Siranbaliya Kiritigɛ la

Don dɔ sɔgɔma, ne bɔra ne ka lotɛli so kɔnɔ ka taa lajɛ nafama dɔ la. Ne tun bɛ kɔfɛ waati folen kola o la sane ye bolifɛn boli teliya la — teliyala ka tɛmɛn teliya dan min tun bɛ se ka kɛ sariya la. Ka ne to ne ka taa yɔrɔ tilancɛ la, polisikɛla dɔ ye ne sama k’a fɔ ne ye ko ne ka kan ka taa polisiso la! Ne tun dimina kosɛbɛ ani ne tun tɛ se ka foyi kɛ bawo ne tun b’a dɔn ko ne jalakilen don. 

Polisikɛla ye ko dɔ da wuli ne kama kɔfɛ, u taara ni ne ye kiritigɛso la min bɛ ne kɛrɛfɛ walasa u ka ne ɲinika. O yɔrɔ la, a kɛra cogo do la, ne ye ne terikɛ dɔ sɔrɔ yenmin bɛ baara kɛ iko soronandoba. A kabakoyara ka ne ye yen. Tuma min na ne ye ne ka ko ɲɛfɔ, a ko: “I kana i hakili ɲagami. Ne na i ka ko ɲɛnabɔ.” Ne nisɔndiyara kosɛbɛ. Ne yɛrɛ terikɛ tun bɛna kɛ ne lafasabaga ye!

Ikomi ne terikɛ y’a sen don a la walasa ka lafasali kɛ ne tɔgɔ la, kiritigɛla ye alaman fitinin dɔ fo. Ne bɔra kiritigɛso la ni Ala tanuli ye.

Tiɲɛ na, a bɛ siranko bo ka jɔ dugukolo kan kiritigɛla dɔ ɲɛkɔrɔ. Nka o tɛ fosi ye ni i y’a suma ni a bɛna kɛ cogo min na ka jɔ Ala ɲɛ kɔrɔ Jatebɔ donba la. Ni o don tun bɛna inafo sini, yala i labɛnnen don wa?

Ka i labɛn Kiritigɛ kama

Mɔgɔw dɔw bɛ kiri nata jate ni hakilina gansan ye. U bɛ dɔlɔ min, ka sigarɛti min, ka wasa kɛ wala loterie ani sow wariw ɲini, ka taa sufɛla la donkɛ yorow la, ka videyo wala jaw juguw filɛ. U kakan k’a dɔn ko o kow bɛ be ka sɛbɛn gafew kɔnɔ, nka u sirilen bɛ Sitanɛ (a bɛ fɔ fana ko Shaytan) ka lafililiw fɛ. U tɛ u janto o la.

Mɔgɔw wɛrɛw bɛ jaabi li kɛ ni siran kojugu ye. U t’u ja gɛlɛya ka delili kelen to yen. U bɛ miiri kaburu tɔɔrɔ walima jahanama tasuma la kosɛbɛ fo u bɛ ɲinɛ Ala ka kanuya ni a ka ɲumanya kɔ. 

Nka i n’a fɔ ne tun bɛ ni lafasalikɛla ye kiritigɛso la cogo min na, Ala ye lafasalikɛla dɔ di an ma min bɛna an dɛmɛ ka tɛmɛ kiritigɛba la. Wajibi tɛ ka kɛ i kelen na!

An ka lafasalikɛla ye jɔn ye?

Lafasalikɛla hakilina tɛ ko kura ye. San o san, hiji taamakɛlaw ba caman bɛ taa batosobaw la Afiriki woroduguyafan, cɛmancɛ kɔrɔnfɛla ani Azi jamanaw na. Mɔgɔw caman bɛ delili kɛ ɲɛmɔgɔbaw ka kaburuw la, u dalen b’a la k’u bɛna lafasali kɛ oluw tɔgɔ la. 

A ka ɲi ka o ɲɛmɔgɔbaw ninnu bonya, nka ka delili kɛ u ye walima k’u ka delili ɲini, o ye haramu ba de ye. U sara, ani u tɛ se ka foyi kɛ i ye. Hali kiraw bɛ u ka kaburuw kɔnɔ, u bɛ ɲinikali donba makɔnɔ.

Hali ni haramu don ka suw deli u ka delili kɛ an ye, delilikè mogo wɛrɛ ye hakilina yɛrɛ ye tiɲɛ ye. Nka, jɔn ka delili mogo wɛrɛ ye ka di Ala ye? A ka kan ka kɛ mɔgɔ ye min bɛ 

1. Ɲɛnamaya la (k’a masɔrɔ suw tɛ se ka kuma an tɔgɔ la). 

