Aḥraz seg Leṛwaḥ n Diri

Leǧnun llan deg yal amkan. Ma yella tessemmaḍ-asen iṛuḥaniyen, izɣuɣen, ccwaṭen neɣ leǧnun, ur yettbeddil ara way dakken zemren ad ilin d wid yessexlaɛen. Iseḥḥaren akk-d wid yesseḥlawn s ssḥur, d tḥerztin d ayen yettwassnen, maca zemren s tidet ad aɣ-ḥerzen?

Bɣiɣ ad wen-d-iniɣ tlata n tikliwin isehlen ara kkun-iḥeṛṛen si leǧnun akken ur teţţaggadem ara.

Aḥuddu seg Leṛwaḥ n Diri

Argaz-nni yella d aɛeryan, yettsuɣu. Yella yettwamlek s leǧnun, yerna yiwen ur yezmir ad t-iɛiwen. Imezdaɣ n taddart ɛerḍen ad cudden s snasel, acu yerẓa-tent s lǧehd-is ur nelli d win n wemdan, dɣa yerwel ad yezdeɣ gar iẓekwan. Yesɛedda ussan-is yettru, yerna igezzem iman-is s yeẓṛa.

Armi d-yewweḍ yiwen wergaz isem-is Lmasiḥ, yettwasnen daɣen s yisem n Isa al-Masih.

Argaz-nni yella yuḍen aṭas armi asmi yeldi imi-s akken ad d-yessuter afus n tallelt, d lǧenn-ni i d-yeţɛeggiḍ ɣer Σisa Lmasiḥ akken ad t-yeǧǧ di lehna. Meɛna Sidna Σisa ur iruḥ ara. Yella yeẓra d acu iḍerrun. War tugdi, yumeṛ leǧnun ad ffɣen seg wergaz-nni.

Leǧnun-nni tḥellel-it “Ur nettceyyiɛ ara ɣer ṭṭlam!” Ssutren-d ad kecmen deg yiwet n tqeḍɛit n yilfan i d-yezgan ɣer tama-nsen. Sidna Ɛisa yumeṛ-iten ad ffɣen seg wergaz-nni, ad kecmen deg iɣersiwen-nni iɛefnen. Imiren kan yuɣal-as-d leɛqel-is i wergaz-nni, dɣa taqeḍɛit-nni n yilfan uzzlen ami ɣlin seg wecṛuf ɣer lebḥeṛ.

Ɣer tagara, argaz-nni yuɣal d-ilelli. Yeḥmeḍ Ṛebbi! Maca mačči d tagi kan i d taqsiṭ i yellan. Σisa Lmasiḥ yesεa tazmert tameqqrant ɣef leǧnun. Anda i yedda, yessaweḍ ad d-isellek imdanen i yettwamlken s leǧnun. Yefka daɣen i yinelmaden- is tazmert ɣef cciṭan:

Slet-ed, d-tidet fkiɣ-awen tazmert... aț-țmeḥqem lǧehd n weɛdaw, yerna ulac ayen i gzemren a kkun-i ḍuṛṛ. Lameɛna ur feṛṛḥet ara imi i tḥekkmem ɣef leǧnun, feṛḥet imi ismawen-nwen ttwajerden deg igenwan (Linǧil, Luqa 10:19 - 20).

M’ara nḍefre Σisa Lmasiḥ, nezmer ad nesεu laman deg tudert-agi yerna ad nesεu ṭṭmana ɣef tudert i d-iteddun! Iyya-t ad nwali tlata n tikliwin ara ɣ-d-yessukksen ddaw n uzaglu n leǧnun.

Asurif 1: Asuter n tezmert n yisem n Σisa Lmasiḥ

Tazwara, ad d-nesuter i Yillu ad iḥareb fell- aneɣ s yisem n Σisa Lmasiḥ. S yiman-nneɣ, ur nezmir ara. Lamaɛna, m’ara ad nberreḥ s yisem n Σisa Lmasiḥ deg tudert-neɣ, Ccwaṭen ad uɣalen ur sεin ara tazmert! Sidna Ɛisa yenna-d ɣef inelmaden-is: “S yisem-iw ad ssufuɣen leǧnun” (Linǧil, Marqus 16:17).

Ma tumneḍ seg wul-ik dakken Σisa Lmasiḥ ad k- yessufeɣ ɣer tlelli, d ayen ara yexdem! Deɛɛu s tẓallit-agi i Ṛebbi, “A Sidi, s yisem n win i d-tceggɛeḍ, Σisa Lmasiḥ, ttxil-k ad iyi-d-tesellek seg leǧnun!” 

