Raod Bʋʋdã Taoore

Yi-beoog a yembre, mam yiime n na n tɩ zĩnd tigĩng sẽn taar yõod pʋga. Wakata ra loogame tɩ mam da zotẽ n yɩɩd tõoga sẽn sakdã. Kẽnda pʋɩ-sʋka, poliis naab a ye wa n yeela maam tɩ m tɩ sak bool polɩɩsã roogẽ! Mam sũura da sãama wʋsg bõe yĩnga mam bãngame tɩ mam da beegame.

Poliisa naab sẽn sɩng n na n ges mam beegrã yella bala, a talla mam zu-loɛɛgã n kẽng soolmã bʋ-kaoodbã taoore. Beene, mam mika mam zoa sẽn da yaa sõangda tɩ nasaar dãmb boond tɩ avoka. A sẽn yã maamã, lingalame. Mam sẽn dɩk m yellã n togsa wã, a yeelame, “Da sãam-f sũur ye. Mam na n gesa fo zu-loɛɛga yelle.” Mam sũur yɩɩ noogo. Mam meng zoa n na n yɩ mam sõangda!

Mam zoa-wã sẽ kẽ n na n sõng maama yĩnga, bʋ-kaoodã kõo maam sɩbgr sẽn yaa faasẽnga. Mam yii bʋʋda roogẽ ne Wẽnnaam pẽgre.

Fo sã n yas dũni ka bʋkaood taoore, yaa rabeem tɛkẽ. La yãwã ka tar makr zĩiga ne tɩ yals wẽnnaam taoore bʋ-kao kasẽngã daare. Daar kõng sãn da na n ya rũndã, yãmb sɛgl n sɛɛme?

Sɛglogo Bʋʋda Yĩnga

Neb kẽer rɩkda bʋʋda sẽn wata yaal-yaale. Bãmb yũuda rãam, sigaare, n wẽed tɛntɛɛga, n kẽed yʋng saoga, la get film yoodo. Bãmb tõe n miimi ti yɛlla woto fãa gʋls n bĩnga tẽegr sebrã pʋga, la a Sutãan (b sẽn le boond t›a Shaytan) pila bãmb ne-a belgrã. Bãmb maanda b toog-kay.

Neba kẽer me vɩɩ dabeem kasẽng pʋga. Bãmb ka reemd n viig pʋʋsg ye. Bãmb tagsda yaooga pʋg toogo walla bug-tẽng bugmã yell n yĩmd Wẽnnaam nonglõmã la b somblomã.

A wa mam sẽn tall sõangd bʋ-kaoorã pʋgã, Wẽnnaam sɛgla sõangd tõnd yĩnga sẽn na n sõng tõnd tɩ d põs bʋʋdã pʋga. Yãmb ka na n yɩ y yembr ye!

Yaa Ana la Tõnd Sõangda?

D sãn gomd sõangd yelle ka bũmb sen yaa paalg ye. Yʋʋmd fãa, neb tusa kẽndame n get wẽnd-naandse Afrik du Nord, Yaang Tẽmsa, la Azi. Neb wʋsg pʋʋsda taoor dãmb yaadẽ, n tẽeda tɩ b na n yõka sɛɛg bãmb yĩnga.

A yaa soãma tɩ waoog taoor-dãmbã, la tɩ puʋs bãmb wall kos bãmb sɛ-yõkr yaa haraam meng-menga. Bãmb kiimi n ka le tõe n maan baa fɩ yãmb ying ye. Baa norɛesdbã meng bee bãmb yaadã pʋsẽ n gũud vʋʋgr daare.

Baa tɩ sãn yaa haraam tɩ kos kiidba tɩ yõk sɛɛg tõnd yĩnga, sɛ-yõkrã meng yaa sɩda. La yaa ãna soab sɛ-yõkr n tat Wẽnnaam yam? A sɛgd n yɩ a soab sẽn yaa

1. Vɩɩga (bõe yĩnga kiidbã ka tõe n gom tõnd yĩng ye).

2. Ka mi yel-wẽna (bõe yĩnga a soab ninga sẽn tar tõoga beegre ka tõe n sõng a taab ye).

Ana n tõe n pids bõn-kãesa? Ned a to kabe sãn ka tõ̀nd nõnglõm soab a Zezi Kiris, b sẽn boond t’a Isa al-Masih, sẽn vɩ saasẽ n yaa yɩlemd zãngã.

