પરદેશગમન (ઈમિગ્રેશન) નું આમંત્રણ

અબ્દુલ-મલેક એક થાકેલા વૃદ્ધ માણસ હતો. પત્ની અને બાળકોને ગુમાવ્યા બાદ તે આઈએસઆઈએસથી બચવા માટે ઈરાક છોડીને ભાગી ગયો હતો. હવે તે શરણાર્થી તરીકે જોર્ડનમાં એકલો રહેતો હતો.

પણ આશાનું એક કિરણ હતું. તેનો એક પિતરાઈ ભાઈ કેનેડામાં રહેતો હતો જેણે તેને રોજગાર મેળવવામાં મદદ કરવાની ઓફર કરી હતી. રોમાંચિત થઈને તેણે વિઝા માટે અરજી કરી અને સરળ જીવનના સપના જોવા લાગ્યો. છેવટે, ઘણા વર્ષોની રાહ જોયા પછી, તેને કેનેડામાં પ્રવેશ આપવામાં આવ્યો. અબ્દુલ-મલેક ઉત્સાહિત હતો!

પરંતુ તેનો આનંદ અલ્પજીવી હતો. કેનેડા પહોંચ્યા પછી, તેણે ખ્યાલ આવ્યો કે પરદેશગમન પછીનું જીવન સરળ નથી. તેના કામે તેને આખો દિવસ ઊભા પગે રાખ્યો. તેના પડોશીઓ ઘોંઘાટિયાં હતા. જાહેર પરિવહનને — અને અંગ્રેજી ભાષાને સમજવું પણ સહેલું ન હતું! 

અબ્દુલ-મલેકે હંમેશા સારી જગ્યાએ જવાનું સપનું જોયું હતું, પરંતુ એકવાર ત્યાં પહોંચ્યા પછી, તેણે જોયું કે તેનું હૃદય હજી પણ પીડાતું હતું. તે વિચારવા લાગ્યો કે શું તેને લાગેલી ઝંખના પૃથ્વી પરના કોઈપણ સ્થાન દ્વારા પૂરી થઈ શકે છે—કે પછી તેણે સ્વર્ગ પહોંચવા સુધી રાહ જોવી પડશે!

સ્વર્ગ સુધીનું પરદેશગમન

શું તમે ક્યારેય અબ્દુલ-મલેક જેવું અનુભવ્યું છે? વધુ સારી જગ્યા માટેની આ ઈચ્છા માનવ હૃદયમાં જડાયેલી હોય છે અને તે આપણા સાચા ઘર, સ્વર્ગમાં પ્રવેશ કરીને જ પરિપૂર્ણ થઈ શકે છે. અને તે એક એવી ઇચ્છા છે જે ટૂંક સમયમાં જ પૂરી થશે! આપણી આંખો સામે કલાકો વીતી રહ્યા છે, અને આ વિશ્વનો ઝડપથી અંત આવી રહ્યો છે.

સદીઓથી, યહૂદીઓ, ખ્રિસ્તીઓ અને મુસ્લિમોના ધાર્મિક પુસ્તકોએ સર્વનાશની આગાહી કરી છે - આબોહવાની એ પરાકાષ્ઠા જ્યારે આપણે આ દુનિયામાંથી બીજામાં “સ્થાનાંતરિત” થઈશું. ત્રણેય ધર્મો એક મસીહા-એક એવી વ્યક્તિ તરફ નિર્દેશ કરે છે જે આ અંતિમ ઘટનાઓની પરાકાષ્ઠા માટે જવાબદાર હશે.    

રસપ્રદ વાત એ છે કે, ખ્રિસ્તી ધર્મ અને ઇસ્લામમાં આ મસીહા-વ્યક્તિ અન્ય કોઈ નહીં પણ ઈસુ ખ્રિસ્ત છે, જેને ઈસા અલ-મસીહ તરીકે પણ ઓળખવામાં આવે છે. જ્યારે તેઓ પેલેસ્ટાઈનમાં રહેતા હતા ત્યારે તેઓ મસીહા હતા, પરંતુ તેઓ છેલ્લા ૨,૦૦૦ વર્ષથી સ્વર્ગમાં રહે છે. તે આખરે ચુકાદાના અંતિમ દિવસે પાછા આવશે. 

બાઇબલમાં ઈસુ ખ્રિસ્તના પુનરાગમનનો પ્રસિદ્ધ રીતે ઉલ્લેખ છે, પરંતુ મુસ્લિમો પણ માને છે કે તે ફરી આવી રહ્યા છે, કારણ કે કુરાનમાં લખેલું છે: “અને નિ:શંક (ઈસા) કયામતની એક નિશાની છે, બસ! તમે (કયામત) વિશે શંકા ન કરો અને મારું અનુસરણ કરો, આ જ સત્ય માર્ગ છે” (અઝ્-ઝુખરુફ ૪૩:૬૧).

જેમ ઇમિગ્રેશન ઓફિસર વિઝા કેવી રીતે મેળવવો તે અંગે મહત્વપૂર્ણ માર્ગદર્શન આપે છે, તેમ ઇસુ ખ્રિસ્ત આપણને તેમના સંકેત પર ધ્યાન આપવા આમંત્રણ આપે છે જેથી આપણે સ્વર્ગનો સીધો માર્ગ જાણી શકીએ. 

સ્વર્ગ કેવું હોય તે વિશે ઈસુએ શું કહ્યું છે?

