Shaphang Jong ngi

Ka Kotbah Bakhuid ki Khristan ka kren ha ngi da ka khanapateng bad ka jingïathuhlypa. Ka ïathuh ïa ngi ïa kaei kaba ha shuwa bad kaei kaban sa long shen. Ha ka jingïathuhlypa kaba pynshaïong, ngi lah ban pule ïa ka khubor bakhatduh jong ka jingmaham shuwa ka jingpynjot noh ïa ka pyrthei.

Ka Khubor jingmaham, kaba la batai shai da Ki Lai Ki Angel ha Jingpynpaw 14, ka wan ha ki lai bynta. Kawei-pa-kawei jong kine ki jingmaham ki long kiba donkam eh ïa ka pyrthei ba kan ïohsngew.

• U angel uba nyngkong u ïathuh ïa ngi ban mane ïa U Blei U Nongthaw, Uba la thaw ïa ka bneng , ka khyndew, bad ka duriaw de. Ngi dei ban mane ïa U Nongthaw namar ka kynta jong ka jingbishar ka la sdang. U angel uba nyngkong u ïathuh ïa ngi kumno ba ngi lah ban ithuh ithaw ïa une U Blei bad ban pynkhreh ban jop ha ka jingbishar.

• U Angel uba ar u ïathuh ïa ngi shaphang ka jingphaidien noh ha ka por jong kaba kut. Ïa ngi la maham jur ban "mih noh" na ki jinghikai niam ki bym shym la ai ka burom sha U Blei U Nongthaw bad ïa Ka Ktien ba la pynpaw.

• U Angel uba lai u maham ïa ngi ba uta u bymman un treikam lyngba ka dustur niam kaba bakla ban pyllong kawei ka jingïaleh bakhatduh ïawai pyrshah ïa U Blei Nongthaw bad ïa ki briew Jong U. Kan don kawei ka "dak" ba yn shon ha kito kiba bud ïa uta u bymmnan, bad kito pat kiba ïaineh ha U Blei yn pynshitom ïa ki. Hynrei U Blei un theh noh ïa ka jingbishar Jong U ha kito kiba don ïa ka dak kaba itriem. Ki briew Jong U kiba don ka jingngeit bad ka jingkohnguh kin ïoh lait-im na ka jingpynjot ïa kane ka met bneng baïap. Kin ïa leit keiñ sha bneng bad U Blei bad kin ïa peit kai ïa ka jingthaw bathymmai jong U ïa ka pyrthei ha ka jinglong janai batynrai jong ka.