Ewnaandu ngam Eggineeki

Abdul-Malek laatino ndottiijo comɗo. Ɓaawo debbo e ɓikkon maako maaynaama, o doggi Irak ngam daɗingo hoore maako diga ISIS. Jonta o jooɗi feere maako haa lesdi Jordaniya bana egginaaɗo.

Ammaa ton woodino jaynirka tammunde. O woodino derɗiiko haa Kanada, mo walli mo heɓgo kuugal. Estaaɗo, o ƴami ɗereewol jahaŋgal e fuɗɗi hoyɗugo dow joonde dawla. Haa ragare, ɓaawo ndenki bakin duuɓiiji ɗuuɗɗi,, ɓe njarfi mo nastugo haa Kanada. Abdul-Malek ɗonno welwito!

Ammaa seyo maako rammiti. Ɓaawo yottaago haa Kanada, o tawi joonde ɓaawo eggititki hooyaay. Kuugal maako ƴami sey o dara dow kosɗe nyalomaare fuu. Keeddiɗiraaɓe maako ɗono wolwa bee sawtu. A faamataa tarugo nder wuro bee taksi-–e koo ɗum wolde ingilisre! 

Abdul-Malek hoyɗi no foroy yahugo haa babal jey ɓuri wooɗugo, ammaa nde o yotti, o tawi ɓernde maako ɗon naawa non. O fuɗɗi sinkugo dow ko o maati teema hiɓɓoto koo haa nokkure toy fuu dow lesdi–malla to o mari haaje reenugo haa dukki Aljanna!

Eggititki haa Aljanna

On meeɗi maatugo bana Abdul-Malek naa? Suuno jey joonde welnde ɗon aawi nder ɓernde neɗɗo e waawan hiɓɓaago sey gal nastugo Aljanna, saare meeɗen gooŋgaare. E ɗum laati haaje jey hiɓɓoto yeeso ɗo! Alaamaaji wakkati ɗon jooɗo yeeso meeɗen, e duniyaaru ndu’u ɓadi bee timmode.

Diga duuɓi temeɗɗeeji, defte diinaaji Yahuudu’en, Masiihiŋko’en, Islaama’en fuu anndini wahayu—yo’o yereere maajum laatan yaake en “eggan” diga duniyaaru ndu’u haa waranndu. Nuɗɗinkiiji tati ɗi fuu ɗon kolla Kisnoowo - goɗɗo mo laatan kaliifaajo kiɓɓinki kuuje ragareeje ɗe›e fuu.  

Wooɗi, Kisnoowo oo nder Masihiŋkeeku e Islaama laati Yeesu Almasiihu, (Isa al-Masih). Kanko wonino Almasiihu yaake o yeeɗi haa Palestina, ammaa o ɗon yeeɗa haa Aljanna diga duuɓiiji 2000 caliiɗi. O loroto haa nyalaade ragareere jey kiita. 

Gartuki Yeesu Almasiihu ɗon winndi nde ɗuɗɗum nder Deftere Allah, ammaa julɓe Islaama nuɗɗini yo’o o loroto fahin boo, ngam ɗum ɗon winndi haa Alkur’aana: “E (Yeesu) laatoto Alaama (ngam wartol jey) Saa’ii (kiita): kadi taa mare ngaaba dow (Saa’ii), ammaa tokke am: ɗum laati Laawol Darnuŋgol” (Az-Zuhkruf 43:61).

Non bana Soojeejo eggititki ɗon hokka tinndinoore kandunde dow noy heɓugo ɗereewol jahaŋgal haa lesdi janan, Yeesu Almasiihu ɗon ewna en ngam hakkilango Alaama Maako ngam haa en keɓta Laawol Darnungol yarangol Aljanna. 

Yeesu Wi’i Aljanna Nanndi Ɗume?

