Ulac Tugdi deg Lḥisab

Yiwet n tṣebḥit, ffɣeɣ-d seg texxamt-iw deg usensu akken ad tt-ḥedṛeɣ yiwet n timlilit yesɛan azal. Ɛeṭṭleɣ, dɣa nehṛeɣ s tɣawla—s lemɣawla ugar talast n tazzla i yeţţuserreḥen s-yis deg webrid. Deg tlemmast n webrid-iw, yeḥbes-iyi-d yiwen umsaltu, yenna-yi-d ilaq ad ruḥeɣ ɣer uxxam n temsulta! Tqellqeɣ aṭas yerna ur zmireɣ ad xedmeɣ kra imi ẓriɣ belli d nekk ay iḍelmen. 

Imi yeldi amsaltu n temsulta akaram i temsalt-iw, uwyen-iyi ɣer uxxam n cerraɛ i ɣ-iqeṛben akken ad yeḥakmen. Dinna, mlaleɣ yiwen umeddakel-iw yellan d abugaṭu. Yewhem mi yi-d-iwala. Mi t-d-sfehmeɣ amek i d-teḍra yid-i, yenna-yi-d: “ur ttqelliq ara. Ad d-lhuɣ d temsalt-ik.” Ferḥeɣ aṭas. Ameddakel-iw ad yili d abugaṭu-iw!

Imi d amdakel-iw i d-igren iman-is akken ad yli d abugaṭu-iw, deɣa anezraf yessufeɣ- ed ad xellṣeɣ tafgurt tamecṭuḥt. Ffɣeɣ-d seg uxxam n ccṛeɛ, ttḥemmideɣ Ṛebbi.

D ayen yessexlaɛen ma nbeddeḍ zdat n unezraf n ddunit. Lameεna, aya d walu ma nquren-itt ɣer ubeddeḍ zdat n Yillu deg wass ameqran n lḥisab. Lemmer ad d-yas ass-nni azekka, ad tiliḍ twejdeḍ?

Aheggi i lḥisab

Kra n yemḍanen ur cliεen ara deg lḥisab i d-iteddun. Tessen cerrab, ttkeyyifen, ttqemmiṛen, ttruḥun ɣer ttbernat, ttwalin yar tividiyutin. Ahat ẓran belli tiɣawsiwin-agi ttwarunt deg udlis n uɣber, lamaɛna iɣuriten Cciṭan. Ur cliεen ara.

Lɛibad nniḍen ttraǧun s lexuf d amuqqran. Ttagaden ad zeglen ula d yiwet n tẓallit. Ttxemimen ɣef lɛiqab n uẓekka neɣ ɣef tmes n ǧahennama armi ţţun tayri d leḥmala n Yillu. 

Maca am akken lliɣ sεiɣ avugaṭu deg uxxam n ccṛeɛ, Rebbi yefka-d avugaṭu ara ɣ-iεewnen ad nεeddi di lḥisab. Ur k-terri ara tmara ad teqqimeḍ weḥd-k!

Anwa i d avugaṭu-nneɣ?

Tikti-yagi n uvugaṭu mačči d tamaynut. Yal aseggas, d luluf n imḥujjen i yerzzun ɣer lmqamat deg Tefriqt Ugafa, Cerq Almas, akk-d Asya. Aṭas n medden i yettẓallan deg iẓekwan n yimḍebbren imeqranen, imi umnen d akken ad ten-id-cafɛen. 

D ayen yelhan ma neţqadaṛ imḍebbren-agi imeqranen, lamaɛna ad asen-ţẓalla neɣ ad asen-nessuter ad ɣ-cafɛen, aya d lheram. Mmuten yerna ur zmiren ad k-d-xedmen acemma. Ula d lanbeyya atni-d deg iẓekwan-nsen, ttrajun ass n ḥeggu.

Ɣas akken d lheram ad nessuter i lmegtin ad d-cafɛen fell-aneɣ, tikti-nni n cafeɛa s timmad-is d tin tṣeḥḥa. Lameεna, anwa win akken cafeɛa -s tettwaqbel ɣur Ṛebbi? Ilaq ad yili d win 

1. Yeddren (axaṭar lmegtin ur zmiren ara ad hedṛen deg wemkan- nneɣ). 

2. Leɛmeṛ yednib (axaṭar win i d-teḥkem fellas ccariɛa ur yezmir ara ad idafeɛ ɣef wiyaḍ).

Anwa i yessawḍen ad yili akka? Ulac wayeḍ anagar Lmasiḥ ɛzizen, i yettwasnen daɣen s yisem n Isa al-Masih, win yeddren deg igenni yerna zeddig. 

