Ngasoè Dunnya sè Resah

Mita Duran mateh. Dhibi’en, penulis media cetak e omor 24 se cakang jeriyeh, etemoh semaput neng e mejanah. Ponapah sekadeddien? 

Mita alakoh e setong biro iklan se pangarepna tengghi tor beban kalako’nah berre’. Sebelunnah dibi’en mateh, Mita ngocak je’ la cek lessonah alakoh neng e media sosial: “Ben malem, selama saabideh belung areh ros terosan, e paneguk kunci kantor... La kantha tak andhi’ kaodi’en.”

Dibi’en cek matonah ka enoman Krating Daeng, Red Bull versi Asia. Ngocak secara online se terakhir ngebele jek mon la alakoh telo polo jam ros - terosan. Dibi’en pas semaput neng e mejanah tak ngeneng jege pole. 

Ponapah kadeddi’nah? Mita matèh polana alako berra’. 

Mangken benyak oreng andik jadwal se ce’ benyaknah. Oreng bennyak maksa agi abe’ dibi’en koduh alakoh lebbi benyak, ngasellaghi lebbi benyak, melleh lebbi benyak. Kulâ sadâjâh ngadhebbi stress, tak ngedeh tedung, pekkeran ce’ kobaterra.

Kulâ sadâjâh amik tak sampe’ bunuh diri kanta Mita Duran anangin pastenah odik sajen berre’. Aponapah panikah karebbeh Pengeran? Hakikatah Pengeran se aberri’ katentereman. Ananging semangken nika nekat manossah talebet maksa, kadinapa be’ tentremah odik? Tantona tak sapaneka!

Lamun abe’ dibik arasa lessoh, musthena bede  bebegen se kodhuna segut soro kenga’en sareng Pengeran. Tore areng-sareng kenga’en ponapah debhuna Gusthe tentang pateh. 

Metek Tombol “Pause”

Gusthe Pengeran Ar Rahman Ar Rahim. Ajunan Delem oneng je’ manossah buto se nyamanah ngesse’eh ulang energi fisik, mental, sareng spritual, pade sareng HP otabeh komputer laptop. Millanah Nabi Musa nyatet dabhuna Sang Pengeran:

Raya’agi ban hormadi are Sabat menangka are se socce. Bi’ Sengko’ ba’na eberri’i nem are kaangguy alalakon, tape are se kapeng petto’ are Sabadda PANGERAN, Allahna ba’na. Are jareya angguy abakte ka Sengko’, e are jareya ba’na ta’ olle alalakon. (Dâri bâgiyân pertama Alketab, sè èkennal jhughân mènangka Tawrat, Kalowaran 20:8-10).

Atoran Pangeran se tak kening e obe riyah masenga’ bab areh se kapeng petto’. Miturut basa neng e dunyah, areh se kapeng petto’ riyah e kususaghi kaanguy istirahat esebut areh “Sabat.” Arapa Pangeran marenta abe’ dhibik soro kenga’en? Sebab Ajunan Dhalem ngaoningeh je’ manossah segut lopanah, mulai lambe’ deri jeman Adam. Kulâ sadâjâh je’ sampe’ ngelopa’na parenta ban atoranna Allah, sebab dele enga’ ka parenta ban atoranna abe’ dibi’ netep e jelen se loros.

Anangeng ponapah Areh Sabat jareyah ma’ istimewa? Pangeran adebu,

E dhalem nem are Sengko’, PANGERAN, agabay bume, langnge’, tase’ raja ban saessena, tape e are se kapeng petto’ Sengko’ ambu ta’ alalakon pole. Lantaran jareya Sengko’ aberkadi are Sabat ban masocce are jareya. (Kalowaran 20:11).

