Yãmb baooda bõn-bãnd bɩ?

Zag kẽeng a yembr dãmb n da baood vɩ-noogo, tɩ b yãk yam n nãn n toeem tẽnga. So-toakã yaol n ka yɩ naana ye; bãmb pasga weo-rao kẽeng ne nao. Wiisi, namse, la tʋʋlg wʋsg zĩnda be. Bãmb sʋka, pãn-komsem-dãmba wala bãad rãmb sãn luɩ sorã zugu, bi-bees da fãada bãmba.

Tao-tao pʋgẽ bãmb bõn-dɩtlɩwã sɛɛme, la bãmb taoor soabã kelm n kosa Wẽnnaam bõn-bãnde. Vẽkẽm-beoogo, neba sẽn nekã, b yãa bõn-bõonego sẽn wẽnd wala bur sẽn yarg n dʋr tẽngã. A ra tara noosõm, wala sɩɩd kalkando. La ra sekda ned fãa sẽn na rɩ n yiis bãmb koma! Bãmb rɩka dasm wʋsgo n na n pasg weo-raogã, la daar fãa burã da yita yĩngri n niida. Bark Wẽnnaam, bala bãmb põsame!

Kibar kãnga wẽnda wa bõn-lingdiga la yaa bũmb sẽn sɩd zĩndi. Ya kibar a yembre b wʋsg sʋka Wẽnnaam Sebrã sẽn gomd b yelle, tɩ yãmb tõe n mii tɩ b boondẽ tɩ Tawrat, Zabur, la Injeel. Wẽnnaam Sebrã kibaɩ yaa bãmb kobse, tɩ bãmb wʋsg yaa bõn-bãn Wẽnnaam sẽn maan bãmb nebã vɩɩm puga. A yaa sebr sẽn tar yõod tõnd zamaanã yĩnga, nebã wʋsg sẽn baod bõn-bãn bãmb vɩɩma yĩngã.

Zamaan-paalgã Bõn-bãna

Yʋʋma sẽn pẽ-pẽ, tõnd yãa zaba nin-buidã sʋka, tedeg paẽnse, lag pãng boogre, tuʋm kaalõm, bã-longdse, la kũum. Mam ka mi bũmb ning sẽn be ne yãmb rũnda-rũnda ye. Tõe tɩ yãmb zãara ne-y yiri. Tõe tɩ yãmb tara ned y sẽn nong t’a be vɩɩm ne kũum sʋka. Tõe tɩ yãmb namsda ne tʋʋm paoongo.

Baa yãmb sẽn be yell ning pʋga, Wẽnnaam geta yãmb yelle la bãmb sɩd tara ratõm tɩ maan bõn-bãnd yãmb yĩng rũnda wala bãmb sẽn maan pĩnd zamaan. Yãmb sũura sãn sãame, yãmb tõe paama raood Wẽnnaam Sebrã kaorẽng pʋga, sẽn ya bõn-bãna sebre.

Wẽnnaam Goama tõnd zamaanã yĩnga

Neb kẽer tiisda ne Wẽnnaam Sebrã kaorẽngo bõe yĩnga bãmb wʋmame tɩ wẽnda wa a paama toẽngo. Tõe tɩ tudugra woto yita neb nins sẽn yet tɩ bãmb tũuda Wẽnnaam Sebrã yel-manesma nengẽ. Wakat ninga tõnd yãta Kiris neb sẽn yũud rãam, n wẽed tɛntɛɛga, n yelg fu yood-yoodo, n wãbd kurkur nemdo, la b maand neb wẽenga.

La sãn yaa sɩda, Wẽnnaam Sebra gɩdɩgda manesem yooda woto fãa. Kiris neb sãn vɩ Wẽnnaam kɩɩsg pʋga, bõn-kõng ka toeemd Bãmb wakat sẽn ka sɛt Goamã ye. Norɛɛs a Ezayi gʋlsame, “Moog kuɩtame, mo-pui sʋʋgdame, la tõnd Wẽnnaama goam paada wakat fãa” (Esayi 40:8). Yãmb magdame tɩ ninsaalba tara noor tɩ sek bãmb na toeem Wẽnnaam Goama, bɩ tõeme tɩ bãmb tudugda neba ne b zʋg wẽensã ne bãmb yel-manesem yookã yinga?

Wẽnnaam Sebra gomda a norɛɛs a Davɩɩd (sẽn le boond t’a Dawud) ne a neba yelle b sẽ̀n wa n tʋk kãabg koglogã, sãnem kogolog sẽn tar tõod piiga a pʋgẽ. Tõod Piigã ra yaa Wẽnnaam noy sẽn da wilgd vɩɩm nakẽndr la sẽn da be kug wal bɛd a yiib zutu sãnmã koglog pʋga. Kẽnda pʋga, dao-wa yembr n maan raood n ta n tik koglogã-la zĩig pʋgẽ a lʋɩɩme n ki!

