Salamet deri Roh Brengghi

Jin bedeh e man-diman. Maskeya be’na nyebbut roh, bhâung, setan, otabâ jin, sakabina jhet nako’en. Dukun, balian, bân jimat cè’ èkennal, tapè bisa onggu-onggu ajâgâ kaulâh? 

Bula terro acatoran kalaben dika tello’ langka sederhana kaangguy nemo’aghi parlendhungan deri roh brengghi saenggha dika ta’ parlo tako’. 

Parlendhungan deri Roh Brengghi

Bedeh oreng lake’ abengkang rat-taratan. Dibien lebbhunin benyak jin, tor tade’ se bisa nolongin. Reng-oreng se dissa ngoddhi abhughet sareng rantay, tape dibi’en mapeggha’ rantay sareng kekuatan supera tor a jakjak buruh ka makam. Dibi’en re-saare nanges seddhi tor ngganguy bato dibi’en e lokaen bedenna.

Pas bede oreng lake’ deteng anyamah Yesus Kristus se esebut jugen sareng Isa Almasih.

Oreng se kerasokan jia ce’ nelangsana nalika dibi’en asero menta tolong jin se ngenengin bedenna pas a tarat, a towat de’ Yesus sopaje’e ondhur je’ semma’in. Nanging Yesus ta’ lem meyos. Salerana oneng napa se kededdiyen. Tanpa tako’, salerana pareng parenta ka Jin ondhur deri oreng lake’ ghellek.

“Ampon je’ kerem bule ka jurang!” Jin ngemis. Jin sabalana menta masok ka saberengngan babih se e seddhi’na. Yesus marenta de’ ka sekabih’na ondhur deri beden reng lake’ jeriye tor entar ka keben se najis ka’rowa. Semarena reng lake’ jeriye beres, mola teros sekabina babih e ajak buruh ka tebing, terjun ka tasek.

Akhira oreng lake’ jiah bebas. Dibi’en ce’ asokkorrah! Tape reya benne tong-settonga careta. Yesus Kristus agedui kobasa se ce’ rajana atas roh brengghi. Ka’dimma’a beih salerana meyos, muste abhibhasaghi sapa beih se kerasokan Jin. Salerana jugan aberri’ kobasa ka moredha ngadebbih setan:

Ba’na ebala’ana, ya! Bi’ Sengko’ ba’na la eberri’i kobasa sopaja ba’na bisa’a nedda’ olar ban kalajengking sarta motel kakowadanna moso ta’ kalaban badha apa’a bai se bisa macalaka’ ba’na. Tape ja’ perak polana roh-erroh jahat atoro’ ka oca’na ba’na. Lebbi bagus ba’na perak polana nyamana badha la ecathet e sowarga (Injil Lukas 10:19-20).

Bile kaulâh sadâjâ norok Yesus Kristus, abe’ dibi’ bisa agedui keamanan delen odik paneka tor jaminan kaangguy odik se bekal deteng! Nyara tengaleh tello’ tengkar cara nemo’aghi kabebasan deri roh brengghi.

Tengkar 1: Penta Kobasa delem Nyama Yesus Kristus.

Tengkar ka settong nyareh parlendhungan Pangeran delem nyamah Yesus Kristus. Lamon ghun ngandhelaghi abe’ dibi’, ta’ kera kellar. Naleka abe’ dibi’ ngakonin Yesus attas odi’ bula-mpiyan, roh brengghi sobung kakuatanah! Yesus adebu tentang moredha: “reng-oreng jareyah bakal ngojuga erroh jahat bit Tang Nyamah,” (Injil, Markus 16:17).

Bile dika parcaje se onggu-onggu maka Yesus Kristus bedih abebasagi dika, Salerana bekal ngalakone. Coba gebey parmohonan nga’ neko de’ ka Pangeran, “Gusthi, nyo’on bebasagi bule deri roh jahat dalam nyamah oreng se ampon Junan otos, Yesus Kristus!” 

