Lakanali ka bɔ Ni juguw la

Jinɛw bɛ yɔrɔ bɛɛ. I mana u wele niw, jaw, hakiw, walima jinɛw, u bɛ se ka siran fenw ye. Shamanw, subagaw ani fɛnɲɛnɛmaw ka di jamaw ye, nka yala u bɛ se k’an lakana tiɲɛ na wa?

N b’a fɛ ka fɛɛrɛw nɔgɔmanw saba fɔ aw ye walasa ka lakana sɔrɔ jinɛw juguw ma walasa aw kana siran tun. 

Lakanali ka bɔ hakili juguw wala jinew ma

Cɛ farilankolon tun bɛ ka pɛrɛn. Jinɛ caman tun b’a kɔnɔ, ani mɔgɔ si tun tɛ se k’a dɛmɛ. Dugu kɔnɔ mɔgɔw tun y’a ɲini k’a siri ni nɛgɛjolokow ye, nka a y’u kari ni fanga ye min ka bon ni hadamaden ta ye, ka boli ka taa sigi kaburuw cɛma. A y’a ka donw kɛ ka kulé kosɛbɛ ani k’a yɛrɛ tigɛ ni kabakuruw ye.

Fo ka se cɛ dɔ nali ma min tɔgɔ ye ko Yesu Krisita, min bɛ wele fana ko Isa al-Masih.

Cɛ tɔɔrɔla kosɛbɛ fo a y’a da yɛlɛ tuma min na ka dɛmɛ ɲini, jinɛw ye kulekan bɔ Yesu Krisita la ko a k’a to a kelen na. Nka Yesu ma bɔ yen. A tun b’a dɔn min tun bɛ ka kɛ. A ma siran, a ye ci bila jinɛw ma ko u ka bɔ cɛ in la.

“I kana anw bila ka don dingɛ dunba kɔnɔ!” jinɛw ye delili kɛ. U y’a ɲini ka don lɛw kulu dɔ kɔnɔ min tun bɛ u kɛrɛfɛ. Yesu ye yamaruya di u ma ko u ka o cɛ bila ka taa bagan nɔgɔlenw kɔnɔ. O yɔrɔnin bɛɛ, cɛ hakili seginna a la, lɛw kulu bɛɛ bolila ka bɔ farakulu dɔ kan ka don kɔgɔji la.

A laban na, cɛ in hɔrɔnyala. A ye barika da mɔgɔw ye kosɛbɛ! Nka nin dɔrɔn tɛ maana ye. Sebaayaba tun be Yesu Krisita la jinɛw juguw kan. A taara yɔrɔ o yɔrɔ la, a tun bɛ mɔgɔw kisi, jinɛw tun bɛ minnu la. A ye fanga di a nɔfɛmɔgɔw fana ma jinɛw kan:

A filɛ, ne bɛ fanga di aw ma... jugu ka fanga bɛɛ kan, foyi tɛna aw tɔɔrɔ cogo si la. O bɛɛ n’a ta, aw kana nisɔndiya o la, ko niw bɛ kolo aw kɔrɔ, nka aw ka ɲagali bawo aw tɔgɔw sɛbɛnna sankolo la (ka bɔ Kibaru Dumanw kɔnɔ, minnu bɛ wele fana ko Injeel, Luka 10:19–20).

Ni an tugura Yesu Krisita kɔ, an bɛ se ka lakana sɔrɔ nin ɲɛnamaya kɔnɔ ani ka jigiya sɔrɔ ɲɛnamaya nata kama! An ka fɛɛrɛw saba lajɛ walisa ka hɔrɔnya sɔrɔ jinɛ juguw ma.

Taabolo 1 (fɔlɔ): Ka Yesu Krisita Tɔgɔ Ka Sebaaya Wele

Fɛn fɔlɔ min ka kan ka kɛ, o ye ka Ala ka lakanani ɲini Yesu Krisita tɔgɔ la. Ka anw to anw yɛrɛ ma, fanga tɛ anw la. Nka ni an ye Yesu Krisita tɔgɔ weleweleda an ka ɲɛnamaya kan, jinɛ juguw bɛ kɛ fangatanw ye! Yesu y’a fɔ a nɔfɛmɔgɔw ko la ko: “U na jinɛw gɛn ne tɔgɔ la” (Kibaru Dumanw, Marka 16:17).

Ni i dalen b a la ni i dusukun bɛ i hɔrɔnya, a na o kɛ! I ka nin delili kɛ dɔrɔn Ala la ko: “Matigi, i ka ne kisi jinɛ juguw ma, i ye min ci, Yesu Krisita tɔgɔ la!” 

