Nimbãan-zoeer Baobo

A Fatima da ya a yembre Eid al-Adha yĩnga, tɩ yembrã belma wenda wa ra yɩɩda yẽnda pãnga. Bee m yembrã, da ka yẽ yell sɩda?

A Fatima tẽega yẽnda sẽ n da kɩɩs a ba-wã toto yẽ ne-a Ahmed kãadem kõom wɛɛngẽ. Yẽnda da yaa yãaga n lʋɩ nonglõm pʋga. Bõe tɩ yẽ ba-wã na n tõdge? Yẽ sẽn zoe n tɩ dɩk a Ahmedã, a ba yeelame tɩ a kõ n le tolẽ n wa yir yɛs ye.

A da tagsame tɩ yẽ tõe n deega yãndã yẽnda sẽn nonga Ahmedã yĩnga. La tao-tao bala, yẽ wa n deegame t’a baaba da tara bʋʋm. A Ahmed da ka dao ninga yẽnda sẽn da magd tɩ a lʋya nonglõm pʋg ne-a soabã ye. A basa yẽndaa pag-a to yĩnga.

Yãnd n da yõka a Fatima. Yẽ tagsame tɩ yẽnda kongrã n dɩta. Yẽ da mii bʋʋd sẽn yaa soaba soãma. La haya, yẽ sũura da sesdẽ n baoda nimbãan-zoeere!

Sõmlõm Kasẽng la Nimbãan-zoeer Kasẽng Soaba

Ned fãa sãn na n pelg a pʋga, a tõe n yeelame tɩ d fãa konga yam naoor wʋsgo n maan tudgri. Tõnd beega neb-a taaba. Neb-a taab me beega tõndo. Tõnd tẽmsã pida ne neb sẽn maand wẽenga. Ad sɩd yaa toogo tɩ d yaaf taaba la d yaaf d mẽnse!

Nimbãan-zoeer bee tõnd kongrã yĩng bɩ?

Tags naor sõor fo sẽn yeel tɩ “bismillah Al Rahman Al-Rahim” - “Wẽnnaam, sẽn yaa Nimbãan-zoɛta, Sõmlom sẽn Yɩɩda fãa wã soaba yʋʋre.” Yaa bõe n weleg toor nimbãan-zoeer pʋga?

Tõe tɩ yaa tõnd tẽmsa—la tõnd menga sũyã—sẽn dat nimbãan-zoeera wʋsgã.

Nimbãan-zoeere: So-sõng sẽn Yɩɩd a Taaba

Yʋʋm sẽn looge, dao-a yembr yʋʋr sẽn boond t’a Abdul-Rahman zaba ne a yaka Karim n kʋ yẽnda. Vɩɩma lebga toogo zagsã yiibã yĩng Ezipt tẽm-bil kãnga pʋga. A Karim neba baoome n na n dok-b sũuri, ta Abdul-Rahman neba mao n naa n kogol-a. Abdul-Rahman ra parat tɩ sũ-dokrã kẽng taoor ye. Yẽnda kosa tẽngᾶ taoor dᾶmb saglogo, la b willga yẽnda tɩ a segdame n maan maõog kiidã yĩnga.

A Abdul-Rahman talla a toor n peen-peelg n wa n dɩk sʋʋga n dogl-a zugu. A kẽngame n na n tɩ sɛg a Karim nebã raagẽ wã nebã fãa nifẽ. A Abdul-Rahman yĩgĩmda a Habib sẽn ya kiida ba-biig taoore, n kɩs peenda ne sʋʋga. A kosa sugri la zems-n-taare.

A Habib teega a Abdul-Rahman yubla ne sʋʋga. Tẽnga taoor dãmba waa ne pesgo, ta Habib da sɛgd n yãk yam: a na n kõo sugr bɩ a na n doka a sũuri? Yẽ sẽn tik sʋʋga a Abdul-Rahman yubla, a yeelame, “Mam paam-f masã. Fãa yaa neba nifẽ; b fãa miimi tɩ mam tara noore la pãng tɩ kʋ foo. La m saka sugr la zems-n-taare. Mam na n yalsa zɩɩma raagre.”

A vɩlemdame n bas a Abdul-Rahman la a tɩ kodog pesgã. La a Habib sẽn waa n kiig tooma, sũ-yikrã, la bʋʋda rũnga zug n sɛ, a mobga a Abdul-Rahman. Laafi lebgẽ n paama ziiga zagsa yiibã sʋka.

