Dedienɔnɔ tso gbɔgbɔ vɔ̃wo ƒe ası́ me

Taƒoƒo Kpuie

Ŋusẽ le gbɔgbɔvɔ̃wo si, gake womesesẽ abe Yesu Mesia la ene o. Agbalẽvi sia le nu ƒom tso alesi Yesu nya gbɔgbɔ vɔ̃wo do goe le amesiwo le fu kpem la me eye wòna wokpɔ dɔyɔyɔ. Ate ŋu awɔ esia ke na míawo hã egbea. Eƒe agbalẽ la le mía fiam nusianu si hiã be míanya ne míakpɔ vovo tso gbɔgbɔvɔ̃wo ƒe fuɖename kple teteɖeamedzi me. Egale mía fiam alesi míasi le gbɔgbɔvɔ̃wo ƒe ameflulawo nu hafi wòatrɔ va.

Ƒomevi

Agbalẽvi

Agbalẽtala

Sharing Hope Publications

Elì le gbegbɔgblɔ

22 Gbegbɔgblɔwo

Axawo

Dzesidenuwo

#Islamisubɔsubɔ #Yesu Mesia la #Vava zi evelia #Gbɔgbɔvɔ̃wo #Biblia la #Ŋkeke Mamlɛa Nudzɔdzɔwo #Fukpekpe #Vɔvɔ̃ kple dzitsitsi #Ŋusẽ Gododowo #Dɔyɔyɔ #Nukunuwo #Gbedodoɖa

Heeɖeanyi

PDF/X PDF EPUB

Dzinwo le afisiafi. Eɖanye be nèyɔ wo be gbɔgbɔwo, ŋɔliwo, gbɔgbɔ vɔ̃wo alo dzinwo o, woté ŋu ɖoa vɔvɔ̃ na ame. Afakalawo, adzetɔwo, kple atiblɛwo nye nusiwo ame geɖewo lɔ̃na, gake ɖe wote ŋu kpɔa mía ta vavã?

Medi be mamã afɔɖeɖe bɔbɔe etɔ̃ kpli wò hena wò ametakpɔkpɔ tso gbɔgbɔ vɔ̃wo si me ale be màgavɔ̃ o.

Ametakpɔkpɔ tso gbɔgbɔ vɔ̃wo si me

Ŋutsua nɔ amama henɔ ɣli dom. Dzin geɖewo nɔ eyama me, eye amea ɖeke mete ŋu kpe ɖe eŋu o. Amesiwo le kɔƒea me dze agbagba be yewoatsɔ kɔsɔkɔsɔ ablae, gake etsò wo kple ŋusẽ si wú amegbetɔwo tɔ eye wòsi dzo heyi ɖanɔ ameɖibɔ me. Enɔa avi fam nublanuitɔe ŋkekeawo katã eye wòtsɔa kpe lãna eɖokui.

Vaseɖe esi amea ɖe si ŋkɔe nye Yesu Kristo, si wogayɔna be Isa al-Masih la va.

Ŋutsua nɔ gbɔgbɔ vɔ̃wo ƒe babla te ale gbegbe be esi wòke nu be yeabia kpeɖeŋu la, gbɔgbɔvɔ̃ la do ɣli ɖe Yesu Kristo ta be wòadzo le yègbɔ. Gake Yesu medzo o. Enya nusi nɔ dzɔdzɔm. Vɔvɔ̃ manɔmee la, eɖegbe na dzin la be woado go le amea me.

Dzinawo ɖe kuku be: “Megade se na mi be míayi ɖe aʋli la me o!” Wobia be yewoayi ɖe ha geɖe siwo woŋɔ nyinyim le afima la me. Yesu de se na wo be woado go le ŋutsu la me ayi ɖe lã makɔmakɔawo me. Enumake, ŋutsu la gbɔ va eɖokui me, eye aƒehawo katã si du kplikplikpli tso to la kɔgo ge ɖe ƒu la me.

Mlɔeba la, ŋutsu la kpɔ ablɔɖe. Eyɔ fũu kple akpedada! Gake menye ŋutinya ɖeka sia koe o. Yesu Kristo kpɔ ŋusẽ gã aɖe ɖe gbɔgbɔ vɔ̃wo dzi. Afisiafi si wòyi la, eɖe ga ame siwo me dzinwo le la. Ena ŋusẽ eyomedzelawo hã ɖe abosam la dzi:

Kpɔ ɖa, mena ŋusẽ mi... ɖe ketɔ la ƒe ŋusẽ katã dzi, eye naneke meli si awɔ vɔ̃ mi gbeɖe o. Gake migakpɔ dzidzɔ bena, gbɔgbɔawo ɖoa to mi o, ke mikpɔ dzidzɔ bena woŋlɔ miaƒe ŋkɔwo ɖi le dziƒowo (tso Nyanyuieawo, si wogayɔna be Indzil la me, Luka 10:19,20).

Ne míekplɔ Yesu Kristo ɖo la, míate ŋu akpɔ dedienɔnɔ le agbe sia me kple kakaɖedzi na agbe si gbɔna la! Mina míakpɔ afɔɖeɖe etɔ̃ siwo akplɔ mí ayi ablɔɖekpɔkpɔ tso gbɔgbɔ vɔ̃wo si me la.

Afɔɖeɖe 1: Tsɔ ŋusẽ si le Yesu Kristo ƒe Ŋkɔa me la wɔ tɔwòe

Afɔɖeɖe gbãtɔa enye be nàdi Mawu ƒe ametakpɔkpɔ le Yesu Kristo ƒe ŋkɔa me. Ŋusẽa ɖeke mele mía ŋu le mía ɖokui si o. Gake ne míeɖe gbeƒã Yesu Kristo ƒe ŋkɔ ɖe míaƒe agbe dzi la, gbɔgbɔ vɔ̃awo zua ŋusẽmanɔsitɔwo! Yesu gblɔ tso eyomedzelawo ŋu be: “Le Nye ŋkɔ la me woanyã gbɔgbɔ vɔ̃wo ado goe” (Nyanyuieawo, Marko 16:17).