Ɗon winndi nder Defte Linjiila, anndaaɗe bana Injeel, Yeesu Almasiihu wi’i: “Mi yahan mi taaskitinana on joonde... To mi dilli, mi taaskitinani on joonde, mi loroto e mi hoo’a on, mi yahra on haa am, ngam haa on ngona haa gonmi.” (Linjiilaaji, Yuhanna 14:2-3). Yeesu Almasiihu ɗon wi’a yo’o o waawan hoo’ugo en haa Aljanna! 

O holli boo yiide jey pellel nge’el. O wi’i yo’o

• Waade, suno, bojji, malla bone walaa haa ton fahin (Wahayu Yuhanna 21:4).

• En maran cuuɗi booɗɗi (Yuhanna 14:2).

• Worɓe e rewɓe fuu keɓan daraja e jarfuuji potanɗi (Galaatiya’en 3:28).

• Ngel heewi bee annoora, adilaaku, e welwelo (Wahayu Yuhanna 21:21-25).

Bee gooŋga, ɗo woni nokkure nde’e ɓerɗe meeɗen ɗon ndeeni! 

Ngam Ɗume Yeesu Almasiihu ɗon Loorto nde Ɗiɗawre

Ammaa Allah neli annabo’en ɗuuɗɓe e nelaaɓe ceniiɓe. Ngam ɗume Yeesu suɓi wartugo nde ɗiɗawre? Ƴamol ngo’ol koyngol jaabeego bee sappinol eggititki ngo’ol. Ngam heɓugo ɗereewol ngol jarfata nastugo lesdi janan laataay koyɗum, yimɓe ɗuɗɓe ɗon njoɓa annduɗo dooka, mo anndi laawol. To en ngoodi ɗowanteeɗo, en mbaawan hoolugo mo ngam wallugo en.

Non, Yeesu Almasiihu woni feere mum mo waŋgan nde ɗiɗawre ngam o anndi laawol Aljanna e o waawan ɗowugo en haa ton. Kanko bee hoore maako wi’i: “Min woni laawol e gooŋga e ngeenɗam” (Yuhanna 14:6).

Kala annabiijo e nelaaɗo gal Allah waɗi aybe e tefan yafuuye. Ammaa naa Yeesu Almasiihu. O waɗaay hakke nder ɗuuɓi 33 o waɗno haa dow lesdi. Ngam maajum o ho’amaa law haa Aljanna. 

Hani en ekkita noy jaabugo sarɗuuji ngam nastugo Aljanna haa Yeesu Almasiihu, feere maako tan walaa hake. Sey nder laawol ngo’ol tan en mbaawan heɓugo nastugo. Bee yettore, en mbaawan ekkitugo diga Deftere maako, Deftere Allah. 

Taskugo ngam Garoyki jey Yeesu Almasiihu

Naa ɗum belɗum marugo tammunde yo’o on waawan eggugo haa pellel ɓuri wooɗugo naa? 

On laati ewnaaɓe laatugo ɓiɓɓe jey laamu Allah teddungu nder Aljanna! 

Nii seɗɗa Yeesu Almasiihu loroto ngam yahrugo en fuu haa nokkure gerdaande nde’e.

Teema yo’o on ɗon tokko yimɓe jey anndaa ma ko tammi yottango ɓe haa nyalaade kiita? Bee Yeesu Almasiihu, on ngalaa ngaaba sam. Ƴamu Allah ngam haa o ɗowe dow Laawol Darnugol jey Yeesu Almasiihu. A foti a tora bana nii:

Ya Jawmiraawo, ɓernde am yenwi nokkure jey ɓuri wooɗugo. Useni hisnam bee yiɗaaɓe am diga caɗeele jey duniyaaru ndu’u. Mi ɗon nuɗɗini wakkati famɗi. Useni ɗowam ngam haa mi nasta nokkure woonde nde a taski ngam am. Aamiina.

To a yiɗi keɓa Linjiilaaji, useni winndan min haa anndinki ki woni haa ɓaawo ɗereewol ngo’ol.