കരുണയ്ക്കായി വാഞ്ഛിക്കുന്നു

ഈ ദുല് അദ്ഹയ്ക്ക് ഫാത്തിമ തനിച്ചായിരുന്നു, അവളുടെ ഏകാന്തത അവൾക്കു സഹിക്കാവുന്നതിലും അപ്പുറമായിരുന്നു. അവളുടെ ഏകാന്തതയെല്ലാം അവളുടെ തെറ്റായിരുന്നു, ആയിരുന്നില്ലേ?

അഹമ്മദിനെ വിവാഹം കഴിക്കുന്നതിനെക്കുറിച്ച് പിതാവുമായി എത്ര തീവ്രമായി തർക്കിച്ചിരുന്നുവെന്ന് ഫാത്തിമ ഓർത്തു. അവൾ ചെറുപ്പത്തിലും പ്രണയത്തിലുമായിരുന്നു. പറ്റില്ലെന്ന് അവളുടെ പിതാവിന് എങ്ങനെ പറയുവാൻ കഴിയും? അഹമ്മദിനെ വിവാഹം കഴിക്കുന്നതിന് അവൾ ഒളിച്ചോടിയപ്പോൾ, അവൾ ഒരിക്കലും മടങ്ങിവരരുതെന്ന് പിതാവ് പറഞ്ഞു.

അഹമ്മദിനോടുള്ള സ്‌നേഹം നിമിത്തം ആ നാണക്കേട് അവൾക്ക് സഹിക്കുവാൻ കഴിയുമെന്ന് അവൾ കരുതി. എന്നാൽ താമസിയാതെ, അവളുടെ പിതാവ് പറഞ്ഞത് ശരിയാണെന്ന് അവൾക്ക് സമ്മതിക്കേണ്ടിവന്നു. അവൾ പ്രണയിച്ചു എന്ന് അവൾ വിചാരിച്ചിരുന്ന ആളല്ല അഹമ്മദ്. അവൻ മറ്റൊരു സ്ത്രീക്കു വേണ്ടി അവളെ ഉപേക്ഷിച്ചു.

ഫാത്തിമയ്ക്കു സ്വയം ലജ്ജ തോന്നി. താൻ നീതി കണ്ടുമുട്ടിയെന്നും കണക്കു കൊടുക്കുകയാണെന്നും അവൾ വിശ്വസിച്ചു. അവൾക്കു നീതി നന്നായി മനസ്സിലായി. പക്ഷേ, അവളുടെ ഹൃദയം കാരുണ്യത്തിനായി എത്രമാത്രം കൊതിച്ചു!

കരുണയും കൃപയും നിറഞ്ഞവൻ

നാം സത്യസന്ധരാണെങ്കിൽ, നാമെല്ലാവരും മണ്ടത്തരങ്ങൾ ചെയ്യുകയും ജ്ഞാനത്തിന്റെ ശബ്ദം അവഗണിക്കുകയും ചെയ്തിരിക്കുന്നു. നാം മറ്റുള്ളവരെ ദ്രോഹിച്ചു. മറ്റുള്ളവർ നമ്മെ ദ്രോഹിച്ചു. തെറ്റു ചെയ്യുന്നവരെക്കൊണ്ട് നിറഞ്ഞതാണ് നമ്മുടെ സമൂഹം. നമ്മോടും പരസ്പരവും ക്ഷമിക്കുക എന്നത് എത്ര പ്രയാസകരമാണ്!

നമ്മുടെ തെറ്റുകൾക്കു കരുണയുണ്ടോ?

“ബിസ്മില്ലാഹ് അൽ-റഹ്‌മാൻ അൽ-റഹീം”—“ദയാലുവു കാരുണ്യവാനും ദൈവത്തിൻ്റെ നാമത്തിൽ” എന്ന ലളിതമായ പ്രസ്താവന നിങ്ങൾ എത്ര പ്രാവശ്യം ആവർത്തിച്ചിട്ടുണ്ടെന്ന് ചിന്തിക്കുക. കരുണയുടെ പ്രത്യേകത എന്താണ്?

