Ndaartude Yurmeende

Faatima ina wonnoo kaɲum tan ɲande Juulde Taaske, ngool gongol makko kaŋko tan takii no mo yeeweede. Mbela ko kaŋko jeynoo sabaabu ndeen yeeweende makko?

Faatima siftoriino no o dukdirnoo e baaba makko haa wuli jaw sabaabu nde yiɗde mo resondirde e Ahmed. Ko o suka tokooso o wonnoo o naatani yiɗde. Hol no baaba makko wi’irata ala? Nde o doki nde o resondiroyi e Ahmed, baaba makko wi’i mo woto o naattu galle makko.

O sikki maa o waaw roondaade gacce ɗe sabaabu nde jiɗgol makko Ahmed. Kono ɓooyaani tan, o anndi ko baaba makko wonnoo e goonga. Ahmed wonaano oon gorko mo o sikkatnoo o yiɗi o. Oon seeri mo resoyi debbo goɗɗo.

Faatima heɓi gacce mawɗe. O yenanaa o hawrii e ɲaawoore, omo yoɓee golle makko. O faami ko ɲaawoore firti tigi rigi. Kono noon eskey, ɓernde makko ina muuyanoo yurmeende!

Jom Moƴƴere e Jom Yurmeende o

Tawi ko en goongiyante en, maa en njaɓ enen fof en mbaɗii goofi tee en ɗuŋgiima sawtowol haqqilantaagu. En tooɲii woɓɓe. Woɓɓe tooɲii en. Renndooji men tafiraa ko yimɓe waɗooɓe goofi. Tee ina saɗi njaafondiren njaafoɗen koye men!

Mbela yurmeende ngam goofi men ina woodi?

Miijo laabi no poti ndeftuɗaa e ɗiiɗoo koŋnguli “bismillah Al-Rahman Al-Raheem”—”e innde Geno, Jom Yurmeende, Jom Moƴƴere.” E ko taki yurmeende wonde huunde heeriinde?

Ina waawi tawa renndooji men—e ɓerɗe men tigi—ina cokli yurmeende no feewi.

Yurmeende: Laawol Ɓural

Duuɓi seeɗa caggal, gorko gooto biyetenooɗo Abdul-Rahman haɓi e koddiijo mum gooto biyetenooɗo Kareem, o wari ɗum. Nguurndam waklii e ɗii galleeji ɗiɗi gonɗi e ngoo wuro tokooso to leydi Misira. Koreeji Kareem ina njiilotonoo yoftaade, kono koreeji Abdul-Rahman, wondude e kulol, ina etotonoo reende mo. Abdul-Rahman yiɗaano ɓe njoftondira ko gasataa. O naamnii mawɓe wuro yoo mbaajo mo heen, ɓeen mbi‘i mo yo o waɗ aada maɓɓe ko fayti e kasaŋke maayɗo.

Abdul-Rahman soodi kasaŋke mum daneejo o fawi heen laɓi. O yehi to jeere to o hawroyi e koreeji Kareem, wuro ngoo fof woni e yeeɓde mo. Abdul-Rahman dicci koppi e yeeso Habib, mawniraaɗo walla miɲiraaɗo baraaɗo o, o totti ɗum kasaŋke o e laɓi ki. O ɲaagii yurmeende e kawrital.

Habib fawi laɓi ki e goddol Abdul-Rahman. Yimɓe wuro ngo ngaddi mbortu, Habib noon ina foti suɓaade ko foti waɗde ɗoon: yurmeende, walla joftagol? Nde o fawi laɓi ki e goddol Abdul-Rahman, baɗe makko pirti ko ɗum ɗoo, “jooni haɗani e njiimaandi am. Gite fof ina tiimi e ɗum; gooto fof ina anndi mbeɗa jogii laawol warde ma e baawɗe waɗde ɗum. Kono mi suɓiima yurmeende e kawrital. Maa mi haaɗnu ɗo dufgol ƴiiƴam.”

O ruŋkitii Abdul-Rahman o jaggi mbortu o, o hirsi mo. Nde mbortu o yari mette ɗe, sekre nde, te timmini ɲaawoore nde, Habib fiilii e Abdul-Rahman, uurnii ɗum. Jam arti hakkunde ɗii galleeji ɗiɗi.

