Asirem n Ṛṛeḥma

Fatima tella weḥd-s ass n Lɛid ameqran, teḥulfa s tsuft ami dayen ur tezmir ara ad tesber. Tasuft-a, d Fatima i d ssebba-s neɣ ala? 

Fatima temmekt-d amek i tella tettnaɣ aṭas akk-d baba-s ɣef lǧal n zzwaǧ-s akk-d Ahmed. Tella meẓẓiyet yerna tḥemmel. Amek i yezmer baba-s ad yini ala? Mi terwel ad tezweǧ d Ahmed, baba-s yenna-yas ad ţeţţu tuɣalin s axxam.

Tɣil ad tezmir aţ- ţrefdeḍ lεar ɣef lǧal n leḥmala i tesɛa ɣer Ahmed. Maca ur teεeṭṭel ara, testeεref belli baba-s yella yesɛa lḥeqq. Ahmed mačči d argaz-nni i teɣli deg tayri-s. Yeǧǧa-tt ɣef lǧal n tmeṭṭut niḍen.

Fatima tessetḥa s iman-is. Tumen dakken tewwi ddeɛwessu dɣa tettxelliṣ ayen i texdem. Tefhem d acu i taɣdemt. Maca acḥal i yessaram wul-is ṛṛeḥma!

D Bab n Leḥna yerna yeččur d Ṛṛeḥma

Ma nella d wid i d-yeqqaren tidet, ad nesteɛṛef dakken nekni merra nexdem lɣelṭat yerna ur nefki ara lqima i taɣect n lekyasa. Nejreḥ wiyaḍ. Akken daɣen llan wiḍ i ɣ-jerḥen. Temɣiwenin-nneɣ ččuren-t s yemdanen i yezgan xeddmen tuccḍiwin. Acḥal yuεer ad neţţemsamaḥ deg wagar-aneɣ akk-d iman-nneɣ! 

Tella ṛreḥma ɣef tuccḍiwin-nneɣ?

Xemmem acḥal n tikwal i d-tenniḍ tanfalit-nni n “bismillah Al-Rahman Al-Raheem”—“s yisem n Ṛebbi, Aḥnin akk, win yesεan ṛṛeḥma.” D acu i yeǧǧan ṛreḥma tesɛa azal d ameqran?

Ahat d akken Temɣiwenin-nneɣ—d ulawen-nneɣ—ḥwaǧen aṭas ṛṛeḥma.

Ṛṛeḥma: D abrid ifazen

Kra n yiseggasen aya, yiwen n wergaz isem-is Abdul-Rahman yennuɣ yerna yenɣa ljaṛ-is Karim. Tudert teḥbes ɣer snat n twaculin deg taddart-nni tamectuḥth di Maṣer. Tawacult n Kareem tella tettnadi ad d-terr ṭṭar, ma d tawacult n Abdul-Rahman tettεaraḍ s tugdi ad t-ḥudd. Abdul-Rahman ur yebɣi ara ṭṭar ad yeţkemmil. Icaweṛ imḍebbren n taddart akken ad t-wellhen, deɣa neṣṣḥen-t ad yexdem isukar n lekfen n lmut.

Yewwi-d Abdul-Rahman lekfen-ines amellal d ujenwi sufella-s. Iruḥ ad yemlil tawacult n Kareem deg ssuq, taddart merra t-ttmuqqul. Abdul-Rahman yeqqim ɣef yifadden zdat n Ḥabib, gma-s n teɣtest, deɣa yefka-yas lekfen akk-d ujenwi. Yessuter ṛṛeḥma akk-d ussemsuɣal.

Ḥabib yessers ajenwi ɣef temgerṭ n Abdul-Rahman. Imḍebren n taddart uwyen-d izimer, deɣa Ḥabib yessefk ad yextir: ṛṛeḥma, neɣ ţţaṛ? Mi yella yeṭṭef ajenwi ɣef temgerṭ n Abdul-Rahman, lefɛayel- is qqarent-d, “Aql-k ddaw uḍaṛ-iw tura. Allen akk ttwalint aya; imdanen akk ẓran belli sɛiɣ azref ad k-nɣeɣ, yerna zemreɣ i wanect-agi. Lamaɛna nekk ad xtiṛaɣ ṛṛeḥma akk-d ssmaḥ. Ad ḥebseɣ tazzla n idamen.”

