Aneɛruḍ ɣer Yinig

Abdul-Malek yella d amɣar yeεyan. Mi temmut tmeṭṭut-is d warraw-is, yerwel si Lεiraq i wakken ad yerwel ɣef Daec. Tura yezdeɣ weḥd-s, d amedduri deg Uṛdun.

Lameɛna yella cwiṭ n ussirem. Yella yesεa yiwen n mmi-s n εemmi-s i gzedɣen deg Kanada yenna-as ad t-iεiwen akken ad d-yaf axeddim. S ccuq, yessuter ad d-yawi lviza, dɣa yebda yettargu s tmɛict isehlen. Ɣer tagara, mbeɛd aṭas n yiseggasen n uraju, fkan-as-d ad yekcem ɣer Kanada. Abdul-Malek yemmut si yefreḥ!

Maca lferḥ-is ur idum ara. Mi yewweḍ ɣer Kanada, yufa belli tudert mbeɛd n yinig ur teshil ara. Terra-t tmara deg uxuddim-is ad yebded ɣef yiḍarren-nnes ass kamel. Lǧiran-is llan xedmen aṭas n lḥess. Issawaḍen iɣerfanen llan uwɛṛen ad ten-yefhm—akken daɣen ula taglizit tella tewεer-s! 

Abdul-Malek si zik yella yessaram ad iruḥ ɣer wemkan yelhan, maca mi yewweḍ, yufa mazal yeţqerriḥ-t wul-is. Yebda yettxemmim ma yella lehna i yettmenni tella deg kra n wemkan di lqaεa—neɣ ilaq-as ad yerǧu alamma d lǧennet kan!

Yinig ɣer Lǧennet

Yella wasmi i tḥusseḍ am Abdul-Malek? Anadi-agi ɣef wemkan ifazen lqayit iẓuran-s deg wul n wemdan yerna yezmer ad yeḍru kan ma nekcem ɣer Lǧennet, axxam-nneɣ n tidet. Yerna d assirem ur yettɛeṭṭlen ara ad yeḍru! Limaṛat n taggara ttbanent-d zdat wallen-nneɣ, yerna ddunit-a la tetteddu s lemɣawla ɣer taggara-s.

D leqrun, idlisen n ddin n Iyahudiyen, n imasiḥiyen, akk-d wid n Yinselmen, Caren-d akk ɣef uweḥḥi—d yixef n taqacuct m’ara “nettinig” seg umaḍal-a ɣer wayeḍ. At teflas-agi i tlata bedren-d ccexṣ n Lmasiḥ ara yilin d amasay ɣef tidyanin ad yeḍrrun deg taggara.

D ayen yessewhamen, ccexṣ n Isεa deg Tmasiḥit akk-d Tineslemt d Σisa Lmasiḥ s timmad- is, i wumi qqaren daɣen Isa al-Masih. D netta i d Lmasiḥ asmi iɛac deg Falisṭin, lamaɛna atan yeţɛici di Lǧennet azal n 2,000 iseggasen aya. Deg tgara, ad d-yuɣal deg wass aneggaru n lḥisab. 

Tuɣalin n Σisa Lmasiḥ teţwabder-d deg Tira Iqedsen, maca inselmen umnen belli d netta ad d-yuɣalen, imi yura deg Lquran: “ad d-yili (Isεa) d limaṛa (i tisin n) taswiεt (n lḥisab): Ihi, ur ilaq ara ad yili ccekk deg-s, lameεna ḍefṛet-iyi-d: wagi d abrid aḥeqqi” (Az-Zukhruf 43:61).

Akken kan yeţţak ufesyan n yinig azal i lewṣayat ɣef wamek a d-tawiḍ lviza, Σisa Lmasiḥ yeṭṭalab-aɣ-d akken ad nerr ddehn-nneɣ ɣer limaṛat-is akken ad nẓer abrid aḥeqqi yettawin ɣer Lǧennet. 

Dacu i d-yenna Σisa ɣef lǧennet?

Di ṛebɛa idlisen, yeţţusemman daɣen Linǧil, Ibder- ed belli Sidna Σisa yenna-d: “Deg wexxam n Baba aṭas n tmezduɣin i gellan, ad ṛuḥeɣ a wen-heggiɣ amkan; lemmer ulac, tili nniɣ-awen-t-id. M’ara wen-heggiɣ amkan, a d uɣaleɣ a kkun-awiɣ yid-i akken anda lliɣ aț-țilim ula d kunwi” (Linǧil, Yuḥenna 14:2 - 3). Sidna Σisa yenna-d yezmer ad ɣ-yawi ɣer lǧennet! 

