Hais Txog Peb

Cov ntseeg Yexus phau ntawv dawbhuv qhia rau peb txog keeb kwm thiab lus tshuajsij. Nws qhia rau peb txog yav tas los thiab yav tom ntej yuav zoo li cas. Hauv zaj lus tshuajsij no, peb yuav nyeem txog qhov xwm ceeb toom zaum kawg ua ntej lub ntiajteb puam tsuaj.

Qhov lus ceeb toom no, qhia los ntawm peb tug tubtxib hauv Tswmsim 14, cais ua peb nqes. Cov lus ceeb toom no tseem ceeb heev rau tagnrho ntiajteb tau hnov.

• Thawj tus tubtxib qaumntuj hais kom peb pehawm Vajtswv uas yog tus Tswv Tsim qaumntuj, ntiajteb, thiab dej hiavtxwv. Peb yuav tsum pehawm tus Tswv Tsim vim Nws lub caij txiav txim twb txog lawm. Thawj tus tubtxib qhia ua cas peb thiaj paub tau tus Vajtswv no thiab paub npaj txhij kom hla dhau kev txiav txim.

• Tus tubtxib ob ceeb toom rau peb paub txog cov ntseeg uas tau tso txoj kev tseeb tseg thaum ze lub sijhawm ntiajteb kawg. Kom peb yuav tsum 'tawm hauv' cov ntseeg uas tsis hwm tus Tswv Tsim thiab tsis ua raws Nws cov lus qhia.

• Tus tubtxib qaumntuj peb ceeb toom rau peb paub tias ntxwgnyoog yuav siv cov ntseeg uas ntxeev siab los tsim kev tawm tsam zaum kawg nrog Tus Tswv Tsim thiab Nws haivneeg. Yuav muaj ib lub "cim" nias rau ntawm cov uas caum ntxwgnyoog qab, thiab cov uas ncajn cees rau Vajtswv yuav raug kev tsim txom. Tiamsis Vajtswv yuav muab Nws txoj kev txiav txim nchuav los rau cov uas muaj dab ntxwgnyoog lub cim. Nws haivneeg uas muaj kev ntseeg thiab mloog Nws lus yuav txais txoj kev dim ntawm lub ntiajteb uas tab tom yuav puam tsuaj mus. Lawv yuav tau ua ke nrog Vajtswv mus saum ceebtsheej ntuj thiab yuav pom Nws rov tsim dua lub ntiajteb zoo li thaum xub pib uas zoo tas nrho.