ഒരു പക്ഷേ, നമ്മുടെ സമൂഹത്തിനും നമ്മുടെ സ്വന്തം ഹൃദയങ്ങൾക്കും ഇത്രയധികം കരുണ ആവശ്യമുള്ളതു കൊണ്ടായിരിക്കാം.

കരുണ: നല്ല വഴി

ഏതാനും വർഷം മുമ്പ് അബ്ദുൾ റഹ്‌മാൻ എന്നയാൾ അയൽവാസിയായ കരീമുമായി വഴക്കിട്ടു അവനെ കൊലപ്പെടുത്തി. ഈ ചെറിയ ഈജിപ്ഷ്യൻ മിസ്രെമ്യ

ഗ്രാമത്തിലെ ഇരുകുടുംബങ്ങളുടെയും ജീവിതം നിശ്ചലമായി. കരീമിന്റെ കുടുംബം പ്രതികാരം ചെയ്തു, അതേ സമയം അബ്ദുൾ റഹ്‌മാന്റെ റഹ് മാ.

കുടുംബം അദ്ദേഹത്തെ സംരക്ഷിക്കുവാൻ ഭയത്തോടെ ശ്രമിച്ചു. പ്രതികാരത്തിന്റെ ചക്രം തുടരുവാൻ അബ്ദുൾ റഹ്‌മാൻ ആഗ്രഹിച്ചില്ല. അദ്ദേഹം ഗ്രാമനേതാക്കളോട് ഉപദേശം ചോദിച്ചു, അവർ മരണ കവചത്തിന്റെ അനുഷ്ഠാനം ശുപാർശ ചെയ്തു.

അബ്ദുൾ റഹ്‌മാൻ തന്റെ സ്വന്തം വെളുത്ത ശ്മശാന കവചം കൊണ്ടുവന്ന് മുകളിൽ ഒരു കത്തി വച്ചു. ഗ്രാമമാകെ നോക്കി നിൽക്കുമ്പോൾ, കരീമിന്റെ കുടുംബത്തെ കണ്ടുമുട്ടുന്നതിന് അയാൾ ചന്തസ്ഥലത്തേക്കു നടന്നു. ഇരയുടെ സഹോദരൻ ഹബീബിനു മുന്നിൽ അബ്ദുൾ റഹ്‌മാൻ മുട്ടുകുത്തി കവചവും കത്തിയും സമർപ്പിച്ചു. അവൻ കരുണയും അനുരഞ്ജനവും ആവശ്യപ്പെട്ടു.

ഹബീബ് കത്തി അബ്ദുൾ റഹ്‌മാന്റെ കഴുത്തിൽ വച്ചു. ഗ്രാമ നേതാക്കൾ ഒരു ആടിനെ കൊണ്ടുവന്നു, ഹബീബിന് തന്റെ തീരുമാനം എടുക്കേണ്ടി വന്നു: ദയയോ പ്രതികാരമോ? അബ്ദുൾ റഹ്‌മാന്റെ കഴുത്തിനു നേരെ കത്തിപിടിച്ചപ്പോൾ തന്റെ പ്രവൃത്തികൾ ഇങ്ങനെ പ്രഖ്യാപിച്ചു: “നീ ഇപ്പോൾ എന്റെ അധികാരത്തിലാണ്. എല്ലാ കണ്ണുകളും ഇത് കാണുന്നു; നിന്നെ കൊല്ലുവാനുള്ള അവകാശവും അതിനുള്ള കഴിവും എനിക്കുണ്ടെന്ന് എല്ലാവർക്കും അറിയാം. എന്നാൽ ഞാൻ കരുണയും അനുരഞ്ജനവും തിരഞ്ഞെടുക്കുന്നു. ഞാൻ രക്തച്ചൊരിച്ചിൽ അവസാനിപ്പിക്കും.”

അയാൾ അബ്ദുൾ റഹ്‌മാനിൽ നിന്ന് തിരിഞ്ഞ് പകരം ആടിനെ കശാപ്പ് ചെയ്തു. മൃഗം വേദനയുടെയും കോപത്തിന്റെയും നീതിയുടെയും പാച്ചിൽ ആഗിരണം ചെയ്തപ്പോൾ ഹബീബ് അബ്ദുൾ റഹ്‌മാനെ ആലിംഗനം ചെയ്തു. ഇരു കുടുംബങ്ങളും തമ്മിലുള്ള സമാധാനം പുനഃസ്ഥാപിച്ചു.

