Nublanuikpɔkpɔ didi vevie

Taƒoƒo Kpuie

Aleke Mawu ƒe amenuveve le ɖo? Ɖe wògblɔa ko be "Metsɔ ke wòa," alo ɖe wònaa teƒexɔlaa ɖe be wòakɔ míaƒe ŋukpenanuŋlɔ̃ɖiwo ŋua? Agbalẽvi sia le ŋutinyaa ɖe le de-gbe me gblɔm atsɔ ɖe alesi avulele vɔsa hiã kple nusi wònye la gɔme. Mɔkpɔkpɔ asu nuxlẽlawo si le nyanya me be wotsɔ wo ƒe nuvɔ̃ ke eye be woaɖe woƒe ŋukpe ɖa.

Ƒomevi

Agbalẽvi

Agbalẽtala

Sharing Hope Publications

Elì le gbegbɔgblɔ

21 Gbegbɔgblɔwo

Axawo

Dzesidenuwo

#Islamisubɔsubɔ #Ɖeɖekpɔkpɔ #Yesu Mesia la #Ʋɔnudɔdrɔ̃#Nublanuikpɔkpɔ #Tsɔtsɔke #Vɔvɔ̃ kple dzitsitsi #Mɔkpɔkpɔ #Ʋɔnu nyuie dɔdrɔ

Heeɖeanyi

PDF/X PDF EPUB

Fatima tsi akogo le Eid al-Adha zãɖuɖu me, eye wòwɔ nɛ be eƒe akogotsitsi asesẽ wú tsɔtsɔ nɛ ene. Eƒe akogotsitsi nye eya ŋutɔ ƒe vodada, alo menye nenemae oa?

Fatima ɖo ŋku alesi wòhe nya vevie kple fofoa ku ɖe eƒe Ahmed ɖeɖe ŋu la dzi. Ɖetugbuivi wònye si yɔ kple lɔlɔ̃. Aleke fofoa ate ŋu agblɔ be ao ma? Esi wòsi dzo be yeayi ɖaɖe Ahmed la, fofoa gblɔ be magatrɔ ava gbeɖe o.

Enɔ susum be yeate ŋu atsɔ ŋukpe la le lɔlɔ̃ si le esi na Ahmed ta. Gake, eteƒe medidi hafi wòkpɔ be ye fofo ƒe nya le eteƒe o. Ahmed menye ŋutsu si wòsusu be yetsɔ lɔlɔ̃ na la o. Edzo le egbɔ hedze nyɔnu bubu yome.

Ŋu kpe Fatima le eɖokui ŋu. Exɔe se be yedo go dzɔdzɔenyenye eye yenɔ fetu si dze la xɔm. Ese dzɔdzɔenyenye gɔme nyuie. Gake oo, alegbegbe eƒe dzi nɔ nublanuikpɔkpɔ dim veviee!

Amenuvela Gãtɔ kple Nublanuikpɔla
Gãtɔ kekeake

Ne míato nyateƒe la, mí katã míewɔ vodadawo hegbe toɖoɖo nunya ƒe gbe. Míeda vo ɖe ame bubuwo ŋu. Ame bubuwo wɔ vɔ̃ ɖe mía ŋu. Míaƒe nutoawo me tɔwo nye amesiwo wɔa vodadawo. Eye aleke gbegbe wòsesẽna be míatsɔ ake míanɔewo kple mía ŋutɔwo hã!

Ɖe nublanuikpɔkpɔ li na míaƒe vodadawoa?

Bu zi nenie nègbugbɔ gblɔ nyagbe sue sia ŋu kpɔ “bismillah Al-Rahman Al-Raheem”—”Le Mawu, Nublanuikpɔla Gãtɔ, Amenuvela Gãtɔ kekeake, ƒe ŋkɔ me.” Nukae nye nusi le tɔxɛ ŋutɔ ŋutɔ le nublanuikpɔkpɔ ŋu?

Ɖewomahĩ le esi wònye be míaƒe nutoawome tɔwo—kple mía ŋutɔ míaƒe dziwo—hĩa nublanuikpɔkpɔ ale gbegbe tae.