Ibeggen- ed daɣen kra n tɣawsiwin icebḥen ara yilin deg umkan agi. Yenna-d dakken

1. Ur teṭṭili lmut, ur yeṭṭili leḥzen, ur yeṭṭili umeǧǧed, ur yeṭṭili lqeṛḥ (Aweḥḥi 21:4).

2. Ansɛu ixammen cebḥen (Yuḥenna 14:2).

3. Ulac lxilaf gar yergazen ţ- ţlawin, ad sɛun izerfan n leqder akk-d taɣdemt (At Galasya 3:28).

4. Tččur d tafat, d lḥeqq, akk-d lferḥ (Aweḥḥi 21:21-25).

S tidett, d amkan-agi i d-yeţmenni wul-nneɣ!

Ayɣer ad d-yuɣal Σisa Lmasiḥ tikelt tis snat

Lameεna Ṛebbi iceggeε-d aṭas n lanbeyya akk-d imceggɛen imqeddsen. Ayɣer i yeţwaxtaṛ Σisa Lmasiḥ ad d-yuɣal tikelt tis snat? Yeshel ad d-nerr i usteqsi-ya daken kifkif am lemtel-a n yinig. Imi ur yeshil ara ad d-tawiḍ lviza, aṭas n medden i d-yettaṭṭafen abugaṭu n yinig, win yessnen abrid. Ma nesεa amnir, nezmer ad neţkel fell-as ad ɣ-iεiwen.

Akken daɣen, d Σisa Lmasiḥ kan ad d-yuɣalen tikelt tis snat acku yessen abrid ɣer lǧennet yerna yezmer ad ɣ-yawi ɣer din. Netta s yiman-is yenna-d, “D nekk i d abrid axaṭer d nekk i ț-țideț, d nekk i ț-țudert” (Yuḥenna 14:6).

Yal nnbi d yal amazan i d-iceggeɛ Yillu, yecceḍ yerna yessefk ad d-yessuter ssmaḥ. Lameεna anagar Σisa Lmasiḥ. Ur yexdim ara ddnub deg 33 n yiseggasen-nni ideg yedder di lqaεa. Daymi din din yeţwarfed ɣer lǧennet. 

Ilaq- aɣ a nelmed seg Σisa Lmasiḥ, win leɛmeṛ yednib,amek i nezmer a nessiweḍ a nexdem akk ccuruṭ i ɣ- ilaq akken ad nekcem ɣer Lǧennet. Ala s wakka i nezmer ad netḥeqqen dakken nesεa adaf ad nekcem. Cwi ka, imi nezmer ad nelmed seg wedlis-is, Adlis Iqedsen. 

Aheggi i tuɣalin n Σisa Lmasiḥ

Mačči d ayen yessefṛaḥen imi tzemreḍ a tḥeqqeqeḍ belli tunageḍ ɣer wemkan ifazen? Tettwaεerḍeḍ ad tuɣaleḍ d aɣerman n tgelda n Yillu di lǧennet! Qrib ad d-yas Σisa Lmasiḥ ad ɣ-yawi akk ɣer wemkan-nni yelhan.

Yezmer lḥal teṭṭafareḍ imdanen ur yeẓrin ara d acu ara yeḍrun yid-sen deg wass-nni n lḥisab?  Akk- d Σisa Lmasiḥ, ur k-terri ara tmara ad tcukkleḍ. Suter i Sidi Ṛebbi ad k-id-yawi deg ubrid n Σisa Lmasiḥ. Tzemreḍ ad d-tessutreḍ s tẓallit-agi:

A Sidi Rebbi, ul-iw yecedha ad yili deg wemkan yelhan. Ttxil-k ad iyi-tessellek nekk d wid ḥemmleɣ seg wuguren n ddunit-a. Umneɣ dakken lweqt izerreb. Ttxil-k efk-iyi-d awelleh akken ad kecmeɣ ɣer wemkan-nni icebḥen i yi-d-theggiḍ. Amin.

Tebɣiḍ ad tesɛuḍ tasukint n tidet n Tira Iqedsen, ttxil-k aru-yaɣ-d ɣer isallen-agi yellan deffir n lkaɣeḍ-a.