Vʋʋsgo Dũni sẽn ka tar Vʋʋsg pʋga

A Mita Duran kiimi. Yʋum 24 bi-bɩ yẽensẽnga sẽn yaa Indonezi gʋl-gʋnda vɩk n lʋya a tʋʋma zĩigẽ. Yaa bõe maane?

A Mita ra tʋmda ne moondb sulli, tɩ tʋʋma waogẽ la a zɩsa. Bilf sẽn deng a kũuma, a goma yẽnda namsoga yelle: “Yʋʋ-n-kõnga, mam dɩka tʋʋma zĩig kʋilẽ-n-biisi n kẽng dasmã nii daare. . . . Mam ka tar vɩɩm ye.”

Yẽ ra teega Azi yĩn-yẽegr bõn-yũudla b sẽn boond tɩ Krating Daeng. Yẽnda yaolõm koɛɛg rezo rãmba zugu yeelame, “wakat 30 tʋʋm pʋga n ketẽn taar pãnga.” Dẽ poore a lʋya a biruwã zugu n ka tolẽ n yik yɛs ye.

Ya bõe n maane? A Mita kii ne yaamse.

Rũnda-rũnda tõnd wʋsog tara saagr ne bũmb wʋsgo daar fãa pʋgẽ. Tõnd wakata seegda tõnd tɩd tʋm wʋsgo, n paam wʋsgo, la ra wʋsgo. Tõnd namesda ne yɩɩre, gõem kaalm, la rabeem.

Tõe tɩ tõnd pa kʋʋd d meens wa a Mita Duran ye, la vɩɩma tõe n yɩɩ zɩsog ne-do. Yaa woto la Wẽnnaam da tʋlog ne tõnd sɩda? Bãmb yaa Laafɩ Kõta. Tõnd sãn tʋm tɩ yɩɩd tõnd pãnga, tõnd tara laafɩ siɗa? Yaa vẽeneg tɩ laafɩ kae ye!

Yaamsa sãn yaa tõnd zu-loɛga, tõe tɩ tõnd yĩma bũmb Wẽnnaam sẽn dat tɩ tõnd tẽege. D gese Wẽnnaam sẽn gomd vʋʋsga yell toto.

D tik “Yalsga” Boaka

Wẽnnaam yaa Nonglõm la Nimbãan-zoeer sẽn Yɩɩda fãa soaba. Bãmb ra miimi tɩ ninsaal sɛgd n paama weere tɩ lebg n paam pãng a yĩngã, tagsogã, la a sɩɩga pʋga, wala nugẽ-bãnga, la ordinatɛɛr. Rẽnda yĩnga, norɛɛsa Moyiiz (B sẽn le boond t’a Musa) gʋlsa Wẽnnaam sẽn yeele:

Tẽeg vʋʋsgã raar n welg-a. Tʋm f tʋʋmã fãa dasem a yoobe. La dasem a yopoe wã raar yaa vʋʋsg raar Zu-soabã fo Wẽnnaam waoogr yĩnga. Bas f tʋʋmã fãa (ya Wẽnnaam sebrã pipi wɛdga, b sẽn le boond tɩ Tawrat: Yikri 20.8-10).

Wẽnnaam tõog kãnga sẽn ka tar viigrã yeta tõnd tɩ d tẽeg dasm a yopoẽn daara. Sãn yaa ne buud wʋsg goam dũniyã zugu, dasm a yopoe wã daar sẽn sɛgl vʋʋsga yĩngã yuʋr yaa “Sabbath.” Bõe yĩng tɩ Wẽnnaam yeel tɩ d tẽeg-a? Yaa tɩ Bãmb miimi tɩ yĩmb yaa yell kʋdg ne nin-saal sẽn sɩng ne a Ãdma. Tõnd ka sɛgd n yĩm Wẽnnaam noyã ye, bala tõnd sãa n tẽr Bãmb ne Bãmb noyã la tõnd na n kell n pa so-tɩrga zugu.

La bõe n welg Saaba-wã toor zalle? Wẽnnaam yeta tõnd,

Tɩ bõe dasm a yoobã pʋgã Zu-Soaba maana yĩngri la tẽngã, ko-kasẽngã, ne bũmb nins fãa sẽn be b pʋsã, lab B vʋʋsa dasm a yopoe wã daare. Dẽ Zu-Soaba ninga yopoe daarã barka and welg a toore (Yikri 20.11).

Saaba wã yaa tẽegr kasẽnga tɩ Wẽnnaam yaa Naanda. Neb kẽer yetame ti Wẽnnaam sẽn ka yaadã yĩnga ra ka tɩlaɩ tɩ bãmb vʋʋs dasma yopoe wã daar ye. La Wẽnnaam ka vʋʋse yaams yĩng ye; Bãmb yalsa bãmb naanegã tʋʋmde sẽn na yɩlẽ tɩ b toẽ kõ tõnd weer sõngo vʋʋsg yĩnga.