Taabolo 2 (filanan): Kɔnɔna ni Kɛnɛma Saniyaliw ɲini

Yesu Krisita ye mɔgɔw kalan ko anw man kan ka sennasan si di jinɛ ma. A ko: “Diɲɛ kuntigi bɛ ka na, ani a ka foyi tɛ ne la” (Kibaru Dumanw, Yuhana 14:30). An ka kan k’an ka ɲɛnamaya saniya ka bɔ nɔ juguw bɛɛ la fana. 

O kɔrɔ ye mun ye ko jinɛ ka “foyi tɛ an kɔnɔ”? O kɔrɔ ye ko foyi t’a la an dusukunw na wala an ka sow kɔnɔ min ye ale ta ye. An ka kan ka ladalakow ani jinamory wala karamogo bagaw fili. Anw ka kan k’anw yɛrɛ tanga jurumu kow ma i n’a fɔ porino, dɔrogi ani dɔlɔ. Ni a sorola ko anw y’anw senw don laadalakow la minnu ye ka kuma mɔgɔ salenw fɛ walima ka dangali kɛ, an ka kan k’o baaraw dabila joona. O cogo la, an b’an ka kɛnɛma sigida saniya jinɛw ka nɔ bilalenw na. O kɔ, anw ka kan ka Ala deli a ka yafa anw ma ani k’anw saniya anw kɔnɔna na.

Taabolo 3 (saba): I ka ɲɛnamaya Fa Yeelen La

Yesu Krisita kɛlen ko k’aw kisi ka bɔ jinɛw ka fanga kɔrɔ, a wele a ka k’aw ka ɲɛnamaya kuntigiya ta. Aw kana aw dusukun lankolon to. Yesu Krisita Ko,

Ni jinɛ nɔgɔlen bɔra mɔgɔ la, a bɛ tɛmɛ yɔrɔ jalenw fɛ, ka lafiɲɛ ɲini, ni a ma foyi sɔrɔ. O kɔ, a ko: “Ne bɔra ne ka so kɔnɔ, ne bɛ segin.” A nana tuma min na, a y’a sɔrɔ a lankolon don, a kolen don, a labɛnna cogo la. O kɔ, a taara ni jinɛ wolonwula wɛrɛw ye minnu ka jugu ka tɛmɛ a yɛrɛ kan, u donna ka sigi yen; ani o cɛ ka ko laban ka jugu ni fɔlɔ ta ye (Kibaru Dumanw, Matiyu 12:43-45).

Ni aw saniyala la bo jinɛw la, aw ka aw ka ɲɛnamaya fa ni Yesu ka gafe yeelen ye, n’o ye Kitabu ye. Yesu Krisita nana iko “yeelen diɲɛ kɔnɔ, walisa mɔgɔ o mɔgɔ dara a la, o kana to dibi la” (Kibaru Dumanw, Yuhana 12:46). Yesu ka Kitabu dɔ sɔrɔ ani k’a kalan don o don walisa a ka yeelen ka dibi gɛn ka bɔ I la.

Lakanali ka ɲɛsin siniɲɛsigi ma

An bɛ ka surunya waati laban na, waati min na jinɛw juguw bɛ baara kɛ ka tɛmɛ fɔlɔ kan. Yesu Krisita y’a fɔ ko sani a ka segin, juguya fangaw bɛna kabako nkalonma caman kɛ walisa k’a ɲini ka dannabaaw lafili. Dɔw fɛ, jinɛw bɛna ye cogo sirantaw la i n’a fɔ suw; mɔgɔw wɛrɛw fɛ, u bɛna u yɛrɛ jira i n’a fɔ mɛlɛkɛw walima anw somɔgɔw salenw. Sitanɛ yɛrɛ bɛna a yɛrɛ kɛ Yesu Krisita mayɛlɛma ye!

Nka i man kan ka lafili nkalonw fɛ. Ni aw tugura Yesu Krisita kɔ, a na fanga di aw ma ka Sitanɛ kɛlɛ. Teri kanulen, i ka kɛlɛ mana kɛ fɛn o fɛn ye bi, a to Yesu Krisita ka i hɔrɔnya!

Ni i b’a fɛ Yesu Krisita nɔfɛmɔgɔ dɔ ka delili kɛ walisa i ka kisi jinɛw juguw ma, i bɛ se ka kuma an fɛ kunnafoni min bɛ nin sɛbɛn in kɔfɛ.