Lafiɲɛ diɲɛ lafiyabali kɔnɔ

Mita Duran tun sara. Indonezi sɛbɛnnikɛla min tun bɛ ɲɛnamaya la, n’a si ye san 24 ye, o tun kirina ka bin dɔrɔn a ka tabali kan. Mun tun kɛra? 

Mita tun bɛ baara kɛ piblisite baarada dɔ la, min ka lagniniwtun ka bon, wa baarakètaw tun ka girin. Sooni doron ka kon a saya gnè, a tun y’a ka sɛgɛn kofɔ Bɛjɛn kunafoliw di yorola: “Bi sufɛ ne bɛ biro konnɛgɛw ta fo a tile segi na ka tugu ɲɔgɔn na.... Ɲɛnamaya sii tɛ ne bolo.”

A tun y’a jigi da kosɛbɛ kafeyin minfɛnkan kosɛbɛ, n’o ye Krating Daeng ye, n’o ye Azi jamanaw ka Red Bull ye. A ka kuma laban min kɛra subahana nɛgɛjuru fɛ y’a fɔ ko, “lɛrɛ 30 baara ani hali bi ka taa strooong.” O kɔfɛ, a kirina kabin a ka tabali kan, a ma kunun bele abada. 

Mun tun kɛra? Mita sara baara kɛ kojuguya de fɛ.

Bi, an caman ka waati bolodalenw bɛ baara kɛ kosɛbɛ. Sigida b’an wajibiya anw ma anw ka baara kɛ ka caya, ka wari caman sɔrɔ, ani ka fɛn caman san. An bɛ tɔɔrɔ degun fɛ, sinogobaliya fɛ, ani hakili taasiliba fɛ. 

A bɛ se ka kɛ anw tɛna an yɛrɛw faga I n’a fɔ Mita Duran, nka ɲɛnamaya bɛ se ka kɛ doni girinman ye. Yala Ala tun b’a fɛ ka o de kɛ an ye wa? Ale de ye Hɛrɛ Dibaga ye. Ni anw yɛrɛ bɛ baara kɛ kojugu, yala an bɛ hɛrɛ sɔrɔ wa? A donna ko o koni tɛ Tiɲɛ ye!

N’an sɛgɛnnen don kojugu, o ka kan ka jira ko anw bɛ ɲinɛ fɛn dɔ kɔ, Ala b’a fɛ anw hakili ka to min na. Anw ka mafilɛ a ye min fɔ lafiɲɛ ko la, an k’o dɔn. 

Ka “Joli” Bitɔn digi

Ala ye Nɛɛmaba ani Hinɛba Tigi ye. A tun b’a dɔn ko hadamadenw mago bɛ waati la walasa k’u farikolola, hakilila ani miirilila wala nila fanganw lakuraya, i n’a fɔ weleli baraniw walima subahana bolola barakɛ masini. O de kosɔn, kira Musa (a bɛ fɔ fana ko Nabil Musa) ye Ala ka ci fɔlen sɛbɛn:

I ka i hakili to lafiɲɛ don na, walisa k’a labato. Aw ka baara kɛ tile wɔɔrɔ ka aw ka baaraw bɛɛ kɛ, nka tile wolonwulana o ye Matigi aw ka Ala ka lafiɲɛ don ye. Aw kana baara si kɛ o kɔnɔ (Ka bɔ Kitabu yɔrɔ fɔlɔ la, min bɛ wele fana ko Tawrat: Ekisode 20:8–10).

O Ala ka sariya min tɛ falen fewu, o b’a fɔ anw ye ko anw ka anw hakili to tile wolonwulanan na. Ka kɛɲɛ ni kanw caman ye diɲɛ kɔnɔ, o tile wolonwulanan min bilalen bɛ lafiɲɛ kama, o bɛ wele ko “Lafiɲɛn don.” Mun na Ala ye ci fɔ anw ye ko anw ka anw hakili to o la? Sabu a b’a dɔn ko ɲinɛni kɛra gɛlɛyaba ye min bɛ senna hadamadenw bolo, k’a daminɛ kabini Hadama yɛrɛ la. Anw man kan ka ɲinɛ Ala ka ci fɔlenw kɔ, bawo ni anw hakili bɛ a la ani a ka ci fɔlenw na dɔrɔn, anw bɛna to ka taama sira tilennen kan.

Nka, mun na lafiɲɛ don ye ko kɛrɛnkɛrɛnnen ye? Ala b’a fɔ an ye ko,

Katuguni tile wɔɔrɔ kono Matigi ye sankolow da ani dugukolo, kɔgɔji, ani u kɔnɔfɛnw bɛɛ, ani ka lafiɲɛ don wolonwulanan na. O de kosɔn Matigi dubala lafiɲɛ don ye ka a saniya (Ekisode 20:11).

Lafiɲɛ don ye hakilijigin nafamaba ye min b’a jira ko Ala de ye Dabaga ye. Mɔgɔ dɔw bɛ sɔsɔli kɛ ko ikomi Ala tɛ sɛgɛn, a mago tɛna kɛ a la ka lafiɲɛ tile wolonwulanan na. Nka Ala ma lafiɲɛ sɛgɛn kama; A y’a ka danni baara de jɔ walisa a ka se ka waati senuma di an ma an ka lafiɲɛ.

