཅོད་གཏོང་བར་འགྱུར། བཀའ་བརྩི་དང་ལེན་གྱི་བསམ་པ་དང་དད་པ་ཡོད་པའི་ཁོང་གི་མི་དམངས་རྣམས་འཆི་བཞིན་པའི་རྒྱུ་སྐར་གྱི་སྟོང་ཆ་ལས་ཐར་བར་འགྱུར། ཁོང་ཚོ་དཀོན་མཆོག་དང་མཉམ་དུ་ཞིང་ཁམས་སུ་འགྲོ་ནས། གཙོ་བོ་ཁོང་གིས་འཛམ་གླིང་དེ་ཐོག་མའི་རང་བཞིན་ཆ་ཚང་དུ་བསྐྱར་བཟོ་ཇི་ལྟར་གནང་བ་རྣམས་མཐོང་གི་རེད།