Asurif 2: Ssizdeg-k ul-ik ama si zdaxel ama si beṛṛa

Σisa Lmasiḥ yesselmad-aɣ dakken ur ilaq ara ad nefk tagnit i cciṭan. Yenna-d, “Ataya sseltan n ddunit agi, ur yesɛi acemma deg-i” (Linǧil, Yuḥenna 14:30). Ilaq-aɣ daɣen ad nessizdeg tudert-nneɣ seg wayen akk n diri. 

Dacu i d lmeɛna- s Cciṭan ur yesɛi “acemma deg-neɣ”? Yeεni ulac deg ulawen-nneɣ neɣ deg yixxamen-nneɣ ayen yellan d ayla-s. Yessefk ad nḍegger merra ayen yellan d iḥeckulen neɣ leḥruz. Ilaq a nexḍu i yir lecɣal am tẓuṛi isura n diri, d tihyufin akk-d iɣisem. Ma yella nettekki deg isukar n wid yettmeslayen d wid yemmuten neɣ wid ineɛlen, ilaq ad neḥbes lecɣal -a tura kan. S wakka, ad nessizdeg tawennaḍt-neɣ i ɣ-d-yezzin seg tazrirt n cciṭan. Ihi, ilaq a neţẓalla i Ṛebbi ad ɣ-isemmeḥ yerna a ɣ-issizdeg assizdeg lqayen.

Asurif 3: Ččar tudert-ik s tafat

Mi k-d-isellek Σisa Lmasiḥ si tezmert n leǧnun, ԑreḍ-it akken ad yili d imḍebber ɣef tudert-ik. Ur ttaǧǧa ara ul-ik d ilem. Σisa Lmasiḥ yenna-d,

Mara yeffeɣ ṛṛuḥ ameɛfun seg wemdan, ad iṛuḥ ad ittemenṭar deg imukan yeqreqren, ad ittqelib anda ara yestɛfu, lamaɛna ur ittaf ara. Dɣa ad yini, “Ad uɣaleɣ kan s axxam-iw iseg d-ffɣeɣ.” Mara yuɣal, at yaf d ilem, zeddig, yerna yecbeḥ. Imiren ad iṛuḥ ad yawi yides sebɛa leṛwaḥ nniḍen iweɛṛen akteṛ-is, dɣa ad kecmen, ad zedɣen. Liḥala n wergaz-nni att-nṭar akṭer n zik (Linǧil, Matta 12:43 - 45).

M’ara att-izḍigeḍ seg lǧnun, ččar tudert-ik s tafat n wedlis n Lmasiḥ, Tira Iqedsen. Σisa Lmasiḥ yusa-d “Tafat ɣer ddunit, iwakken kra n win yumnen yis ur yettɣimi ara di ṭṭlam” (Yuḥenna 12:46). Awi-d tasukint n wedlis n Lmasiḥ, ɣeṛ-it yal ass akken tafat-is ad ţessufeɣ ṭṭlam.

Ṭṭmana i yimal

Aql-aɣ neţεic deg ussan yeţqerriben ɣer taggara anda leṛwaḥ n diri xeddmen akteṛ akk n zik. Σisa Lmasiḥ icar-d belli uqbel ad d-yuɣal, tazmert n lbaṭel ad texdem aṭas n lbeṛhanat n lekdeb akken ad εerḍen ad kellxen i lmumnin. I kra, lǧnun ttbanen-asen-d s wudmawen yessexlaɛen am izɣuɣen; i wiyaḍ, ttbanen-asen-d am lmalayekkat neɣ am akken d lerwaḥ n imawlan yemmuten. Cciṭan s timmad-is ad d-yettarra iman-is d Σisa Lmasiḥ!

Maca, ur d-yewwi ara ad k-kellxen s lekdubat-agi. Ma teḍfeṛeḍ Σisa Lmasiḥ, ad ak-d-yefk tazmert akken aţ- ţqableḍ cciṭan. Ay ameddakel-iw ɛzizen, akken yebɣu yili umennuɣ-ik ass-a, eǧǧ Σisa Lmasiḥ ad k-yessufeɣ ɣer tlelli!

Ma tebɣiḍ ad k-yeẓẓel yiwen seg inelmaden n Σisa Lmasiḥ i wakken ad k-isellek si leǧnun n diri, ttxil-k aru-yaɣ-d ɣer isallen-agi yellan deffir n lkaɣeḍ-a.