ઇંજીલ તરીકે પણ ઓળખાતી સુવાર્તાઓમાં નોંધવામાં આવ્યું છે કે ઇસુ ખ્રિસ્તે કહ્યું, “હું તમારા માટે જગ્યાની તૈયારી કરવા જાઉં છું. ત્યાં જઈને તમારા માટે જગ્યાની તૈયારી કર્યા બાદ, હું પાછો આવીશ. પછી હું તમને મારી સાથે લઈ જઈશ. તેથી કરીને હું જ્યાં હોઈશ ત્યાં તમે પણ હશો” (સુવાર્તાઓ, યોહાન ૧૪:૨–૩). ઈસુ ખ્રિસ્ત કહે છે કે તે આપણને સ્વર્ગમાં લઈ જઈ શકે છે!

તેમણે તે સ્થળની કેટલીક સુંદર ઝલક પણ જાહેર કરી. તેમણે કહ્યું કે

• ત્યાં હવે ફરીથી મૃત્યુ, ઉદાસીનત,, રૂદન કે દુ:ખ હશે નહિ (પ્રકટીકરણ ૨૧:૪).

• ત્યાં ઘણાં ઓરડાઓ છે (યોહાન ૧૪:૨).

• પુરુંષ અને સ્ત્રી વચ્ચે કોઈ તફાવત નથી. ખ્રિસ્ત ઈસુમાં બધાં એક સમાન છો (ગલાતીઓને ૩:૨૮).

• તે પ્રકાશ, ન્યાયીપણાં અને આનંદથી ભરેલું છે (પ્રકટીકરણ ૨૧:૨૧–૨૫).

સાચે જ, આ તે જગ્યા છે જેના માટે આપણું હૃદય ઝંખે છે!  

શા માટે ઈસુ ખ્રિસ્ત બીજી વાર આવે છે

પરંતુ ઈશ્વરે ઘણા પ્રબોધકો અને પવિત્ર સંદેશવાહકો મોકલ્યા છે. શા માટે ઈસુ ખ્રિસ્તે બીજી વાર પાછા ફરવાનું પસંદ કર્યું છે? આ પ્રશ્નનો સમાન પરદેશગમનના ચિત્ર સાથે જવાબ આપવો સરળ છે. કારણ કે વિઝા મેળવવું સહેલું નથી, ઘણા લોકો ઇમિગ્રેશન વકીલને હાયર કરે છે, જે રસ્તો જાણે છે. જો આપણી પાસે કોઈ માર્ગદર્શક હોય, તો આપણે તેના પર વિશ્વાસ કરી શકીએ કે તે આપણને મદદ કરશે.

એ જ રીતે, ઈસુ ખ્રિસ્ત એકલા જ છે જે બીજી વાર દેખાય છે કારણ કે તે સ્વર્ગનો માર્ગ જાણે છે અને આપણને ત્યાં લઈ જઈ શકે છે. તેમણે પોતે દાવો કર્યો હતો કે, “હું માર્ગ છું. હું સત્ય છું અને જીવન છું” (યોહાન ૧૪:૬).

ઈશ્વર દ્વારા મોકલવામાં આવેલા દરેક પ્રબોધક અને ખેપિયાએ ભૂલો કરી છે અને તેમણે માફી માંગવી પડી છે. પરંતુ ઈસુ ખ્રિસ્તે નહીં. તેઓ તેમના પૃથ્વી પરના ૩૩ વર્ષના જીવન દરમિયાન પાપ રહિત હતા. આ કારણે તેમને તરત જ સ્વર્ગમાં લઈ જવામાં આવ્યા. 

આપણે એક માત્ર પાપ રહિત ઈસુ ખ્રિસ્ત પાસેથી શીખવું જોઈએ કે સ્વર્ગ માટે પ્રવેશની જરૂરિયાતોને કેવી રીતે પૂરી કરવી. ફક્ત આ રીતે જ આપણે પ્રવેશ માટે સંપૂર્ણ હકારાત્મક રહી શકીએ છીએ. સદ્ભાગ્યે, આપણે તેમના પુસ્તક, બાઇબલમાંથી શીખી શકીએ છીએ. 

ઈસુ ખ્રિસ્તના પુનરાગમનની તૈયારી

શું તે રોમાંચક નથી કે તમે તમારા વધુ સારી જગ્યાએ સ્થળાંતર વિશે ખાતરી કરી શકો? તમને સ્વર્ગમાં ઈશ્વરના ભવ્ય સામ્રાજ્યના નાગરિક બનવા માટે આમંત્રણ આપવામાં આવ્યું છે! જલદી જ ઈસુ ખ્રિસ્ત આપણને બધાને એ સુંદર જગ્યાએ પહોંચાડવા આવશે.

શું એ શક્ય છે કે તમે એવા મનુષ્યોને અનુસરી રહ્યા છો જેઓ પોતે જ નથી જાણતા કે ચુકાદાના દિવસે તેમનું શું થશે?  ઈસુ ખ્રિસ્ત સાથે, તમારે શંકા કરવાની જરૂર નથી. ઈશ્વરને કહો કે તમને ઈસુ ખ્રિસ્તના સીધા માર્ગ પર લઈ જાય. તમે આવી વિનંતી કરી શકો છો:

હે ઈશ્વર, મારું હૃદય વધુ સારી જગ્યા માટે ઝંખે છે. કૃપા કરીને મને અને મારા પ્રિયજનોને આ દુનિયાની મુશ્કેલીઓમાંથી મુક્ત કરો. હું માનું છું કે સમય ઓછો છે. કૃપા કરીને મને માર્ગદર્શન આપો જેથી તમે મારા માટે જે અદ્ભુત જગ્યા તૈયાર કરી છે તેમાં હું પ્રવેશી શકું. આમીન.

જો તમે સુવાર્તાઓની અધિકૃત નકલ મેળવવા માંગતા હો, તો કૃપા કરીને આ કાગળની પાછળની માહિતી પર અમારો સંપર્ક કરો.