Põsg ne Sɩɩs Wẽnse

Zĩn-dãmbã bee zĩig zãnga. Yãmb boondbame tɩ sɩɩse, kɩɩm-dãmba, zĩn-dẽgdo, wala zĩna, b tõe kẽesa rabeem. Tɩt-rãmba, bag-bʋgdba, la kĩnkĩr-bagba yʋyã yiime, la b toẽ n kogla tõnd sɩda?

Mam dat n wilga yãmb bũmb bilf a tãab sẽn tõe n kogl ne sɩɩs wẽnsã sẽn na n yɩlẽ tɩ y ra maan dabeem ye.

Kogolg ne Sɩɩs Wẽnse

Dao-wã ra ya a beele la a poarda. Zĩn-dãmb wʋsgo n d tara, tɩ ned da ka toẽ n soãnga ye. Tẽnga neba makame tɩ loya ne bãense, la yẽnda kaoobla ne pãng sẽn yɩɩd ninsaal pãnga n zoẽ n tɩ vɩ yaadẽn wã. Daar fãa a wiisdame la a yerd a mengã ne kuga.

Hal tɩ ta dao-a yembre b sẽ n boond ta Zezi Kiris waoongo, sẽn yaa Isa al-Masih.

Dao-wã sũur da sãama hal wʋsgo tɩ a sãa n yaag a noorã n na n kos sõngre, zĩna kelemdame n yet a Zezi Kiris t’a bas yẽnda. La a Zezi ka bas-a ye. Bãmb da mii bũmb ning sẽn da be wã. Ne raodo, b lenga zĩn-dãmba tɩ b loogẽ n bas dao-wã.

“Bɩ y da sãam tõnd ye!” Zĩna sẽ n kose. Bãmb kosame n na n tɩ kẽ kur-kuiy sẽn da pẽ be. A Zezi riga bãmb tɩ b yi n bas dão-wã n tɩ kẽ rũm dẽgdã. Zĩi pʋgẽ, dão-wã laafɩ lebgẽ n waame, la kur-kuiyã fãa zoẽ n tɩ kẽe mogrã pʋga.

Wakat kãnga tɛka dao-wa paama a menga. A sũurã da yaa noog wʋsgo! La ad ka kibar kãnga bal ye. A Zezi Kiris paama tõogr kãseng ne sɩɩs wẽnsã. Bãmb sẽn da kẽng zĩig ning fãa bãmb da fãagda neb zĩn-dãmb sẽn da tara. Bãmb kõo b karem-biisa tõogr ne sʋtãanã:

Gese, mam kõta yãmb toogre ne bɛyã pãnga, la bũmb baa fɩ ka na n maan yãmb ye. la da maane sũnoogo ne bõn-kõng ye, zĩn-dãmba sakr yĩng ye, maane sunoogo, yãmb yuɩya sẽn gʋls vɩɩm sebrã pʋga (Koe-Noodã, sẽn le boond tɩ Injeel, Luk 10.19-20).

Tõnd sãn tũuda Zezi Kiris, tõnd tõe n põsa vɩɩm kãnga pʋga la sẽn yɩɩda vɩɩm sẽn wata! D ges na-yakmã tãab tõnd sẽ n na n dɩk n põs sɩɩs wẽnsã.

Na-yakemd 1: Reeg a Zezi yʋʋra pãnga

Pipi na-kemdã yaa tɩ bao Wẽnnaam kogolgo a Zezi Kiris yʋʋra pʋga. Tõnd mensã ka tar d toorẽ pãng ye. La tõnd sãn wa pʋd a Zezi Kiris yʋʋra tõnd vɩɩmã zugu, sɩɩs wẽnsãkongda pãngã! A Zezi goma b karẽm-bissã yell woto: “Ne mam yʋʋre bãmb na n diga zĩn-dãmba” (Koe-Noodã, Mark 16.17).

Yãmb sãn tẽed ne yãmb sũyã fãa t’a Zezi Kiris na n fãaga yãmba, b na n sɩd fãaga yãmba! Kos-y Wẽnnaam bala, “Zu-Soaba, bɩ y yols maam ne sɩɩs wẽnsa a Zezi Kiris, a soab ninga Yã̀mb sẽn tʋma yĩnga!”