നീതിയും കാരുണ്യവും സമന്വയിപ്പിക്കാനുള്ള വഴികൾ മനുഷ്യർക്ക് കണ്ടെത്താൻ കഴിയുമെങ്കിൽ, തീർച്ചയായും ദൈവത്തിനും അത് ചെയ്യാൻ കഴിയും!

മശീഹയായ യേശു: ദൈവത്തിൽ നിന്നുള്ള കരുണ

ദൈവത്തിന്റെ കരുണയെപ്പറ്റി നമുക്ക് എവിടെനിന്ന് പഠിക്കാം? അത് വളരെ എളുപ്പമാണ്. മശീഹയായ യേശുവിനെ (ഈസാ അൽ- മാസിഹ് എന്നും അറിയപ്പെടുന്നു) ദൈവത്തിൽനിന്നുള്ള “കരുണ” എന്ന് നിങ്ങൾ കേട്ടിട്ടുണ്ടാകും. പൂർണ്ണമായും അവൻ കരുണയെ ഉൾക്കൊള്ളുന്നു എന്നതാണ് ഇതിനർത്ഥം. അവന്റെ മാർഗ്ഗം—ഇഞ്ചീൽ എന്നും അറിയപ്പെടുന്ന സുവിശേഷങ്ങളിലെ പഠിപ്പിക്കലുകളാണ്—ഇതാണ് പാപമോചനത്തിന്റെയും അനുരഞ്ജനത്തിന്റെയും മാർഗ്ഗം.

മശീഹയായ യേശുവിന് അത്തരമൊരു അത്ഭുതകരമായ പങ്ക് നിറവേറ്റുവാൻ കഴിയും, കാരണം ദൈവം അയച്ച ഒരേയൊരുവനും പൂർണ്ണമായും പാപരഹിതനും അവൻ മാത്രമാണ്. ഓരോ പ്രവാചകനും വിശുദ്ധ ദൂതനും അവരുടെ തെറ്റുകൾക്ക് ക്ഷമ ആവശ്യമായിരുന്നു, എന്നാൽ മശീഹയായ യേശുവിനില്ല. ന്യായവിധിയുടെ നാളിനായി കാത്തിരിക്കുന്നതിനു പകരം അവൻ നേരെ സ്വർഗ്ഗത്തിലേക്കു കൊണ്ടുപോകപ്പെട്ടു. കാരണം അവൻ ഒരു തെറ്റും—ഒരു ചെറിയ തെറ്റുപോലും ചെയ്തിട്ടില്ല.

ഇക്കാരണത്താൽ അവൻ ദൈവത്തിൽ നിന്നുമുള്ള കരുണ എന്ന് വിളിക്കപ്പെടുന്നു. നിർമ്മലമായ കരുണയുടെ ഒരു മാതൃക അവൻ നമുക്കു തരുകയും ദൈവത്തിന്റെ കരുണ എങ്ങനെ പ്രാപിക്കാമെന്ന് പഠിപ്പിക്കുകയും ചെയ്തു.

മശീഹയായ യേശുവിന് എന്നെ എങ്ങനെ സഹായിക്കുവാൻ കഴിയും?

സ്‌നാപക യോഹന്നാൻ (യഹ്യ എന്നും അറിയപ്പെടുന്നു) മശീഹയായ യേശുവിനെ ഒരു ജനക്കൂട്ടത്തിൽ കണ്ടപ്പോൾ “ഇതാ, ലോകത്തിന്റെ പാപം ചുമക്കുന്ന ദൈവത്തിന്റെ കുഞ്ഞാട്” എന്ന് ദൈവ പ്രേരിതനായി വിളിച്ചു പറഞ്ഞു. (സുവിശേഷങ്ങൾ, യോഹന്നാൻ 1:29). മശീഹയായ യേശു അബ്ദുൽ റഹ്‌മാന് അനുരഞ്ജനത്തിനുള്ള മാർഗ്ഗം ഉണ്ടാക്കിയ ആടിനെപ്പോലെയാണ്.