Wẽnnaam yãame tɩ vʋʋsg raar yaa soãma ninsaal yĩnga. Bãmb maana daar a yopoẽ soabã Saaba, sẽn dat n yeel tɩ vʋʋsg wakato. Dẽ, dasm a yopoe daar Saaba wã yaa daar sẽn welg toore vʋʋsgã wakat “soakã tikr” yĩnga. Tõnd sɛgdame n vʋʋs ne tʋʋma ne bũmb nins fãa sẽn ka kẽed ne Wẽnnaam waoogre sẽn na n yɩlẽ n tɩ tẽeg la waoog Bãmba.

Yãmb tʋʋma taoor soab bɩ yãmb karẽn-saambã sãn da kõ yãmb vʋʋsg n paase, ra pa na n yɩ soãma sɩda? Yaolẽ n yaa woto la Wẽnnaam sẽn yeelã! Pẽgr be ne Wẽnnaam! Bãmb sɩd yaa nimbãan-zoeer soaba!

Bɩ Wẽnnaam Daarã yɩ daar sẽn yaa Soãma

Saaba wã yaa dũni wã fãa daar sõngo neba fãa yĩnga. Neb nins fãa sẽn tẽed Wẽnnaama yembrã sẽn yaa naandã sẽn deng tɩ Zʋɩf rãmbã, Kiris nebã, ne Moẽmbã beẽ. Sɩda, b ra kõoe-a la ninsaala dũniã naanogã wakate. A Adam ne-a Ɛɛv (b sẽn le boond ta Hawa) ra gãda Saabawã, La Wẽnnaam ka tolẽ n kõ bãmb noor tɩ b yĩm bũmb ning Bãmb sẽ n yeel tɩ b tẽegã ye.

Zu-bʋko, neb wʋsg yĩma saabawã yelle. Norɛɛsdbã keooga pĩnd zʋɩf rãmbã tɩ b sã n yĩm Saabawã yelle, Wẽnnaam da na n waa ne sãoong bãmb zutu. Bãmb sẽ n ka keleg keoogrã kɩtame tɩ Zerizalem sãame, la tɩ b yõg bãmb nebã n loog yembdo. Kiris nebã me yĩma Saaba wã n toeem bãmb da-sõnga tɩ lebg Hato bãmb sẽn kɩɩsd Wẽnnaam tõogã yĩnga. Moẽembã pʋʋsda Arzũm la bãmb yĩmame tɩ tõnd sɛgdame n vʋʋs daara yopoẽ soabã n pidis tõnd sakrã ne Naandã.

Bõe kɩt tɩ yaa wala tõnd dũniwã fãa gill yĩmda daar kãngã sẽn taar yõodã? Yĩmb sẽn tar pãnga woto tara bilgr sẽn yaa zulungẽ n yɩɩd bɩ?

A Zezi sẽn yaa Fãagdã (B sẽn le boond tɩ Isa al-Masih) keooga tõnd a sʋtãan (Shaytan) sẽ na n wa tũnig dũni gill pãnga n vɩlemd tõnd sũyã ne d Naandã. Neb tus-kẽema la b na n belg tɩ b kẽ ziri saaba waoogr pʋga. A Sʋtãan sãn tõe paamẽ tɩ d tõnd yĩm Naanda raare, a saagr yaa tɩ tõnd yĩm Naanda Menga. La, tõnd sãn gãd Saaba wã sẽn yaa sɩda, tõnd wiligda d pʋ-peelõm ne tõnd naanda la d rɩt vʋʋsg kũuna yõodo, yõ-noogre, la laafɩ.

Wẽnnaam Vʋʋsga Pʋga Kõom

Norɛɛs a Moyiiz gʋlsame tɩ “Zu-Soabã ninga daar a yopoe soabã barka” (Singr 2.3).
Yãmb yaame tɩ y pãnga sɛ bɩ́? Barka n be Saabawã pʋga!

A Mita Duran, Indonezi seb-gʋnda, kii ne tʋm-tɩ-loogã yaamse-la a ka sɛgd n yɩ woto ne yãmb ye. Wẽnnaam boonda yãmb tɩ y vʋʋs ne yãmb tʋʋma dasmã yopo-poe, la tɩ y rɩ Saabawã yõodo.

Yãmb sãn dat n paam Koe-Noodã sebra menga, bɩ y gʋlsi tõnd kibaya kɩsog zĩiga sẽn be sebra kudigẽ wã.