Asteɛfu deg Dunnit ur nesɛi Asteɛfu

Mita Duran temmut. Tamyarut-nni tandunisift iẓewren i yellan tesɛa ala 24 n yiseggasen di leɛmeṛ-is, teɣli deg uxeddim-is. D acu yeḍran? 

Mita texdem deg yiwet n tengit udellel, anda llan ttṛaǧun aṭas seg ɣur-s yerna taɛekkumt n uxeddim i teɛbba tella ẓẓayt. Uqbel kan ad temmet, twennet-d deg uẓeṭṭa anmetti ɣef leɛtab-is: “Iḍ-a, refdeɣ tisura n lbiru i wass wis tmanya mebla aḥbes…. Ur sɛiɣ ara tudert.”

Tella tezga tettess tissit n Qratin Dayin yesɛan takafiyint, yellan d taḍrist n Red Bul deg Asya. Awennit-s aneggaru deg Internet tenna-d “30 n tsaɛtin n uxeddim yerna aqlin mazal-iyi ţkemmil-aɣ s lǧehd.” Dɣa teɣli ɣef tnarit-is, werǧin tekker. 

D acu yedṛan? Mita temmut seg zzyada n lxedma.

Asagi, aṭas deg-neɣ i yesɛan ahil n uxeddim yellan yeḥres. Tameti teţweṣṣi- yaɣ ad nexdem ugar, ad nerbeḥ ugar, ad d-naɣ ugar. Nettenɛettab seg utqelleq, leɛziṛ, akk-d lǧehd n wallaɣ. 

Ahat ur nneqq ara iman-nneɣ am Mita Duran, lamaɛna tudert tezmer ad tili d taɛkemt ẓẓayen. D ayagi i ɣ-yebɣa Sidi Ṛebbi? D netta i d yeţţaken talwit. M’ara nexdem nig tezmert-nneɣ, nettḥulfu-d talwit? Mebla ccek, d lmuḥal!

Ma yella kkawen ifadden-nneɣ deg ɛeggu, ahat ihi neţţu yiwet n tɣawsa i yebɣa Ṛebbi ad nesmekti. Ayawt ad nẓer d acu id yenna ɣef usgunfu. 

Ad netekki ɣef tqeffalt n “Asgunfu”

Siḍi Ṛebbi ḍ Bab n Leḥna yerna yeččur d Ṛṛeḥma. Yeẓra ḍ akken imḍanen ḥwaǧen akud akken a d-sseǧhden tazmert n tfekka-nsen, d wallaɣ-nsen, akk-d leḥwayeǧ n ṛṛuḥ-nsen, am usawal neɣ am uselkim. Ɣef wayagi, nnbi Moïse (yettwassnen daɣen s Musa) yura isuḍaf n Sidi Ṛebbi:

Cfu ɣef wass n westeɛfu, ɛezl-it-id d ass imqeddes. Aț-țxedmeḍ sețța n wussan, aț-țekfuḍ meṛṛa lecɣwal-ik; lamaɛna ass wis sebɛa, d ass n westeɛfu n Umeɣlal, Illu-yik. Ur xeddmet acemma (seg uḥric amenzu n Tira Iqedsen, yettwassnen daɣen s yisem n Tawrat: Tuffɣa 20:8 - 10).

Aṣaḍuf n Siḍi Ṛebbi ur yettbeddilen ara, yeqqar- aɣ- d ḍakken yessefk ad t-nesmekti ass wis sebɛa. Ɣef leḥsab n waṭas n tutlayin deg umaḍal, ass wis sebɛa-agi yettunefken i westeɛfu, qqaren-as “Ssebt.” Ayɣar Siḍi Ṛebbi yefka- aɣ- d lameṛ akken ad t-nesmekti? Acku yezṛa ḍ akken tuţţit tella dima d ugur n yemḍanen, beddu seg Adam ɣer wasa. Ur ilaq ara ad neţţu lumuṛat n Sidi Ṛebbi, axaṭer ma yella neţmektayeḍ lumuṛat-is ad neddu deg ubrid n tidet.

Maca, ayɣer ass n westeɛfu d ass yețțwamyzen? Sidi Ṛebbi yenna-yaɣ-d,

Axaṭer di sețța n wussan, Ameɣlal ixelq-ed igenwan, lqaεa, lebḥuṛ akw-d wayen meṛṛa i ten-iεemṛen. Ass wis sebɛa isteɛfa. Daymi, iburek Umeɣlal ass n westeɛfu yerna iqeds-it (Tuffɣa 20:11).

Ass n westeɛfu yesɛa azal axaṭar ḍ asmekti ḍ akken Ṛebbi ḍ Axellaq. Kra n yemḍanen ssuksen-d dakken Siḍi Rebbi ḍ lmuḥal ad yeɛyu, deɣa ur yeḥwaǧ ara ad-yesteɛfu deg wass wis sebɛa. Ḍacu Siḍi Rebbi ur yestaɛf ara deg ɛeggu, ḍacu yesḥebs ccɣel-is n uxlaq akken ad aɣ-d-yefk lweqt iqedsen i nukni ad nestaɛfu.