Na-yakemda 2 soaba: Bao Pʋgẽ la Yɩnga Yɩlemde

A Zezi Kiris zãmsa tõnd tɩ d ra bas vɩʋʋg n kõ a sʋtãan ye. B yeelame, “Dũni kãnga naaba watame, la a ka tar bũmb ne Maam ye” (Koe-Noodã, Zã 14.30). Tõnd sɛgd n yɩlga d mẽnse ne wẽnga pãnga tʋʋma me.

A sʋtaan ka tar “bũmb ne tõnd” rat n yeelame tɩ bõe? Ratẽ n yeelame t’a bũmb ka be tõnd sũyĩ wã wala tõnd zagsẽ ye. Tõnd sɛgdame n lob bũmb nins fãa sẽn kẽed ne tɩɩm la rʋbse. Tõ̀nd sɛgdame n bas yelwẽn buud fãa sẽn wẽnd wala raglõm, tab-wẽenga, la rãam. Tõ̀nd sãn da tara lagmẽ-n-taare ne minung tɩ gom ne kɩɩmse wala kãabse, tõnd sɛgdame n bas bõn-kãens fãa tao-tao. Woto, tõnd yɩlgda tõnd zĩiga fãa ne zĩn-dẽgd tõog. Dẽ, tõnd sɛgdame n pʋʋs Wẽnnaam tɩ b kõ tõnd sugri la yɩlg tõnd pʋgẽn wã.

Nayakemda 3 soaba: Pidis-y Yãmb Vɩɩma ne Vẽenem

A Zezi Kiris sẽn fãag yãmb ne zĩn-dãmba pãnga n sɛ, bɩ y bool bãmb tɩ b ges yãmb vɩɩma tekr yelle. Da bas-y yãmb vɩɩma vɩʋʋg ye. A Zeze yeelame,

Zĩn-dẽgd sãn yi n bas neda, a kẽnda zĩ-pɛɛlẽ n baood vʋʋsgo. La a sẽn ka yã vʋʋsgã, dẽ, a yeelame yaa: “Mam na n leb n leba mam doogẽ wã mam sẽn da yi n basã.” La a sẽn wa n mik tɩ roogã yaa vɩʋʋgo, n pɩɩs n maneg tɩ ya neere, a kẽngame n tɩ tall zĩn-dãmb a yopoe sẽn ya wẽns n yɩɩd a menga. La bãmb kẽe n zĩnda be. La rao-kãng yaoolem toog yɩɩda pĩnda. A na n yɩɩ woto bal ne zamaan-kãngã nebã sẽn ya wẽnsã. (Koe-Noodã, Matiye 12.43-45).

Yãmb sãn paama fãagre ne zĩn-dãmba, pidis-y yãmb vɩɩmã ne a Zezi sebrã, sẽn ya Wẽnnaam Sebrã. A Zezi Kiris wa wala “dũniyã vẽenem, tɩ ned ning fãa sẽn tẽed [bãmb] kõn pa lik pʋgẽ ye.” Zã 12.46. Bao-y a Zezi sebrã bil-a yembre n karma daar fãa t’a vẽenemã rig likã n yiisi.

Põsg Wakat sẽn Wat Yĩnga

Tõnd kolga yaolõm wakat ninga sɩɩs wẽnsã sẽn tʋmd n yɩɩd pĩnda. A Zezi Kiris pĩndĩ n togsame tɩ sẽn deng bãmb yiibẽ waoongã wẽngã pãng nãn tʋma ne zĩri bõn-bãna n bao tɩ belg tẽedbã. Zĩn-dãmba na n puka-b meens ne neb kẽer wa kɩɩms n yaees bãmba; ne neba taaba, b na n yii wala malɛkse wala b roagdb sẽn ki. A sʋtãan meng na n puka a menga ne a Zezi Kiris wẽnogo!

La yãmb ka sɛgd n lʋi a zĩriwã belgr pʋg ye. Yãmb sãn tũ-a Zezi Kiris, bãmb na n kõo yãmb pãng tɩ y kɩɩs a sʋtãana. M zoa sõngo, baa yãmb maoobã sẽn ya a soab rũnda, sak-y t’a Zezi Kiris fãag yãmba!

Yã̀mb sãn datame ta Zezi Kiris karẽm-biig pʋʋs tɩ yãmb paam fãagr ne sɩɩs wẽnse; bɩ y paam tõkr ne tõnd kibaya kɩsog zĩiga sẽn be sebra kudigẽ wã.