Ne èxɔe se kple wò dzi blibo be Yesu ana ablɔɖe wò la, awɔe! Ekem ƒo koko sia ko na Mawu be: “Aƒetɔ, meɖe kuku ɖem tso gbɔgbɔ vɔ̃wo si me le amesi nedɔ ɖa la, Yesu Kristo ƒe ŋkɔ me!”

Afɔɖeɖe 2: Di Ememe kple gota ŋu kɔkɔ

Yesu fia mí be mímegaɖe mɔ le mía ɖokui ŋu na abosam o. Egblɔ be: “Xexeamefia la gbɔna, eye mekpɔ naneke le ŋunye o” (Nyanyuieawo, Yohanes 14:30). Edze be míakɔ míaƒe agbea ŋu tso ŋusẽkpɔɖeamedzi vɔ̃ɖiwo hã si me.

Be naneke mele abosam sí “le mía me o” gɔme ɖe? Egɔmee nye be naneke mele esi le míaƒe dziwo me alo aƒewo me si nye etɔ o. Ele be míatsɔ alakpaxɔse ƒe afakanuwo kple dzokawo aƒu gbe. Ele be míatè ɖa tso nuwɔna gbegblẽwo abe amama me fotowo kpɔkpɔ, gbe muame kple aha sesẽwo nono gbɔ. Ne míeƒo nu kple ame kukuwo ƒe ŋɔli eye míegblɔ fiƒodeame nyawo vayi kpɔ la, ele be míaɖe asi le wɔna siawo ŋu enumake. Ale, míekɔ mía ƒe nɔƒe siwo ƒo xlã mí la tso gbɔgbɔ vɔ̃wo ƒe ŋusẽkpɔɖeamedziwo me. Emegbe la, ele be míado gbe ɖa na Mawu be wòatsɔ ke mí eye wòaklɔ mía me.

Afɔɖeɖe 3: Na be kekeli nayɔ wò agbe me

Esi Yesu Kristo ɖe wò tso dzin ŋusẽ sí me megbe la, kpe eyama be wòakpɔ wò agbe dzi. Megagblẽ wò dzi ɖi ƒuƒlu o. Yesu Kristo gblɔ be:

Ne gbɔgbɔ blibaa ɖe do go tso ame me la, eyi ɖatoa ƒuƒuiƒewo, nɔ dzudzɔ dim eye mekpɔnɛ o. Tete egblɔna bena: “Magbugbɔ ayi ɖe nye aƒe si me metso va la me.” Eye esi wòva la, ekpɔe wòle ƒuƒlu, wokplɔ eme, eye woɖo atsyɔ̃ nɛ. Tete la wòtɔ edzi heyi ɖatsɔ gbɔgbɔ bubu adadre, siwo vɔ̃ɖi wu ye ŋutɔ la, hekpe ɖe eɖokui ŋuti eye esi woyi ɖe eme la wonɔ afima; eye nenem me sia ƒe anyinɔnɔ megbetɔ va vɔ̃ɖi wu gbãtɔ (Nyanyuieawo, Mateo 12:43–45).

Ne wokɔ ŋuwò tso dzin si me la, tsɔ Yesu ƒe agbalẽ, Biblia la, ƒe kekeli yɔ wò agbe me. Yesu Kristo “va xexeame abe kekeli ene bena amesiame si xɔa [edzi] sena la manɔ viviti me o” (Nyanyuiea, Yohanes 12:46). Xɔ Yesu ƒe agbalẽa ƒe ɖeka eye naxlẽe gbesiagbe ale be Eƒe kekeli la nanyà viviti la ɖa.

Dedienɔnɔ na etsɔme

Míele agbe le ɣeyiɣi si gogo nuwuwu si me gbɔgbɔ vɔ̃wo gale dɔ wɔm wu tsã le. Yesu Kristo gblɔe ɖi be hafi yèatrɔ va la, vɔ̃ ƒe ŋusẽwo awɔ alakpa nukunu geɖe ahadze agbagba be yewoable xɔsetɔwo. Dzinwo adzé na amea ɖewo le nɔnɔme dziŋɔa ɖe me abe ŋɔliwo ene, eye na ame bubuwo la woadzé abe mawudɔlawo alo ƒometɔ siwo ku ene. Abosam ŋutɔ hã awɔ eɖokui abe Yesu Kristo ene!

Gake mele be alakpa siawo nable wò o. Ne èdze Yesu yome la, ana ŋusẽ wò be nàtsi tre ɖe abosam ŋu. Xɔ̃nye vevi, alekeake anye wò ʋiʋli egbea la, na Yesu nawɔ wò ablɔɖevie!

Ne èdi be Yesu yomedzelaa ɖe nado gbe ɖa na wò ɖeɖe tso gbɔgbɔ vɔ̃wo si me la, ke taflatse tè ɖe mía ŋu to nyatakaka siwo le agbalẽ sia ƒe megbe la dzi.

Copyright © 2023 by Sharing Hope Publications. Woate ŋu ata dɔ sia ahamae gbemabia nenye be asitsatsa ƒe tameɖoɖo mele eme o.
Mawunya tso Éwé Revised Version © Bible Society of Ghana, 1913, 2006.

De asi agbalẽa te na míaƒe nyadzɔdzɔgbalẽ xɔxɔ

Nye ame gbãtɔ si anya ne woɖe agbalẽ yeyewo ɖe go!