Ibɛed ɣef Abdul-Rahman, deɣa yezla izimer deg umkan-is. Aɣeṛsiw-nni yerfed leqriḥ, urfan akk-d taɣdemt i d-yeɣli fell-as, deɣa Ḥabib iger-as iɣallen i Abdul-Rahman. Tuɣal-d talwit gar snat twaculin. 

Ma imdanen zemren ad d-afen ţţawil i wakken ad sdukklen taɣdemt d ṛṛeḥma, ihi ula d Rebbi yezmer ad yexdem akken daɣen!

Σisa Lmasiḥ: D Ṛṛeḥma sɣur Ṛebbi

Anda i nezmer ad nelmed ɣef ṛṛeḥma n Ṛebbi? Yeshel maḍi. Ahat tesliḍ belli Σisa Lmasiḥ (yettwassnen daɣen s yisem n Isa al-Masih) yettusemma “Ṛṛeḥma” sɣur Ṛebbi. Ayagi lmeɛna-s dakken d netta i d-ṛṛeḥma s lekmal-is merra. Abrid-is—aselmed-is deg Ṛebɛa tektabin i geţţusemman daɣen Linǧil—d abrid n leɛfu akk-d ussemsuɣal.

D Σisa Lmasiḥ i gzemren ad yexdem ccɣel-agi ifazen imi d netta kan i d-iceggeɛ Ṛebbi ur yesɛi ara ddnub. Akk lanbeyya  d yal amazan amqeddes llan ḥwaǧen leɛfu ɣef tuccḍiwin-nsen, maca Σisa Lmasiḥ ala. Yettwarfed srid ɣer igenni deg umkan ad yerǧu ass n lḥisab axaṭar werǧin yexdem kra n tuccḍa—ula ma d tamecṭuḥt.

Ɣef waya i yeţţusemma Ṛṛeḥma sɣur Ṛebbi. Yefka-yaɣ-d amedya n ṛṛeḥma n tidet, yerna yesselmad-aɣ amek ad ɣ-d-ţţunefk ṛṛeḥma n Ṛebbi.

Amek i yezmer ad yi-iεiwen Σisa Lmasiḥ?

Yettwaktab belli Yuḥenna aɣeṭṭas (yettusemman daɣen Yahya), iwala Σisa Lmasiḥ, ger lɣaci, dɣa s tezmert n Ṛṛuḥ n Ṛebbi, iɛeggeḍ: “Atan Izimer n Ṛebbi, d win ițekksen ddnub n ddunit” (Linǧil, Yuḥenna 1:29). Σisa Lmasiḥ am izimer-nni i-d-yeldin abrid n tṣemlilt i Abdul-Rahman. 

Ma yella nettwaɛaqeb ɣef tuccḍiwin-nneɣ, ayagi d lḥeqq. Lameεna Σisa Lmasiḥ, win akken d leɛmeṛ yednib, yeqbel ad ibibb tuccḍiwin-nneɣ. Yiwen ur t-yeḥettem. S lebɣi-s i yeqbel ad yemmet akken ad d-yerr taɣdemt. D netta kan i yellan d amelsi akk deg ddunit, maca iɛemmed s iman-is ad t-ḥesben am izimer-nni deg teqsiṭ n Abdul-Rahman. Daymi, mbeɛd i yenɛeţţab fell-aneɣ, Ṛebbi yerfed-it ɣer igenni. 

Ahat tesεiḍ ccwal deg tudert-ik. Ahat am Fatima i telliḍ, ḍeggren- k wid i tḥemmleḍ. Ahat yella win i k-ijerḥen, neɣ tettwaɣ tisellet-k s lbaṭel. Ahat am Abdul-Rahman i telliḍ, d amednub yerna tugadeḍ ttaṛ.

Σisa Lmasiḥ yezmer ad k-iεawen. Tzemreḍ ad s-tesɛud s yiwet n tẓallit tamecṭuḥt am ta: 

Sidi Ṛebbi, Werjin ad ssiwḍeɣ ad ɣerrmaɣ ddnubat-iw. Lameεna εelmeɣ d kečč i ɣ-d-iceggɛen Σisa Lmasiḥ d ṛṛeḥma-k. Ttxil-k, semmeḥ-iyi ɣef demma n lxir i gexdem i yemdanen meṛṛa. Ɛiwen-iyi ad fehmeɣ abrid n Σisa Lmasiḥ akken ad d-afeɣ ṛṛeḥma-k deg tudert-iw. Amin.

Ma tebɣiḍ ad tesɛu Linǧil-inek, ttxil-k aru-yaɣ-d ɣer isallen-agi yellan deffir n lkaɣeḍ-a.