Ngarep Pangapora

Fatima kadibi’ an naleka Idul Adha, a rasa sepe se talebat. Tak mangka rasa sepena benni salana? 

Fatima enga’ perdebatan sengit dhibi’na kalaban eppa’na tentang anika sareng Ahmed. Dibi’na gik ngudeh ben pole teppa’en seneng ka reng lakek. Ma’ bisa eppa’na tak maghi? Amarge aromasah bere’ ka Ahmed, Fatimah buruh, pas eppa’na ngoca’ ta’ olle mole.

Romasana maseh tak todusah nesser ben seneng ka Ahmed. Tape tak abit, dibi’na sadar lamon eppa’na bender. Je’ mon Ahmed benni oreng lakek nderbender e seneng. Dhibi’na edina’agi lantaran reng bini’ laen.

Fatima aromasah todus ka abe’na dhibi’. Fatima parcajeh lamon dibi’na ecapo’ tola. Dhibi’na paham je’ nemo bleih lantaran kelakoana. Tapeh duh, mak dellem atenah arasah be’ bedhe’e pangapora!

Deri Sang Arahman Arahim.

Jujur, abe’ dhibi’ la aromasa sala ben buto nerak pitodu reng toah. Abe’ dhibi’ agebei ta’ nyaman ateh ka sakabi’na oreng. Jek mon abe’ dhibi’ sakabhi’na riyah cek gempangah agebei sala. Duh mak cek malaratta rassana se saleng sapora’a jugen sapora’a abe’ dhibi’! 

Be’ bede’e pangaporah atas kalakoan abe’ dhibi’?

Ngoddih kenga’en berempa kaleh dhalem sa areh asero “bismillah Al-Rahman Al-Raheem”— “atas asma Pengeran, Se Paleng Belas, Se Paleng Penyayang.” Apa saongguna belas asih riah?

Jek mongghu monggu kaom kaulah—sadejeh-sareng ateh abe’ dhibi’—ce’ bhutonah e sapora. 

Pangapora: Jalan se Lebbi Bagus

Brempa taon se talebhet, bedeh careta oreng lakek anyamah Rahman a carok ben tetanggenah Kareem sampe’ mateh. Enga’ se tadha’a pengareban jha’ abaliah aman duklajhanah e dhisah Mesir panikah. Kluarganah Kareem malessah dhari bellisah pekker, se kluarganah Rahman tako’, tape paghun abela’aghi. Rahman saongghunah terro mamareah, tak saleng bales ka anak potoh paggi’. Mangkanah pas menta pitodhu dheri tokoh, bhan sadhajanah oreng a usul kaanghui asompa dere.

Abdul Rahman nyambi kain pote ben ladhing e sabhe’ e atas nah. Abdul Rahman entar ka kluarganah karim neng e pasar pas dhadih enger sa disah. Abdul Rahman pas asempo’ neng e adha’na Habib, tretan lakek dhari se epate’en, sambi masra aghi se kain pote ben ladhing ghelle’. Dibhi’en anyo’on saporah ben ngarep bheles.

Habib neguk ladhing ghelle’ e le’erah Abdul Rahman. Tokoh dhisah ngibeh embi’, ben Habib wajib motos aghi: saporah atau males? Bekto ladhing e teguk e pele’erannah Rahman, Habib ngocak, “saonggunah bha’na apa ca’en sengko’ sateyah. Oreng benyak se nyakse’eh reah padheh paham je’ sengko’ andhi’ hak ben kemampuan mate’eh bha’na. Tapeh sengko’ mile nyaporah ben damai. Sengko’ mamareah carok reah.”

Habib pas atole ka embi’ pote ben nyambheli embi’ jariyah. E bektoh sake’en ateh, ngosok, ben dendam e serap bi’ keban ghellek, Habib agelluk Abdul Rahman. Pardamean antara due’ kluarga abeli sakalanah.

Amarge manossa bisa nemoh jelen agabungaghi antara damai kalaben pangaporah, mastenah Pangeran lebi bisa!

Gusteh Yesus: Pangaporah dhari Pangeran

E kakdimmah kaulah sareng dhika bisa ajer a makna en pangaporanah Pangeran? Duh cek gempangah. Ajunan tantona toman ngedhing je’ Gusthi Yesus (Isa almasih) kasebut Pangaporah dheri Pengeran. Artenah wujudhe’ pangaporah bedeh e dhibi’nah. Pithodunah ajernah Ajunan Dhalem neng e Kitab Injil, jelen damai pangapora, belas asih, panyapora, ben panyambung taleh silaturahmi.

Gusthi Yesus (Isa a.s) ngekeb peran se adhe’ bendhingenah karana ajunan dhalem settong-settongah utusan Sang Pengeran se tak andi’ dhusah. Sakabina nabi ben rasul abutoaghi pangapora karana muste andhi’ sala, tapeh Gusthi Yesus bunten. Mangkanah, Ajunan Dhalem (Gusthi Yesus) pas langsung ka swarghe tak monggu adhentek Kiyamat karana tak ndhik dusah sama sakaleh.

Karanah kapanikah kasebut Rahmatan lil alamin. Ajunan Dhalem aberik contoh je’ dekremah salang asih se bendherah asaporah ben nyeporah kadhi Pangeran  nyaporah sa kabinna.

Kadhi Ponapah Ajunan Dhalem Bisa Nyapora Abe’ Dhibik?

Bedhe bukteh e ketab Yohanes Pembabtis (kasebut Yahya) neng e nyak-benyak oreng ben, atas Ilham Ajunan Dhalem, adhebu, “Abas, wa, arowa’ Cacempena Allah se matadha’ dusana dunnya.” (Injil, Yohanes 1:29) Gusthi Yesus a kadhie domba se dedih jelen pangaporana Abdul Rahman. 

Lamun kaulah sareng dhika eokom amarghe andhik sala, wajar, ariah nyamanah adil. Tapeh, Ajunan Dhalem/Yesus se tak sala apah ehklas agenteh aghinah kesalahannah abe’ dhibik sadejeh. Sobung se maksa Dibi’en. Dibi’en rela mondut kamatean kaangguy ajawab tuntutan keadilan. Ajunan Dhalem tong sethongah oreng se tak sala ben tak toman andhik salah, se eklas akadhiye domba e dalem careta Abdul Rahman. Ariah sebabhe se dhaddi lantaran arapah mak Allah ngangkak Ajunan Dhalem Yesus/Isa.a.s. ka sowarghe. 

Amik ajunan bedhe masalah. Amik padeh ben Fatimah, se ebueng kalaben oreng se ekaniseren. Mik pola e sake’e ateh setong oreng, atabeh nyamah se mapan romasah e erosak? Amik bedeh se kadhi Abd Rahman, se raje dusah ben takok balesan.

Gusthe Yesus sanggup apareng jelen. Ajunan cokop adu’a de’pande’ kantha nikah.

Ya Rabb, ya Allah! Kauleh tak bisa nebus kasalahan bulleh se ce’ benyak en panikah. Nanging kauleh oneng’ jek Ajunan ngutus se Arahman araihim dedhiye sarana nebus dusha kauleh sadhejeh. Mander mogeh lantaran kaneseran Ajunan kauleh sadejeh e sapporah, kalaben ka eklasan Ajunan Dhalem Yesus. Tolong bantu kauleh pa ngarteh saenghe kauleh bisa olle jelen pangapora dhalem odik kauleh. Amin ya R A.

Lamun Ajunan terro andhik salenan khetab Injil, kasokan Ajunan ngubungi lebet informasi se neng e budhi ka’dhintoh.