Ninsaalbã sãn tõe yã soy tɩ sɩd ne sugr lagm taaba, yaa vẽenega tɩ Wẽnnaam me toẽ n maana woto! 

Fãagda a Zezi: Nimbãan-zoeer sẽn yit Wẽnnaam nengẽ

Yɛ la tõnd tõe n paam zãmsog ne Wẽnnaam nimbãan-zoeerã? A yaa naana. Tõe tɩ yãmb zoe n wʋma Fãagda a Zezi yelle (sẽn le yaa Isa al-Masih) b sẽn boond tɩ Wẽnnaam nimbãan-zoeere. Woto wiligidame tɩ bãmb yaa nimbãan-zoeer menga nebã nifẽ. Bãmb vɩɩma- b zãmsoga Koe nooda pʋga, b sẽn boond me tɩ Injilã- yãwã yaa sugri la zems-n-taar sore.

Fãagda a Zezi n tõe n pids bũmb kasẽnga woto boẽ yĩnga bamb b yembr bala la Wẽnnaam tʋmyã, sẽn ka tar yel-wẽn baa bilfu. Porfɛt la norɛɛs buud fãa ra yaa koangdb n baood Wẽnnaam sugri, la Zezi a sẽ n ya fãagdã ka woto ye. Bãmb zẽkame n kẽng arazana n ka gũud Bʋkaoor Daare boẽ yĩnga bãmb ka tol n beeg-baa bilif ye.

Ya rẽ n kɩt tɩ b boond bãmba tɩ Wẽnnaam Nimbãan-zoeere. Bãmb kõo tõnd mamsog ne nimbãan-zoeer sẽn yaa soãma la b wilig tõnd d sẽ n na n maan toto n deeg Wẽnnaam nimbãan-zoeerã.

Fãagda a Zezi nan Sõnga Maam Wãn-wãna?

A gʋlsame tɩ a Zãmbatiis (b sẽn boond t’a Yahya) yãa a Zezi sẽ yaa Fãagdã kʋʋngã sʋka, la Wẽnnaam belem sẽn zĩnd ne yẽ yĩnga yẽ kelmame n yeele, “Ad Wẽnnaam Pe-bilã sẽn yiisd dũnyã yel-wẽnã” (Koe-noodo, Zã 1. 29). Fãagda a Zezi yaa wala pesgã sẽn tuk sugr sor a Abdul- Rahman yĩnga.

Tõnd sãn paam sɩbgr tõnd yel-wẽna yĩnga, woto yaa tɩrga. La Mesi-a Zezi, sẽn ka tolẽ n tall yel-wẽna, sakame n tʋk tõnd kongrã. Ned ka tolẽ n modogb ye. Bãmb deega kũuma n ki sẽn na n yɩlẽ tɩ bʋʋdã kaoob yɩ tɩrga. Bãmb bala n yɩ nin-tɩrg fasi sẽn zindi, la ne rẽnda fãa bãmb sakame tɩ b nams bãmb wa pesgã a Abdul-Rahman kibara pʋga. Rẽ n kɩte, tɩ bãmb sẽn nams tõnd yĩnga, Wẽnnaam zẽka bãmb n loog ne Arzana.

Tõe tɩ yãmb tara maob yãmb vɩɩma pʋga. Tõe tɩ yãmb yaa wala a Fatima, tɩ yãmb sẽn nong ned ninga bas yãmb. Tõe tɩ ned n beeg yãmba, walla b sãama yãmb yʋʋrã zaalm. Tõe tɩ yãmb yaa wala a Abdul-Rahman, n beeg la y yaesd sũ-dokre.

Fãagda Zezi tõe n sõngame. Yãmb tõe n kosa Bãmb woto:

M Zu-soaba, mam ka tõe n yao m yel-wẽna yĩng n sa ye. La mam miimi tɩ Yãmb tʋma Fãagda a Zezi tɩ b yɩ Yãmb Nimbãan-zoeer tõnd yĩnga. M kotame, tɩ y kõ maam sugri bãmb maan-neera neba fãa yĩngã. Sõng-y maam tɩ m bãng Fãagda a Zezi soyã tɩ mam tõe n vɩɩmd Yãmb nimbãan-zoeerã mam vɩɩma pʋga. Amina.

Yãmb sãn dat n paam koe-noodã sebre, bɩ y gʋlsɩ tõnd kibaya kɩsog zĩiga sẽn be seb kãnga kudigẽ wã.