Pangreureuhan di Lebet Dunya anu Henteu Reureuh

Mita Duran parantos maot. Panyerat cetak ti Indonesia nu sumanget, yuswa 24 taun, maot di meja anjeunna. Aya naon?

Mita didamel di agen pausahaan iklan, dimana harepan-harepanna luhur pisan sarta padamelan nu beuki beurat. Samemeh maot, anjeunna nyarios ngeunaan kaabotan beban hirupna dina media sosial: “Peuting ieu, abi mawa konci-konci kantor nepi ka poe nu kadalapan. . . . Abi teu boga kahirupan.”

Anjeunna resep pisan kana inuman Krating Daeng anu ngandung kafein, versi urang Asia mah disebatna Red Bull. Cariosan online panungtung anjeunna kieu, “30 jam damel ngan masih keneh kuaaattt.” Anjeunna ujug-ujug maot dina meja damelna sarta teu gugah deui. 

Aya naon? Mita maot lantaran didamel kaleleuwihan. 

Kiwari, loba di antawis urang miboga jadwal nu padet pisan. Masarakat maksa urang sangkan gawe leuleuwihan, usaha leuleuwihan, sarta meser oge leuleuwihan. Urang ngalaman kanyeri stres, insomnia (sesah bobo), sareng pajak mental. 

Urang teu kedah ngabunuh diri urang sapertos Mita Duran, nanging hirup tiasa janten beban nu beurat. Ieu nu jadi maksad Gusti PANGERAN kangge urang? Mantenna teh Nu Maparin Katengtreman. Waktos urang nyalira damel kaleleuwihan, urang ngaraos tengtrem? Tangtos henteu!

Upami urang dilingkupan ku lungse, tangtos urang nuju hilap kana hiji hal nyaeta bahwa Gusti PANGERAN mikahoyong sangkan urang emut. Hayu urang mendakan naon nu dicarioskeun ku Mantenna ngeunaan pangreureuhan. 

Pencet Kenop “Reureuh”

Gusti PANGERAN Mahaasih sareng Maharahmani. Mantenna uninga yen manusa peryogi waktos sangkan mulihkeun deui fisik, mental, sarta energi rohani aranjeunna, sami sapertos henpon atanapi leptop komputer. Kusabab kitu, nabi Musa nyatet parentah Gusti PANGERAN:

Masing gumati kana poe Sabat, kudu disucikeun salalawasna. Aya genep poe pikeun maraneh barang damel, ari poe nu katujuh teh poe reureuh, poe kagungan Kami. Dina poe eta ulah aya anu didamel (Ti bagean pertama Alkitab, oge dipikaterang Taurat: Budalan 20:8–10).

Hukum Gusti PANGERAN nu langgeng ieu nyarioskeun ka urang sangkan urang gumati kana dinten nu katujuh. Numutkeun basa-basa di dunya, dinten katujuh ieu nu diabadikeun pikeun reureuh disebat “Sabat.” Kunaon Gusti PANGERAN marentahkeun urang sangkan gumati kana dinten anu katujuh? Sabab Mantenna terang yen perkawis hilap teh tos janten misalah pikeun manusa, nu dikawitan ku nabi Adam. Urang teu kenging hilap kana parentah-parentah Gusti PANGERAN, sabab ngan ku emut ka Mantenna sareng parentah-parentah-Na urang kajagi tetep mapah dina jalan nu lempeng.

Nanging kunaon sababna ari Sabat teh istimewa? Gusti PANGERAN netelakeun ka urang,

Dina genep poe, Kami, Pangeran ngadamel bumi, langit laut, jeung saniskara eusina. Dina poe nu katujuh Kami reureuh. Ku sabab kitu poe Sabat diberkahan jeung disucikeun ku Kami, Pangeran (Budalan 20:11).

Sabat teh hiji pangemut anu penting bahwa Gusti PANGERAN teh Nu Nyiptakeun. Sawatara jalma henteu satuju yen ku lantaran Gusti PANGERAN teh henteu pernah cape, Mantenna henteu kedah reureuh dina dinten katujuh. Nanging Gusti PANGERAN henteu reureuh kunu ngarana cape; Mantenna reureuh ti padamelan-Na nyiptakeun dunya jeung saeusina sangkan Mantenna tiasa ngadamel hiji waktos suci pikeun urang reureuh.