Nublanuikpɔkpɔ: Mɔ si nyo wu la

Ƒea ɖewoe nye esia, ŋutsua ɖe si ƒe ŋkɔ enye Abdul-Rahman wɔ avu kple eƒe aƒelika Kareem hewùi. Agbea va tɔ zɔmaɖe na ƒome eveawo le Egipte ƒe kɔƒe vi sia me. Kareem ƒe ƒomea di hlɔ̃biabia, le esime Rahman ƒe ƒomea nɔ agbagba dzem kple vɔvɔ̃ be yèwoaɣla eta. Abdul-Rahman medi be hlɔ̃biabia susu sia nanɔ edzi yim ɖaa o. Ebia toƒoɖo tso kɔƒea kplɔlawo gbɔ, eye woɖo aɖaŋu nɛ be wòato amekukuɖivɔ ƒe kɔnu me.

Abdul-Rahman tsɔ eya ŋutɔ ƒe amekukuɖivɔ ɣi si dzi wòtsɔ hɛa ɖe da ɖo la vɛ. Eyì ɖado go Kareem ƒe ƒomea le asime, le esime kɔƒea katã nɔ wo kpɔm. Abdul-Rahman dze klo ɖe Habib, amesi wòwu la ƒe nɔviŋutsu ŋkume, eye wòtsɔ ameɖivɔ kple hɛa nɛ. Ebia nublanuikpɔkpɔ kple avuléle.

Habib tsɔ hɛ la ɖo Abdul-Rahman ƒe hlo dzi. Kɔƒeamegãwo tsɔ alẽa ɖe vɛ, eye wònɔ na Habib be wòawɔ tiatia: nublanuikpɔkpɔ, alo hlɔ̃biabia? Esi wòtsɔ hɛa ɖe Abdul-Rahman ƒe hlo dzi la, eƒe wɔna nɔ gbɔgblɔm be: “Nège ɖe nye ŋusẽ té azɔ. Ŋkuwo katã le nu sia kpɔm; amesiame nya be Mekpɔ gome be mawù wò eye màte ŋu awɔe hã. Gake metia nublanuikpɔkpɔ kple avuléle. Màwú ʋu ƒe drewɔwɔ la nu.”

Edzo le Abdul-Rahman gbɔ heyi ɖawù alẽ la ɖe eteƒe. Ke esi vevesese, dziku kple fetu dzɔdzɔe ƒe duƒuƒu kɔ ɖe lã la dzi la, Habib kpla asi kɔ na Abdul-Rahman. Ŋutifafa ge ɖe ƒome eveawo dome.

Nenye be amegbetɔwo ate ŋu ana be fetu dzɔdzɔe kple nublanuikpɔkpɔ nawɔ dɔ ɖekae la, Mawu hã ate ŋu awɔ nenema ke!

Yesu Mesia la: Nublanuikpɔkpɔ si tso Mawu gbɔ la

Afika míate ŋu asrɔ̃ nu le tso Mawu ƒe nublanuikpɔkpɔ ŋu? Esia le bɔbɔe ŋutɔ. Ɖewomahɩ̃ nese be Yesu Mesia la (si ke nye Isa al-Masih) la wogayɔnɛ hã be “Nublanuikpɔkpɔ” tso Mawu gbɔ. Egɔmee nye be eya ametia katã nye nublanuikpɔkpɔ. Eƒe mɔ—eƒe nufiafiawo le Nyanyuiawo me, siwo wogayɔna be Indzil la—eyae nye tsɔtsɔke kple avuléle ƒe mɔ.

Yesu Mesia la te ŋu wɔ akpa wɔnuku sia elabe eya ɖekae nye amesi Mawu dɔ ɖa, amesi me nuvɔ̃a ɖeke mele kura o. Nyagblɔɖila kple gbedeasinala kɔkɔe ɖesiaɖe hĩa tsɔtsɔke ɖe woƒe vodadawo ta, ke menɔ nenema na Yesu Mesia la o. Wokɔe yi ɖe dziƒo tɛ̃, le esi wòle be wòalala Ʋɔnudrɔŋkeke la, elabena mewɔ vodada ɖeke kpɔ o—suetɔ kekeake gɔ̃ hã kpɔ o.

Le susu sia tae woyɔe be Nublanuikpɔkpɔ tso Mawu gbɔ ɖo. Ena nublanuikpɔkpɔ dzadzɛ ƒe kpɔɖeŋu mí eye wòfia alesi míaxɔ Mawu ƒe nublanuikpɔkpɔ la mí.