നമ്മുടെ തെറ്റുകളുടെ പേരിൽ നമ്മൾ ശിക്ഷിക്കപ്പെടുകയാണെങ്കിൽ അതാണ് നീതി. എന്നാൽ പൂർണ്ണമായും പാപമില്ലാത്ത മശീഹയായ യേശു നമ്മുടെ തെറ്റുകളുടെ ഉത്തരവാദിത്തം ഏറ്റെടുക്കുവാൻ സ്വമേധയാ മുന്നോട്ടുവന്നു. ആരും അവനെ നിർബ്ബന്ധിച്ചില്ല. നീതിക്കായുള്ള അവകാശത്തിന് ഉത്തരം നൽകുവാൻ അവൻ മനപ്പൂർവ്വം മരണത്തെ സ്വയം ഏറ്റെടുത്തു. ജീവിച്ചിരുന്നവരിൽ പൂർണ്ണമായും നിരപരാധിയായ ഒരേയെരുവൻ അവൻ മാത്രമായിരുന്നു, എന്നിരുന്നാലും അബ്ദുൾ റഹ്‌മാന്റെ കഥയിലെ ആടിനെപ്പോലെ പെരുമാറുവാൻ അവൻ സ്വയം അനുവദിച്ചു. ഇതുകൊണ്ടാണ് അവൻ നമുക്കുവേണ്ടി കഷ്ടം സഹിച്ചതിനുശേഷം ദൈവം അവനെ ഉയിർപ്പിച്ച് സ്വർഗ്ഗത്തിലേക്കു കൊണ്ടുപോയത്.

നിങ്ങളുടെ ജീവിതത്തിൽ പോരാട്ടങ്ങൾ ഉണ്ടായിരിക്കാം. ഫാത്തിമയെപ്പോലെ, നിങ്ങൾ സ്‌നേഹിക്കുന്നവരാൽ പുറംതള്ളപ്പെട്ടവരായിരിക്കാം നിങ്ങൾ. ആരെങ്കിലും നിങ്ങളെ മുറിവേല്പിച്ചിരിക്കാം, അല്ലെങ്കിൽ നിങ്ങളുടെ പ്രശസ്തി അന്യായമായി നശിപ്പിച്ചിരിക്കാം. അബ്ദുൾ റഹ്‌മാനെപ്പോലെ കുറ്റവാളിയും പ്രതികാരത്തെ ഭയക്കുന്നവരുമായിരിക്കാം.

മശീഹയായ യേശുവിന് സഹായിക്കുവാൻ കഴിയും. ഇതുപോലെയുള്ള ഒരു ചുരുക്ക യാചന നിങ്ങൾക്കു നടത്തുവാൻ കഴിയും:

ദൈവമേ, എനിക്കൊരിക്കലും എന്റെ പാപങ്ങൾക്കു പകരം വീട്ടുവാൻ കഴിയുകയില്ല. എന്നാൽ ഞങ്ങളോടുള്ള കരുണയെന്നവിധം നീ യേശുവിനെ മശീഹയായി അയച്ചു എന്നെനിക്കറിയാം. എല്ലാ മനുഷ്യരാശിക്കും വേണ്ടി അവൻ ചെയ്ത നല്ല പ്രവൃത്തികാരണം ദയവായി എന്നോട് ക്ഷമിക്കേണമേ. എൻ്റെ ജീവിതത്തിൽ നിൻ്റെ കരുണ അനുഭവിക്കുവാൻ കഴിയുംവിധം മശീഹയായ യേശുവിൻ്റെ വഴി മനസ്സിലാക്കുവാൻ എന്നെ സഹായിക്കേണമേ. ആമേൻ.

സുവിശേഷങ്ങളുടെ ഒരു കോപ്പി കരസ്ഥമാക്കുവാൻ നിങ്ങൾ ആഗ്രഹിക്കുന്നെങ്കിൽ ദയവു ചെയ്ത് ഈ പേപ്പറിന്റെ പിൻഭാഗത്തുള്ള മേൽവിലാസത്തിൽ ബന്ധപ്പെടുക.