Gusti PANGERAN ningal yen dinten pangreureuhan teh sae pikeun manusa. Mantenna ngadamel Sabat dinten katujuh, nu hartosna hiji pangreureuhan atanapi reureuh. Kukituna, dinten katujuh tina unggal minggon (pekan) teh mangrupikeun hiji dinten utami sangkan urang mencet kenop “reureuh.” Urang kedah reureuh tina padamelan sarta sadaya aktipitas nu henteu-suci pikeun sadinten eta, sangkan gumati (emut) sareng nyembah Mantenna.

Naha henteu endah upami bos anjeun atanapi propesor anjeun marentahkeun anjeun supados langkung sering reureuh? Sumuhun ieu leres-leres naon nu parantos diparentahkeun ku Gusti PANGERAN! Puji sukur ngan kangge Gusti PANGERAN! Mantenna leres-leres pinuh ku rohmat! 

Ngajagi Dinten Gusti PANGERAN nu Suci

Sabat teh hiji dinten universal nu kudus pikeun sadaya umat manusa di dunya. Eta dijagi ku penganut monoteis nu percaya ka hiji Gusti PANGERAN Sang Pencipta nu sajati jauh samemeh kaum Yahudi, kaum Kristen, kaum Islam, kaum Budha, atawa kaum Hindu aya. Kanyataanana, eta dipasihkeun ka sadaya manusa waktos dunya dijadikeun. Adam sareng Eve (oge dipikaterang Hawa) ngajagi Sabat, Gusti PANGERAN henteu pernah masihan idin ka urang sangkan urang hilap kana naon nu dicarioskeun ku Mantena supados urang ngemutan.

Hanjakalna, Sabat seringna henteu diemutan. Nabi-nabi ngingetkeun wangsa Yahudi kuno yen Gusti PANGERAN bakal ngadatangkeun kareksakan ka aranjeunna upami aranjeunna teu ngemutan dinten Sabat. Aranjeunna teu merhatoskeun pangemut eta, alatanna Yerusalem diancurkeun, sarta kulawarga arenjeunna dicandak kana penawanan. Umat Kristen oge henteu ngemutan Sabat ku ngarobah dinten suci aranjeunna janten dinten Minggon nu henteu tumut kana parentah Gusti PANGERAN. Umat Muslim sembahyang dina dinten Jumaah nanging henteu ngemutan yen urang kedah reureuh dina dinten anu katujuh sangkan hirup dina kataatan anu sampurna ka Nu Nyiptakeun urang.

Kunaon sapertosna sakabeh dunya henteu ngemutan dinten nu penting ieu? Aya sabab-musabab nu leuwih ngajantenkeun urang sieun pikeun nyebarna kahilapan ieu?

Yesus Juru Salamet (oge disebat Isa Almasih) ngemutan urang ngeunaan hiji kawasa dunya nu bakal datang yen Setan (Shaytan) bakal mangaruhan sangkan urang ngabelokeun pikiran urang ti Nu Nyiptakeun urang. Jutaan jalma bakal katipu dina penyembahan kana hiji Sabat palsu. Upami Setan tiasa nyababkeun urang henteu ngemutan kana dinten na Nu Nyiptakeun urang, manehna ngaharep sangkan urang hilap ka Nu Nyiptakeun urang. Nanging, waktos urang ngajagi Sabat nu sajati, urang ngebrehkeun kasatiaan urang ka Nu Nyiptakeun urang sarta ngaraosan nikmat kurnia pangreureuhan, relaksasi (santai), sareng katengtreman.

Lebet kana Pangreureuhan Gusti PANGERAN

Nabi Musa nyeratkeun yen “Gusti ngaberkahan poe anu katujuh” (Kajadian 2:3). Anjeun cape sarta lungse? Aya seueur berkat dina dinten Sabat! 

Mita Duran, panyerat cetak nu kawitna ti Indonesia, maot kusabab didamel kaleuleuwihan—nanging anjeunna teu kedah kitu. Gusti PANGERAN ngulem anjeun sangkan reureuh tina beban beurat anjeun unggal pekan sarta ngaraosan berkat-berkat Sabat.

Upami anjeun bade diajar langkung deui ngeunaan katengtreman, sarta kadamangan, sumangga kontak wae sim kuring dina informasi nu aya di pengker makalah ieu.