Amek ara tettxemmimeḍ s yiman-nnek

Akken kan i newweḍ ɣer yixef n Gunung Datuk mbeɛd tikli ɣezzifen. Qqimeɣ d umdakel-iw ajdid, Adzak, akken ad nwali imeẓri-nni icebḥen. Ur neεeṭṭel ara, ami ameslay-nneɣ yuɣal ɣef tɣawsiwin n ddin.

Adzak yenna-d, “Nekk sεiɣ amxemmem ilelli, Sɛiɣ tamuɣli-inu ɣef ddunit.”

Rriɣ-as, “Ah ih. Sliɣ i waṭas n imalayisen ilemẓiyen i yettwalin iman-nsen d wid yesεan amxemmem ilelli.”

Yeḍsa Adzak. “Ilaq ad nxemmem s yiman-nneɣ. Neɣ ma ulac, aṭas n leɣlaḍ i yellan. Ad aţ- ţuɣaleḍ d ameslub.”

Steqsaɣ, “Lameɛna amek ihi, m’ara tuɣaleḍ s axxam? Dagi di Malaysia, aṭas n yilmeẓyen i yettwalin iman-nsen d wid yesεan amxemmem ilelli, maca deg uxxam, ttṛaǧun seg-k ad ttekkiḍ deg isukar n tneslemt neɣ n tebudit. D acu i d-teqqareḍ i yimawlan-ik?”

Adzak yerra-yi-d “Ur d asen-qqareɣ ara, Xedmeɣ kan ayen i bɣan. Zemreɣ ad xemmemeɣ s tlelli, maca ilaq ad t-ǧǧeɣ gar-i d yiman-iw.”

Axemmem ilelli yesεan azal?

Di kra n temnaḍin n umaḍal, ma tesεiḍ leɛaqida yemgaraden yezmer ayagi ad yesweḍ ad tettwaɛezled seg timetti-k, ad k-ssufɣen seg uxeddim-ik, neɣ ad k-nɣen. Axemmem s yiman-nnek yezmer ad yili d amihi. Maca d ayen yesεan azal? 

Amaḍal-nneɣ yeččur d tiktiwin yelhan akk-d tiktiwin n diri. Taɣawsa tamezwarut i wakken ad tebduḍ ad tferzeḍ gar wayen yelhan d wayen n diri, d axemmem akk-d umeslay ɣef wayen yelhan d wayen n diri. Ma tuɣeḍ-d lḥaǧa ɣlayen—am ddheb, zeεfṛan neɣ iPhone—ur ttxelliṣeḍ ara kan wa ad t-tawyeḍ s axxam. Ad tsewḍed yerna ad tqarneḍ ɣer isufar n inmezgiyen akken ad tetḥeqqeḍ belli ad d-tawi ayen ifazen maḍi. Tiktiwin ilaq ad ttwaḥsebent akken. 

Aṭas n leɣlaḍ i yellan deg umaḍal, yerna ayen yeswiɣayen m’ara d-εerḍen medden ad ḥettmen tiktiwin-nsen yesseεrqen ɣef tmetti. Eǧǧ-iyi ad k-d-iniɣ ɣef yiwet n licaṛa yesɛan azal. Deg yiwen n wedlis aqdim isem-is “Aweḥḥi n Σisa Lmasiḥ”, yiwet n licaṛa teţmeslay- ed ɣef yemdanen ad yeɛerḍen ad ḥettmen ɣef wiyaḍ tiktiwin-nsen n ddin yeččuṛen d leɣlaḍ. Yeqqar-d, “Teɣli! Teɣli temdint-nni tameqqrant n Babilun! Tuɣal ț-țamezduɣt n ccwaṭen, d amkan anda țnejmaɛen leṛwaḥ imeɛfan, anda xeddmen leɛcuc-nsen leṭyuṛ iɛefnen” (Aweḥḥi 14:8).

Imeslayen-agi yellan d azmul mačči d ayen yuεren i lefhama. Babil tella d tamdint taqburt yettwassnen, maca isem-is lmeɛna- s “Lexṛeb.” Temdint-agi “yeɣlin” mačči axaṭar teɣleḍ, lameɛna teɣli axaṭar ur tebɣi ara ad ţeǧǧ deffir-s leɣlaḍ. Tseḥḥer leǧnas akken ad ttekkin deg zzna-s n Ṛṛuḥ—ayagi d Ixdeɛ i Rebbi, imi tesxleḍ tidet akk-d lekdeb deg leɛbada. Tiktiwin-agi n lekdeb uɣalent tannumi yerna ttwaqeblent. Licaṛa-agi ɣef “Babil”, tettmeslay-d ɣef tilin n yiwet n tuddsa n ddin deg umaḍal, mačči kan ad d-terr tuccḍa n ṛṛuḥ d tannumi, ɣer tagara ad d-ḥettmen ayagi ɣef wid yeṭṭfen deg tidet.