Tags-y a yelle-ned a to n bee sẽn tõe yeel tɩ yẽ ka mi yel-wẽna? A Adam rɩɩ tɩɩga sẽn gɩdgã bila; a Nowe (Nu) yũ rãam; A Abraham (Ibrahim) yaga zĩri; a Moyiiz (Musa) kʋʋ dawa, a Davɩɩd (Dawud) rɩka ned-a to paga. Yãmb kõn tolẽ n yã norɛɛs baa-a yen sẽn ka tolẽn beeg wall a ka tolẽ n kos sugr ye.

La Zezi Kiris ka tol n maan yel-wẽnd ye. Bãmb meng yeelame, “Sẽn tʋm-a maamã bee ne maam. . . . bala, mam sẽn maan bũmb ninsã tata bãmb yam daar fãa.” (Koe-Nooda, b sẽn boond tɩ Injeel pʋga, Zã 8. 29).

Bʋʋdã Sɛgb ne Laafɩ

A Zezi Kiris vɩɩ saasẽ la bãmb ka tar yel-wẽn ye. Bãmb rat n sõng a maam la yãmba. La bãmb na n leb n waame.

Sãn yaa ti bãmb na n lebg n wa yiibẽ n soaba, dat n yeelame tɩ a Zezi Kiris yaa yaolõm norɛɛsa. N ye, pa norɛɛs bal ye—bãmb yaa tõnd Sõangda, Zu-Soaba, la Laafɩ Bʋʋdã Daare. B yeela tõnd, “sẽn yɩɩda. . . ned sãn sak mam goamã, a kõn tol n ki abada ye” (Zã 8. 51).

A Zezi ka ki ye, b vɩɩme! La bãmb meta b soolmã dũniyã zug baa masã. Naoor kẽ̀ere bãmb tũnigda zãmsd n vẽnegd b mẽng wa rao sẽn yelg fũ-pɛlga n boond nebã bãmb soolmã pʋga wall b kõt tõnd bõn-bãna tõnd sãn wa pʋʋsdẽ.

Yãmb dat n paama laafɩ bʋʋda daar bɩ? Bɩ y yaag y noor n togs tɩ yãmb tẽeda a Zezi Kiris. Bõe tɩ tõnd na n dɩk tõnd teegre n ning kiidba zutu n yaol n ka mi bãmb sẽn na n maaneg Bʋʋda Daare? A Zezi mii vẽenga tɩ b tara zĩig saasẽ. A wa mam zoa wa sẽn yɩ mam soãngd bʋʋdã roogẽwã, b na n sõnga tõndo.

Tõe tɩ yãmb sokda y mense tɩ bõn-neer a woto sã n tõe n yɩ sɩda. A Zezi Kiris yeelame, “Yãmb sãn kos maam bũmb ne mam yʋʋre, mam na n maaname.” (Koe-Noodã, Zã 14.14). Bɩ vaees n ges mam sẽ n yet yãmba sã n yaa sɩda. A Zezi sãn tara pãng tɩ sek masã zamaana yel-paksawã manegre, dẽ tõnd tõe n teega bãmb wa tõnd sõngda. Bɩ y pʋʋs Wẽnnaam ne a Zezi yʋʋre ne pʋ-peelõm la y na yã bũmb ning sẽn na n maane. Yãmb tõe n pʋʋsame:

Oh Zu-Soaba, mam nongẽ n bãngame a Zezi sãn sɩd ya a soab ninga yãmb sẽn yãk tɩ yɩ tõnd sõngd bʋʋdã pʋga. Sãn yaa sɩda, bɩ y leok mam pʋʋsgã (paas-y yãmb bõn-daabã ka). Mam kota woto ne-a Zezi Kiris yʋʋre. Amina.

Yãmb sãn dat n bãng n paas sẽn kẽed ne sẽ n sɛgd n tù a Zezi Kiris toto, bɩ paam tõkr ne tõnd kibaya kɩsog zĩiga sẽn be sebra kudigẽ wã.