Ṛebbi iwala belli ass n westeɛfu yelha i yemdanen. Yexdem ass wis sebɛa d ass n westeɛfu, lmeɛna-s d asgunfu neɣ d aḥbas. Ihi, ass wis sebɛa n yal dduṛt d ass yesɛan azal akken ad nettekki ɣef tqeffalt n “tasgunfut”. Yessefk ad nesgunfu seg uxeddim neɣ deg lecɣal wass kamel ur nelli ara d imqeddesen akken ad t-nesmekti yerna ad t-neεbed. 

Mačči ḍ ayen yelhan ma yella amεellem-ik neɣ aselmad-ik ak-yameṛ ad testeɛfuḍ ugar? D acu kan, d ayagi i ɣ-d-yumeṛ Ṛebbi! Iţţubarek yisem n Umeɣlal! S tideţ d Bab n ṛṛeḥm i yella! 

Ad yeţţwaḥrez wass n Yillu d imqeddes

Ass n westaɛfu d ass amaḍlan imqeddes i yemdanen deg ddunit meṛṛa. Yella yeţţwaḥrez sɣuṛ lmumnin igenwanen (monothéistes) wid yettamnen s Rebbi n tidet axellaq, uqbel akk ad ilin Iyahudiyen, Imasiḥiyen, Inselmen, Ibudiyen, neɣ Ihendusen. D tidet, yettunefk-d i yemḍanen meṛṛa mi yettwaxleq Umaḍal. Adam akk-d Ḥewwa ḥerzen ass n westeɛfu, yerna Sidi Ṛebbi werǧin iɣ- d-yefka ttesriḥ ad nettu ayen i ɣ-d-yenna ad t-nesmekti. 

D asḥissef, ass n westaɛfu yettwattu s waṭas. Lanbeyya ɛeggnen Iyahudiyen n zik d akken Ṛebbi ad asen-d-yawi nnger ma yella ţţun ass n westaɛfu. Ur rrin ara ddehn-nsen ɣer uɛeggen-nni, daymi Yarucalim tettwassedrem, yerna tiwaculin- nsen ţwanfant. Ula d Imasiḥiyen ttun daɣen ass n westeɛfu mi beddlen ass-nsen imqeddes ɣer lḥedd d anemgal i lumuṛat n Ṛebbi. Inselmen ttẓallan deg wass n lǧemɛa maca ttun belli ilaq ad nesgunfu deg wass wis sebɛa akken ad niddir s ṭṭaɛa n dayem i Win i ɣ-d-ixelqen. 

Iwacu i d-yettban am akken amaḍal-nneɣ merra yettu ass-a yesεan azal? Tella ssebba i cceṛ-agi i gessaweḍ ass- a medden meṛṛa i wakken ad ttun?

Lmasiḥ (ițusemman daɣen Isa al-Masih) iɛeggen-aɣ-d ɣef yiwet n tezmert ara d-yilin deg umaḍal swayes amcum (Cciṭan) ad yewwet i wakken ad yesbeɛd ixemmimen- nneɣ ɣef Uxellaq-nneɣ. D imelyunen n medden ad yettwakellxen iwakken ad ɛebbden deg yiwen wass n westeɛfu n lekdeb. Ma yella yezmer Cciṭan ad aɣ-yeǧǧ ad nettu ass n Win i ɣ-d-ixelqen, ihi yessaram ad nettu Win i ɣ-d-ixelqen s timmad-is. Lameεna, m’ara neḥrez ass n westeɛfu n tideţ, ad d-nesbeggen nnṣaḥa- nneɣ i Win i ɣ-ixelqen yerna ad nefreḥ s tikci n westeɛfu, d usgunfu akk-d talwit.

Akčum deg westeɛfu n Ṛebbi

Nnbi Musa yura-d belli “Illu iburek ass wis sebεa” (Laṣel n ddunit 2:3). Teεyiḍ yerna teḥfiḍ? Llant lbaṛakat deg wass n westeɛfu! 

Mita Duran, Tamyarut seg Indunisya temmut seg uxeddim aṭas—lamaɛna kečč ur ilaq ara aţ- ţemmteḍ. Ṛebbi yetteεreḍ-ik yal ssmana akken ad testeɛfuḍ seg uxeddim-ik, yerna ad tɛerḍed lbaraka n wass n Westaɛfu. 

Ma tebɣiḍ ad tissineḍ ugar ɣef wamek i ɣ-d-yettak Ṛebbi asgunfu, talwit, akk-d useḥlu, ttxil-k aru-yaɣ-d ɣer isallen-agi yellan deffir n lkaɣeḍ-a.