Aweḥḥi n Σisa Lmasiḥ icar-d belli ayagi ad d-yeḍru deg zzman-nneɣ. Ahat teẓriḍ-t ayagi i d-iḍerrun yakan. Llan wid i d- yeţmettilen Rebbi s tiktiwin n lekdeb? Yella wasmi i tḥulfeḍ ur tethedden ara di lxaṭer- ik? Ih, ɣef waya amxemmem ilelli yesɛa azal.

Amek ara tettxemmimeḍ s yiman-nnek

Tuget n yemdanen ttabaɛen kan ddin n tmetti-nsen. Ur ttxemmimen ara ɣef wayen i ttamnen. Ṭṭafaren leɛwayed ur nesεi ara lmeεna neɣ i yettḍurrun akteṛ n waya innfeɛ. Tikwal, ula d imḍebbren n ddin, wid i ilaq ad ɣ-d-sseknen abrid ɣer Ṛebbi, nutni s timmad-nsen ččuren d lefsad.

Amek i nezmer ad naf tideţ? Ad d-ssumreɣ dakken ilaq a neţkel ɣef lanbeyya. Ayɣer? Llant tlata n ssebbat:

1. Lanbeyya sseknen-d tamusni yessewhamen n yimal. Nnbi Danyil icar-d ɣef tnekra n Tuṛuft almi d amkan-is deg umezruy n tamhersa n umaḍal. Σisa Lmasiḥ (yettwassen daɣen s Isa al-Masih) icar-d ɣef nnger n Yarucalim deg useggas n 70. Nnbi Musa icar-d ɣef umezruy n Ismaεil alamma d taggara n wussan.

2. Lanbeyya sseknen-d tamusni tussnant yessewhamen ɣef tadawsa. Nnbi Musa, iɛacen azal n 3,500 n yiseggasen aya, yessefhem-d aɛzal n imuḍan, amek ad kksen aman yettwasqedcen, akk-d imenzayen n ussizdeg. Yefreq iɣersiwen ɣef sin, wid zeddigen d wid ur nezdig ara. Yenna-yaɣ-d daɣen ur ilaq ara ad nečč idammen neɣ tassemt m’ara nečč aksum zeddigen. Ar ass-a, wid yeṭṭafaren isuḍaf-is n wučči akk-d ṣṣeḥḥa, ţɛicin 15 iseggasen ugar yimdanen nniḍen.

3. Yettarra-d Rebbi i tẓallit n wid yumnen, wid yetteklen fell-as, yerna umnen s lanbeyya- ines. 

Tira n Lanbeyya ččurent s uwelleh—lamaɛna i wakken nesfaydi seg-sen, yessefk ad nelmed amek ara nettxemmim s usenqed, ad njeṛṛeb ayen is i neţţamen, yerna ad nessefqed ma tṣeḥḥa taflest-nneɣ. Axemmem d aḥric yesɛan azal deg ddin n ṣṣeḥ.

Tura, d acu ad yettḍerrun m’ara ansesten ɣef leɣlaḍ? Yezmer ad d-iban d ţideţ di tazwara. Maca m’ara nettnadi ɣef ţţbut, ad nebdu ad nettwali wuguren deg tikti-nni. 

Tideţ d anemgal kan. Werǧin ad nexser kra ma yella nettnadi akken ilaq. Simmal m’ara nettnadi, simmal ad neţwali tidet. 

Imdanen yumnen yessefk ad ilin d ukyissen aṭas deg umaḍal, acku Ṛebbi i ɣ-yeţţuwellhen ɣer ubrid n lekyasa. Ma tufiḍ iman-ik deg tegnit anda ur k-yeţţunefk ara ad tettxemmimeḍ s tlelli neɣ ad testeqsiḍ, ihi mačči sɣur Ṛebbi. Yettɛerreḍ-aɣ-d Ṛebbi  ɣer unadi akken ilaq, axaṭar tidet teǧhed ugar akken aţ- ţesbedd zdat n tasestant. Lameɛna Babil tessedha-k deg lekdubat yerna teṭṭef-ik dinna s uɣlaq n tewwurt zdat n wussisen waggag.

Ma yella ɛerrqent-ak armi tḥulfaḍ am akken deg Babilun i telliḍ, deg Babilun, ffeɣ-d! As-d ɣer ubrid n tmusni n Ṛebbi. Xemmem s yiman-ik, steqsay isteqsiyen lqayen. Ur tettwaxeyybed ara. 

Tebɣiḍ ad tissineḍ ugar ɣef Uweḥḥi n Σisa Lmasiḥ? Ttxil-k aru-yaɣ-d ɣer isallen-agi yellan deffir n lkaɣeḍ-a.