Ko Fayti e Men

Deftere Masiyaŋkooɓe Seniinde nde ina haalda e men e ciimti kay loŋnginooje. Honde haalana en ko ari adan e ko aroyta ɓooyataa. E loŋnginoore haawniinde, heɗen mbaawi jaŋngude ɓataake battandiiɗo deentinoowo hade aduna oo boomeede.

Oo ɓataake deentinoowo, mo Malaykaaji Tati Peeɲɗi 14 pamminta o, ina woodi e taƴe tate. Kala heen e deentinooje he ko faayodinnde tee aduna oo fof ina foti nande ɗum.

• Malayka gadano o ina wiya en yoo en cujjan Geno Tagɗo o, baɗɗo o asamaan, e leydi, e geeƴ. Heɗen poti sujjande Tagɗo o sabu sahaa ɲaawoore Makko yontii. Malayka gadano o ina holla en hol no potɗen anndirde oo Geno, keblonoɗen ɲaawoore nde.

• Malayka ɗimmo o ina reentina en ko fayti e ruŋtaade diine e sakkitorde aduna. Heɗen mbiyee "njaltee" e kala diine mo teddinaani Geno Tagɗo o e Koŋngol Makko peɲɲina ngol ngol.

• Malayka tataɓo o ina reentina en wonde bonɗo o maa rewru e diine duŋkatiiɗo o haɓoo Geno Tagɗo o kay yimɓe Makko ɓe. Maa "jeloode" waɗe e ɓeen sukkuɓe e bonɗo o ɓe, tee heddiiɓe e goonga cukki e Geno ɓe maa leepte. Kono Geno maa ruf ɲaawoje Makko e dow jogiiɓe ndeen jeloode hulɓaniinde ɓe. Yimɓe Makko, gooŋɗinɓe ɗooftii ɗum ɓe, maa ndannde e boneeji ndee winndere tampunde. Maa ɓe njahdu e Geno asamaan, ɓe njeeɓa no o tagtirta aduna o haa wayta no waynoo nih e fuɗɗoode.