Xemmem kan—yella ḥedd nniḍen i izemren ad d-yini dakken ur yeɣli ara di ddnub? Adem yečča si lfakya- nni yeţţuḥeṛṛmen, Nuḥ yeskeṛ, Ibṛahim yeskaddeb, Musa yenɣa yiwen, Dawed yuker tameṭṭut n wergaz niḍen. Ur ţafeḍ ara akk nnbi werǧin yeɣleḍ neɣ werǧin yessuter ssmaḥ.

Maca Σisa Lmasiḥ werǧin yexdem ddnub. D netta s yiman-is i d-yennan, “Win i yi-d-iceggɛen yella yid-i…imi dayem xeddmeɣ lebɣi-s” (Linǧil, Yuḥenna 8:29). 

Aţ- ţqableḍ ass n lḥisab s Talwit

Σisa Lmasiḥ yedder deg igenni yerna ur yesεi ddnub maḍi. Yewjed akken ad iḥud fell-i d fell-ak. Yerna ur yettεeṭṭil ara ad d-yuɣal.

Ma yella ad d-yuɣal tikelt tis snat, ihi d Ɛisa Lmasiḥ i d nnbi aneggaru. Ih, yerna akteṛ n nnbi—d Amecafeε-nneɣ, d Ssid-nneɣ, d talwit deg wass n lḥisab. Yenna-yaɣ-d, “A wen-iniɣ tideț...win iḥerzen awal-iw ur yețmețțat ara maḍi” (Linǧil, Yuḥenna 8:51). 

Sidna Σisa ur yemmut ara, d win yeddren! Yerna atan la ibennu tajmaɛt-is ɣef lqaεa ula d tura. Yettɛerreḍ-d medden ɣer tajmaɛt-is anda tikwal yeţban-asen-d deg targit am akken d argaz yelsan llebsa tamellalt, neɣ s lbeṛhanat i ɣ-d-yettak m’ara neẓẓall i Ṛebbi s yisem-is. 

Tebɣiḍ ad tesɛuḍ talwit deg wass n uḥaseb? Sbeggen-d ɛinani belli tumneḍ s Σisa Lmasiḥ. Iwacu ara nettkel ɣef wid yemmuten yerna ur ẓrin ara d acu ara d-yeḍrun deg wass n leḥsab? Sidna Σisa yeẓra amkan-is deg igenni. Am umeddakel-iw abugaṭu deg uxxam n ccṛeɛ, ad ɣ-iεawen.

Ahat teqqareḍ iman-ik ma tezmer ad tili d tidet tɣawsa-agi igerrzen akka. Sidna Ɛisa yenna-d: “ma tessutrem kra s yisem-iw a t-xedmeɣ” (Yuḥenna 14:14). Nadi ad teẓṛeḍ ma yella ayen i k-d-qqareɣ d tidet. Ma yella Σisa yesεa tazmert swayes ara d-yerr ɣef tɣawsiwin tuɛjilin n tudert tura kan, ihi nezmer ad nettkel fell-as akken ad yili d abugaṭu-nneɣ. Ẓẓall i Ṛebbi s wul yeṣfan s yisem n Σisa Lmasiḥ, ad twaliḍ d acu ara d-yeḍrun. Tzemreḍ  ad teẓẓalleḍ:

A Sidi, bɣiɣ ad ẓreɣ ma d tidet d Σisa Lmasiḥ i d-tefkiḍ ad yili d amecafeε-nneɣ deg lḥisab. Ma d tidet, di leɛnaya-k, Err-iyi-d i tẓallit-iw ɣef (aru-d ayen teḥwaǧeḍ da). S yisem n Σisa Lmasiḥ i k-d-ssutreɣ ayagi. Amin.

Ma tebɣiḍ ad tissineḍ ugar ɣef wamek ara d-tḍefreḍ Ɛisa Lmasiḥ, aru-yaɣ-d ɣer isallen-agi yellan deffir n lkaɣeḍ-a.