Sabat daddhi dedi pangengak penting, ja’ Allah Sang Pencipta. Kabanya’an oreng tak yakin je’ bekto jareya Allah romasa lesoh, dedi saongguna Ajunan Dhalem tak buto aistirahat e areh se ka petto’ jareya. Ananging Pangeran benne aistirahat lantaran lesso otabe moguk; Ajunan ambu alalakon penciptaan epon lantaran sopaje’e bisa nyiapaghi bekto se khusus kaanguy istirahat abe’ dhibik dibi’.

Allah ngoladi ja’ areh istirahat jareyah masenneng sakabhina umat manossah. Areh se kapeng petto’ e kagebey are Areh Sabat sareng Allah se artena ambu kade’. Deddi areh se ka petto’ ben mingguna ruwa areh khusus kaangguy mecek tombol ambu. Kulâ sadâjâh koddhu aistirahat deri lalakon ban kegiatan apa beih salanjenga areh kaangguy ngenga’e ban nghormati Pangeran. 

Saongguna bhunga kan mon juragana otabe profesorah nyoro pabenyak istirahat? Jugen anikah se epakon Pangeran! Duh mak cek mapanna Pangeran! Ajunan Dhalem lakar penyayang! 

Ajegeh Kasoccean Areh Pangeran

Sabat nikah areh se berlaku universal kaangguy sakabhinah oreng e dunyah. Sabat e jegeh sareng penganut Tauhid se gelluan sabelumah oreng Yahudi, Nasrani, Islam, Budha, ban Hindu. Saongguna, Sabat ebegi ka sekabihnah umat nalikana dunyah e ciptaaghi. Adam ben Hawa ajegeh areh Sabat dele Pangeran tak terro manossah  loppah ka debhunah ban parentanah. 

Sayangah, areh Sabat segut ekallopaeh. Para Nabbi maenga’ oreng Yahudi se gelluen, se kona, menabhi Pangeran bakal ma ancor sabedena lamun sakabhinah loppah ka areh Sabat. Oreng bennyak jareya ta’ angugemi peringatan jareya saengga Yerusalem e pa ancor, ban keluwarganah e buweng dedi tawanan. Umat Nasrani jugen ngeloppaeh Sabat klaban ngoba areh  soccena dedi areh minggu se jelas ta’ sajelen kalaben atoranna Gusthi Pangeran. Oreng Islam ibadah e areh Juma’at, tapeh tak enga’ kodhu istirahat e areh se ka petto’ menangka bukti ke tauhidan sareng Gusthi Pangeran. 

Ma’ bisah seluruh dunyah loppah ka areh se penting jareya? Apa bedeh sabat se gebey loppana sakabhi’na oreng?

Sang messiah (Isa Almasih) ma enga’ babagan kakuatna dunyah se bekal deteng, se bekal e gunaaghi  iblis (setan) kaangguy ma obe pekeranna manossah deri Sang Pencipta. Juta’an manossah mangge e cokocoa ibada ka Sabat palsu. Manabi setan bisa agebey abe’ dibik lopa ka areh Sabat, setan ngareb kulâ sadâjâh loppah keyah de’ ka Sang Penciptana. Anangin mon abe’ dibik angugemi areh Sabat se sa ongguna asli, abe’ dibik nodhuaghi keta’atan de’ ka Pencipta ban arasa dhemang odik lantaran areh istirahat reya.

Masok ka Istirahata Pangeran.

Nabi Musa noles dhabuna Allah bahwa “Allah merahmati areh se kapeng petto’” (Kadaddian 2:3). Anapa mpeyan lesso ben kaso? Bedeh berkat ban Rahmat e areh Sabat! 

Mita Duran, penulis media cetak deri Indonesia, mateh lantaran lalakon se ce’ benyak en - anangin mpeyan tak usa norok aghi. Allah ngajek sampean kaangguy istirahat deri lalakon saben mingguna mak le arasaaghi rahmat Sabat. 

Mon dhika terro belajar se saterossa ban kadhiponapa Allah aberri’ manossah istirahat, trentem, berres seger, ngereng e atore ngubungi kauleh ben cakancah, lebet informasi se neng budhi dlubeng nekat.