Aleke Yesu, Mesia la ate ŋu akpe
ɖe ŋunye?

Woŋlɔ̃e ɖi be Yohanes Amenyrɔ̃la (si wogayɔna hã be Yahia) la kpɔ Mesia la le amehaa ɖe dome, eye le Mawu ƒe Gbɔgbɔ me la, edo ɣli be: “Kpɔɖa, Mawu ƒe Alẽvi, si le xexeame ƒe nuvɔ̃ la tsɔm yina la enye si!” (Nyanyuieawo, Yohanes 1:29). Yesu Mesia la le abe alẽ si ta avuléle ƒe mɔ na Abdul-Rahman ene.

Ne míexɔ tohehe na míaƒe vodadawo la, eyae nye dzɔdzɔnyenye. Gake Yesu Mesia la, si me nuvɔ̃a ɖeke mele o la, lɔ̃ faa be yèaxɔ míaƒe vodadawo ɖe eɖokui dzi. Amea ɖeke mezi edzi o. Elɔ̃ faa xɔ ku ɖe eɖokui dzi be wòanye ŋuɖoɖo na dzɔdzɔenyenye ƒe biabia. Eyae nye ame maɖifɔ blibo ɖeka si nɔ anyi kpɔ, gake eɖe mɔ le eɖokui ŋu be woawɔ na yè abe alesi wowɔ na Abdul-Rahman ŋutinya ƒe alẽ la ene. Esia tae le eƒe fukpekpe ɖe mía ta megbe la, Mawu fɔe ɖe tsitre yi dziƒoe.

Ɖewomahĩ masɔmasɔa ɖe le wò agbe me. Ɖewomahɩ̃ nele abe Fatima ene, amesiwo nelɔ̃ la gbe nu le gbɔwò. Ɖewomahɩ̃ amea ɖe na vevesese wò, alo wògblẽ wò ŋkɔ madzemadze tɔe. Ɖewomahĩ abe Abdul-Rahman enea, neɖi fɔ eye nele hlɔ̃biabia vɔ̃m.

Yesu Mesia la ate ŋu akpe ɖe ŋuwò. Àte ŋu awɔ kukuɖeɖe sue sia ko be:

Oo Aƒetɔ, nyemate ŋu axe nye nuvɔ̃wo ƒe fe o. Gake menya be nèdɔ Mesia Yesu ɖa be wòanye wò nublanuikpɔkpɔ na mí. Meɖe kuku xa ɖe nu nyui si wòwɔ na amegbetɔ ƒomea katã ta ne nàtsɔe akem. Kpe ɖe ŋunye be madze si Mesia Yesu ƒe mɔ la ale be makpɔ wò nublanuikpɔkpɔ le nye agbe me. Amen.

Ne edi be yeaxɔ wò ŋutɔ wò Nyanyuiawo ƒe agbalẽ la, ekema nàtè ɖe mía ŋu to numeɖeɖe siwo le agbalẽvi sia megbe la dzi.

Copyright © 2023 by Sharing Hope Publications. Woate ŋu ata dɔ sia ahamae gbemabia nenye be asitsatsa ƒe tameɖoɖo mele eme o.
Mawunya tso Éwé Revised Version © Bible Society of Ghana, 1913, 2006.

De asi agbalẽa te na míaƒe nyadzɔdzɔgbalẽ xɔxɔ

Nye ame gbãtɔ si anya ne woɖe agbalẽ yeyewo ɖe go!

Nublanuikpɔkpɔ didi vevie

Amenuvela Gãtɔ kple Nublanuikpɔla Gãtɔ kekeake

Nublanuikpɔkpɔ: Mɔ si nyo wu la

Yesu Mesia la: Nublanuikpɔkpɔ si tso Mawu gbɔ la

Aleke Yesu, Mesia la ate ŋu akpe ɖe ŋunye?

De asi agbalẽa te na míaƒe nyadzɔdzɔgbalẽ xɔxɔ

Di Wò Nyaselawo

Agbalẽtata siwo woɖe fia

Dɔwɔƒuƒoƒo

Amenuvela Gãtɔ kple Nublanuikpɔla
Gãtɔ kekeake

Aleke Yesu, Mesia la ate ŋu akpe
ɖe ŋunye?