Wẽnnaam sãn ka sak tɩ nug rẽgd sɩɩs kogl sõnga sẽn da tar Bãmb Goama, Bãmb na n wa maana wãna n bas ned tɩ a kolg Bãmb Goama sẽn gʋlsã ne magsga la gʋls raoog n na n toeem bũmbu? Wẽnnaam tara pãng sẽn sekd Bãmb Goama kogolgo.

D sãn ges soãma, Wẽnnaam Sebrã yaa sebr ninga sẽn paam sɛglg n yɩɩda ninsaal vɩɩma kibar pʋga. Sẽn pa kaoos wʋsgo, Bedoẽ pekɩɩmb a tãab sẽn be Palɛstin-a Muhammad edh-Dhib, Jum’a Muhammad, nea Khalil Musa-vayɩsame n tɩ yã ne lingri Mog Kɩɩnga Nug Seb Gʋndɩwã. Yõwã yɩɩ kʋdemd-yɛl-vɛɛsdbã yãab kasẽnga sẽn sõng tõ̀nd tɩ d mak rũnda Wẽnnaam Sebrã ne pĩnd seb kʋd kʋdrõm sẽn ta wa yʋʋm 2 000. D yãa bõn-kasẽnga, a wiligdame yɛsa tɩ Wẽnnaam vẽnegrã ka tõe tek ye. Yãmb sãn data yel-soalma, yãmb tõe n deega vẽenga tɩ Wẽnnaam Sebrã yaa zĩig tɩrg menga yãmb sẽn sɛgd n gese! Kaane yãmb na n yãa kiba sõmse sẽn kẽed ne norɛɛsd wa a Nowe (Nuh), Abraham (Ibrahim), Zozɛf (Yusef), Zonaas (Yunus), Daniyɛl, Davɩd (Dawud), ne-a Salomo (Suleiman). Tõe tɩ yãmb zoẽ n wʋma b yelle zĩisa taaba, la Wẽnnaam Sebra gomda b kibara fãa gilli!

Wa-y n yã-y yãmb yel-soalmã

Baa yãmb sẽn be yell ning pʋga, Wẽnnaam tara bõn-bãn kibar wa sẽn sɛgd yãmb yĩnga:

• Yãmb bɩ ned yãmb sẽn nong n bẽed bɩ? Karm-y a Naama sẽn da yaa Siri sodaas naabã wãood maagr kibare.

• Yã̀mb namsdame n na n dɩlg yãmb zaka bɩ? Karem-y libã pʋg-kõora ne a biiga kibare b sẽn tõog n põs yʋʋm wok kom ne kaam lɩnga la nug pugẽ zom sẽn ka tolẽ n sɛ ye.

• Yãmb yɛɛsda ne yãmb vɩɩma bɩ? Bɩ y karẽm sẽn kẽed ne a Ebɛd-Melɛk, Etiyopi yamba rĩma zakẽ, yẽ sẽn põs zabr wakat a sẽn tẽed Wẽnnaam yĩnga.

• Yãmb tagsadame tɩ b yĩma yãmb yell bɩ? Karm-y a Hagar sẽn yit Ezipt yelle, sẽn yã Wẽnnaam yel-solmã neba sẽn waa n zãag meng ne yẽ wakate.

• Wẽnda wa vɩɩma yɛl datẽ n loogane yãmb bɩ? Bɩ y karm sẽn kẽed ne wakat ninga a Zezi sẽn tẽeg b nug n kɩt sob kasẽng yals n fãag bãmb karen-biisã ne sãoongo.

Leokr ne Yel-soalma

Tõnd sẽn karẽmd Wẽnnaam Sebrã tõnd pita ne vẽenem, n pʋʋsd ne tẽebo. A Zezi Kiris yeelame, “Bũmb ning fãa yãmb sẽn kos pʋʋsg pʋga, ne tẽebo yãmb na n paamame” (Matiye 21.22). Tõnd sãn karẽm neba taaba kibaya b sẽn deeg bõn-bãn Zu-Soaba nengẽ, tõnd sũyã pita ne tẽeb tɩ rɩk tõnd zuloeesã n tees yĩngri.

Yãmb baooda bõn-bãnd bɩ? Bɩ yãmb rɩk yam ne Wẽnnaam Sebra bõn-bana la yãmb kos Wẽnnaam yãmb meng rẽnda. Bãmb sɩd na n wʋma yãmb pʋʋsgã rũnda!

Yãmb sãn dat n paam vẽenem n paas sẽn kẽed ne bõn-bãna Wẽnnnaam Sebrã pʋga, bɩ y paam tõkr ne tõnd kibaya kɩsog zĩiga sẽn be sebra kudigẽ wã.