Tengkar 2: Sareh Pebersean Lowar Delem

Yesus Kristus ngajeri je’ mon abe’ dibi’ ta’ olle aberri’ kenengan apa’ah beih de’ ka setan. Salerana adeku, “Pangobasa dunnya neka bekal deteng, tape pangobasana dunnya jareya ta’ kobasa ka Sengko” (Injil, Yohanes 14:30). Kaulâh sadâjâ jugen kodhu mabherse odi’en abe’ dibi’ deri sadeje pangaro jahat. 

Apa artenah setan “tade’ se a gedui pa-apa neng e abe’-bule-mpiyan”? Paneka artenah dibi’en ta’ agedui settong kana e lem ate otabe roma bi’ dibi’ benni dedi romana. Kaulâh sadâjâ kodu muang khodam tor sadhaja jimat takhayul. Kaulâh sadâjâ kodhu majheuh deri kalakoan dussah, syirik, mesum, narkoba, tor mabuk. Menabi kaulâh sadâjâ toman rok-norok ritual-ritual akadhiye acatoran tor reng mate otabe abestho, so-meso, kodhu ambuih kalakoan paneka. Dedi, kaulâh sadâjâ pade sareng mabherse bagian lowar, deri pangaro jahat/iblis. Saterosa, kaulâh sadâjâ kodhu anyo’on de’ ka Pangeran kaangguy nyepora bi’ dibi’ tor mabherse bathin bule-mpiyan.

Tengkat 3: Esse’eh tor Nur Odi’ Dika

Saamponipon Yesus Kristus abebasagi dika deri kakuatan Jin, onjeng Salerana kaangguy ngator odi’ dika. Je’ sampe’ atenah kosong. Yesus Kristus ngoca, 

Mon erroh jahat ondur dhari settong oreng, erroh jareya alengleng man-dha’emman ka kennengngan se reng-kerreng nyareya kennengnganna bu-ambu lesso, tape ta’ nemmo. Daddi erroh jareya ngoca’, ‘Sengko’ abaliya ka bengko se eonduri sengko’ rowa bai.’ Sanapa’na ka jadhiya, bengko jareya kosong, berse sarta la eator. Erroh jareya pas ngeba erroh jahat laenna kapetto se ajahadan dhari aba’na; roh-erroh jareya pas padha maso’ kabbi ka dhalem oreng gella’, terros enneng e jadhiya. Ban dhi-budhina kabadha’anna oreng jareya asara’an dhari sabellunna. Reng-oreng jahat jaman sateya bakal kantha’a jareya keya. (Injil, Matius 12:43-45).

Bile dika la e berse’en deri Jin, esse’e odi’ dika sareng sinar buku-buku Yesus, Alkitab. Yesus Kristus menangka “Terrang ka delem dunnyah, sopaje sapa’a beih se parcaje sareng dibi’en ta’ ole thenggal e delem kapettengan” (Injil, Yohanes 12:46). Gedui salinan buku Yesus tor bocah saben areh sopajeh terrangah ngoceh kapettengan.

Kaamanan kaangguy Masa Depan

Kaulâh sadâjâ odi’en sajen semma’ ka jaman akhir naleka roh-erroh brengghi sajen aktip dari sabelunna. Yesus Kristus aramalaghi ja’sabelunna Salerana beli modhi, kakuatan jahat bedih nodhuaghi bennya’ mu’jizat palsu kaangguy nipu sabedhena oreng beriman. Bagi sabegien oreng, Jin bekal nyombul delem bujut se nako’en akadih jerangkong; tape bagi sabegien oreng laen nyombul menangka malaikat, ataba kerabat se ampon sedeh. Setan dibi’ ta’langkong bekal nyamar menangka Yesus Kristus!

Anangeng dika ta’ lakar parlo etipu kalaben tipuannah. Lamon dika atoro’ Yesus Kristus, Salerana bekal aberri’ dika kakuatan alaban setan. Sahabhat sadejeh, ponapa masalana dika areh mangken, digel Yesus Kristus se abebasagi dika! 

Manabi panjennengan terro pengikut Isa Almasih adu’a kaangghuy èbebasaghi dâri roh-erroh jahat eatore ngubungin kaulâh sakancana bedhe neng e bagian budih dlubang paneka.