2. Jurumu tɛ min na (k’a masɔrɔ mɔgɔ min jalakilen don sariya fɛ, o tɛ se ka mɔgɔw wɛrɛw lafasa).

Jɔn bɛ se ka o jogolaɲinilenw ninu dafa? Mɔgɔ wɛrɛ tɛ yen ni Yesu Krisita kanulen tɛ, min bɛ wele fana ko Isa al-Masih, min ɲɛnama don sankolo la ani min saniyalen don haali. 

Miiri k’a filɛ ni la — yala mɔgɔ wɛrɛ bɛ yen min bɛ se k’a fɔ ko jurumu tɛ ale la wa? Adama ye jiriden konlen dun; Nuhun (Nuh) ye dɔlɔ min ni diwɛn ye; Ibrahima (Ibrahim) ye nkalon tigɛ; Musa ye cɛ dɔ faga; Dawuda (Dawud) ye cɛ wɛrɛ muso sonya. I tɛna kira kelen sɔrɔ min ma fili kelen kɛ abada walima min ma delili kè ka yafa ɲini.

Nka Yesu Krisita ma jurumu si kɛ abada. A yɛrɛ y’a fɔ ko: “Ne cibaga bɛ ne fɛ... k’a masɔrɔ ne bɛ fɛn minnu ka di ye, ne bɛ olu kɛ tuma bɛɛ” (Ka bɔ Kibaru Dumanw kɔnɔ, minnu bɛ wele fana ko Injeel, Yuhana 8:29). 

Ka taga Kiritigɛ la ni Hɛrɛ ye

Yesu Krisita ɲɛnama don sankolo la ani jurumu tɛ a la fewu. A labɛnnen don ka ne ni aw lafasa. Wa a bɛ segin ka na sɔɔni doron.

Ni a bɛ segin ka na siɲɛ filanan na, o kɔrɔ ye ko Yesu Krisita de ye kira laban ye. Ɔwɔ, wa a ka girin ni kira ye — a ye an ka Lafasalikɛla ye, an ka Matigi ani an ka Hɛrɛ ye Jatebɔ don na. A y’a fɔ an ye ko: “Tiɲɛ na ni mɔgɔ dɔ bɛ ne ka kuma labato, a tɛna saya ye abada” (Kibaru Dumanw, Yuhana 8:51). 

Yesu ma sa; a ɲɛnamalen don dɛ! Wa a b’a ka sigida wala jɛkulu jo dugukolo kan hali sisan. Tuma dɔw la, a bɛ mɔgɔw wele ka na a ka sigida la, a kɛtɔ k’a yɛrɛ jira suko la i n’a fɔ cɛ min bɛ fini jɛman don walima ka kabakow di an ma n’an bɛ Ala deli a tɔgɔ la. 

Yala aw b’a fɛ ka hɛrɛ sɔrɔ Jatebɔ don na wa? I ka dannaya fɔ Yesu Krisita la. Mun na anw makan k’anw jigi da mɔgɔ salenw kan, minnu t’a dɔn u bɛna kɛ cogo min na Jatebɔ don na? Yesu dalen b’a la ko a jɔyɔrɔ bɛ sankolo la. I n’a fɔ ne ka terikɛ lafasaba min bɛ kiritigɛso la, a bɛna an dɛmɛ.

N’a sɔrɔ i b’i yɛrɛ ɲininka ni dabalibanko fɛn dɔ bɛ se ka kɛ tiɲɛ ye. Yesu Krisita ko: “Ni aw ye fɛn dɔ deli ne tɔgɔ la, ne na o kɛ” (Kibaru Dumanw, Yuhana 14:14). Aw ye sɛgɛsɛgɛli kɛ walasa k’a dɔn ni ne bɛ min fɔ aw ye, ni o ye tiɲɛ ye. Ni Yesu fanga ka bon fo a bɛ se ka ɲɛnamaya kɔnɔko kɔrɔtɔlenw kunbɛn sisan, o tuma na, siga t’a la ko danaya bɛ se ka da a kan ko a bɛna kɛ anw lafasabaga ye. Ala deli Yesu tɔgɔ la ni dusukun jɛlen ye, ka a lajɛ min bɛ kɛ. Aw bɛ se ka delili kɛ tan ko:

Oh Matigi, ne b’a fɛ k’a dɔn ni Yesu de ye tiɲɛ na I ye mɔgɔ min sigi ka kɛ an ka lafasalikɛla ye kiritigɛ la. Ni o de ye tiɲɛ ye, I ka ne ka delili jaabi ni kow la (aw ka mago don yan). Ne bɛ I deli o kola Yesu Krisita togola la. Amiina.

N’i b’a fɛ ka kunnafoni wɛrɛw sɔrɔ Yesu Krisita nɔfɛtaamacogo kan, i ka kuma an fɛ kunnafoni min bɛ nin sɛbɛn in kɔfɛ.