Ala y’a ye ko lafiɲɛ don ka ɲi hadamadenw ma. A ye tile wolonwulanan kɛ lafiɲɛ don ye, o kɔrɔ ye ko banli waati walima jô waati. O cogo la, dɔgɔkun o dɔgɔkun tile wolonwulanan ye don kɛrɛnkɛrɛnnen ye walasa ka “jô waati” biton digi wala ka matrafa. Anw ka kan ka lafiɲɛ segen baara la ani baaraw minw tɛ senuma ye tile kuuru kɔnɔ walasa k’anw hakili to Ala la ani k’a bato. 

Yala a tɛna diya I ye kosɛbɛ ni i ka baara Tigi walima i ka karamɔgɔ ye yamaruya di i ma ko i ka lafiɲɛ kosɛbɛ wa? O bɛɛ n’a ta, Ala ye ci min fɔ, o ye nin ye tigitigi! Tanuli ka kɛ Ala ye! A ye hinɛtigi ye tiɲɛ na! 

Ala ka don senuma mara

Lafiɲɛ don ye diɲɛ bɛɛ ka don senuma ye diɲɛ mɔgɔw bɛɛ bolo. A tun maralen bɛ Ala kelenpe dannabaaw fɛ minnu bɛ ye danaya kɛ danibaga lakika kelenpe la kabini tuma jan sani Yahutuw, Krecɛnw, Silamɛw, Budadiinɛw walima Ɛnduw ka kɛ yen. Tiɲɛ na, a dira hadamadenw bɛɛ de ma tuma min na diɲɛ dabɔra. Hadama ni Hawa (a bɛ fɔ fana ko Hawawa) ye lafiɲɛ don labato, wa Ala ma yamaruya di an ma abada ka ɲinɛ a ye min fɔ an ye ko an ka to an hakili la. 

A fɔ man di nka, tuma caman na, mɔgɔw ɲinɛna lafiɲɛ don kɔ. Kiraw ye Yahutu kɔrɔw lasɔmi ko Ala bɛna halakili lase u ma ni u ɲinɛna lafiɲɛ don kɔ. U ma o lasɔmini lamɛn, o de la Jerusalɛm halakira, ani u ka denbayaw tara ka taga jɔnya la. Kerecɛnw fana ɲinɛna lafiɲɛ don kɔ, u kɛlen k’u ka don senuma yɛlɛma ka kɛ dimansi ye, ka kon ni Ala ka ci fɔlenw ye. Silamɛw bɛ selili kɛ jumadon nka u ɲinɛna ko anw ka kan ka lafiɲɛ don wolonwulanan na walasa ka ɲɛnamaya kɛ Dabaga kanminɛli dafalen na. 

Mun na a bɛ iko an ka diɲɛ mumɛ bɛɛ bɛ ka ɲinɛ o don nafama kɔ? Yala sababu jugu dɔ wɛrɛ bɛ yen min ka na ni nin ɲinɛni jɛnsɛnli ye yɔrɔ bɛɛ wa?

Yesu Masiya (a bɛ fɔ fana ko Isa al-Masih) ye anw lasɔmi diɲɛ fanga dɔ nata ko la, Sitanɛ (Shaytan) bɛna baara kɛ ni min ye walasa k’anw hakili bɔ an Dabaga la. Mɔgɔ miliyɔn caman bɛna lafili ka batoli kɛ nkalon lafiɲɛ don na. Ni Sitanɛ bɛ se k’anw bila ka ɲinɛ Dabaga ka don kɔ, a jigi b’a kan ko an bɛna ɲinɛ Dabaga yɛrɛ kɔ. Nka, n’anw bɛ lafiɲɛ don lakika labato, anw b’anw ka kantigiya jira anw Dabaga la, ani ka lafiɲɛ, lafiya ani hɛrɛ nilifɛnw diyabɔ.

Ka don Ala ka lafiɲɛni la

Kira Musa y’a sɛbɛn ko “Matigi ye dugawu kɛ tile wolonwulanan na” (Jenɛse 2:3). Yala i sɛgɛnnen don ani i sɛgɛnnen don kosèbè wa? Dubaw bɛ lafiɲɛ don na! 

Mita Duran, min ye sɛbɛnnikɛla ye min bɔra Ɛndonezi, o sara baara caya kosɔn — nka i man kan ka o kɛ. Ala bɛ wele ko i ka i lafiɲɛ I ka baaraw la dɔgɔkun o dɔgɔkun ani ka lafiɲɛ don dubaw sɔrɔ. 

Ni aw b’a fɛ ka kunnafoni wɛrɛw sɔrɔ Ala bɛ lafiya, hɛrɛ ani kɛnɛya di anw ma cogo min na, aw bɛ se ka kuma anw fɛ kunnafoni min bɛ nin sɛbɛn in kɔfɛ.