So tawii innam aadee en mbaawii yiitude laawol no kawradiniri peewal e yurmeende, e goonga, Geno ina waawi waɗde hono noon!

Yeesu Almasiihu: Yurmeende ummiinde to Geno

Hol ɗo mbaawɗen jaŋngude ko fayti e Yurmeende Geno? Ko huunde weeɓnde. Ina waawi tawa on meeɗii nande ina wiyee Yeesu Almasiihu o (homo wiyee kadi Iisaa Almasiihu) woni “Yurmeende” ummoriinde to Geno. Ɗuum firtata ko kaŋko tigi woni ɓoorniiɗo Yurmeende timmunde. Laawol Makko—ko o jaŋngini ko e nder Kabaaru Moƴƴo o, ganndiraaɗo o Injeel—ɗuum woni laawol yaafuya e kawrital.

Yeesu Almasiihu ina waawi timminde ngaal gollal keeringal sabu kaŋko gooto bajjo Geno neli mo meeɗaa bakkodin. Kala annabi e nulaaɗo nulanooɗo ina coklunoo yaafeede bakkatuuji mum’en, haa heddii Yeesu Almasiihu. O safano o nawaa dow asamaan. O soklaano fadde Ɲalawma Ɲaawoore sabu o meeɗaa bakkodin hay gootol—hay bakkaat ɓurɗo o famɗude o meeɗaa waɗ.

Sabaabu nde ɗuum ɗoon o wiyaa Yurmeende ummiinde to Geno. O rokki en yeru yurmeende seniinde tee o jaŋngini en hol no keɓirten yurmeende Geno.

Hol no Yeesu Almasiihu o Waawata Wallirde Mi?

Ina winndaa Yahya Baptisoowo o sooynii Yeesu Almasiihu o e nder diɗɗal maŋngal, e loŋnginoore ummoriinde to Geno, o wulli daande dow o wi‘i, “Ƴeewee! Jawgel Geno momtowel bakkaat aduna ngel nana!” (Kabaaru Moƴƴo o, Yuhanna 1: 29) Yeesu Almasiihu o way ko no mbortu perɗo o laawol kawrital Abdul-Rahman ngol.

So en pawaama kuugal ngam goofi men, ɗuum woni peewal. Kono Yeesu Almasiihu o, mo meeɗaa bakkodinde o, suɓii lomtaade en, ƴetti goofi men. Alaa fof ɓittinɗo mo haa o waɗi ɗum alaa e sago. O suɓii maayde ngam timminde ko sariya o naamnii ko e peewal. Kaŋko wonnoo gooto bajjo meeɗɗo wuurde bakkodinaani, kono o jaɓi waɗeede no mbortu o nih e ciimtol Abdul-Rahman ngol. Ko ɗuum waɗi, caggal nde o leeptaa sabaabu nde men, Geno safi mo nawi mo dow asamaan.

Ina waawi tawa haɗa wondi e caɗeele e nguurndam ma. Walla mbayɗaa ko no Faatima nih, mo ɓe o horsinnoo ɓe ndiiwi o. Walla tawa won baɗɗo ma ko muusi, walla nih tawa ndimaagu maa tunwinaama. Walla tawa kadi mbayɗaa ko no Abdul-Rahman nih, haɗa mimsi kadi haɗa wondi e kulol yoftagol.

Yeesu Almasiihu o ina waawi wallude. Haɗa waawi waɗde ɲaagungal daɓɓal hono nih:

Eeheey maa Joomiraaɗo, mi meeɗataa waawde yoɓde ngam bakkatuuji am. Kono mbeɗa anndi ko aan neli Yeesu Almasiihu o hono no Yurmeende fayde e amen. Mbeɗa ɲaagi maa yaafuya sabaabu nde golle moƴƴe ɗe o waɗani innam aade en fof. Wallu am mi faama laawol Yeesu Almasiihu ngol mbela mbeɗa waawa heɓde yurmeende maaɗa e nguurdam am. Aamiin.

So a yiɗii heɓde deftere Kabaaru Moƴƴo nde, jokkondir e amen e toŋngoode winndaande nde e caggal ooɗoo kaayit.