Иммиграциялық қоныс аударуға шақыру!

Абдул-Малек шаршаған қария еді. Әйелі мен балаларынан айырылған ол ДАИШ-тен (ИГИЛ) құтылу үшін Ирактан қашып кеткен. Енді ол босқын ретінде Иорданияда жалғыз өмір сүрді.

Бірақ оның әлі де әлсіз үміті бар еді. Оның Канадада тұратын немере ағасы болды, ол оған жұмысқа орналасуға көмек ұсынды. Бұған жігерленіп, ол виза алу үшін құжаттар тапсырды және әлдеқайда жеңіл өмірді күтті. Ақыры, бірнеше жыл күткеннен кейін оған Канадаға кіруге рұқсат етілді. Абдул-Малек бақытқа толы болды!

Бірақ оның қуанышы ұзаққа созылмады. Канадаға келген кезде ол иммигранттың өмірі оңай емес екенін түсінді. Жұмысқа байланысты оның бір минутқа да отыруға мүмкіншілігі болмады. Оның өте шулы көршілері болды. Ағылшын тілінің ерекшеліктерін айтпағанда, қоғамдық көліктің ерекшеліктерін түсіну оңай
болған жоқ! 

Абдул-Малек әрқашан жақсы жерде болуды армандады, бірақ мұнда келгеннен кейін де оның жүрегінде тыныштық болмады. Ол жер бетінде өзінің сағынышын орындай ала ма, әлде оған жұмақтың өзін күту керек пе деп ойлай бастады!

Жұмаққа қоныс аудару

Сіз өзінізді қашан да бір Абдул-Малек сияқты сезіндіңіз бе? Жақсы жерге деген ұмтылыс әр адамға терең енгізілген және біз жұмаққа, шынайы үйімізге кірген кезде ғана оны қанағаттандыра аламыз. Және бұл ұмтылыс жақында орындалады! Біздің көз алдымызда соңғы уақыттың белгілері орындалып жатыр, бұл дүниенің ақыры жылдам келе жатыр.

Ғасырлар бойы еврейлердің, мәсіхшілердің және мұсылмандардың діни кітаптары ақырзаманның келуін, яғни біз осы дүниеден болашақ әлемге «қоныс аудару» шарықтау шегін болжап келеді. Үш дін де осы соңғы оқиғалардың дамуының соңғы кезеңінде шешуші рөл атқаратын Мәсіхтің бейнесін көрсетеді.  

Бір қызығы, мәсіхшілдік пен исламдағы Мәсіхтің бұл бейнесі Иса Мәсіхтен (Иса аль-Масих деп те аталатын) басқа ешкім емес. Ол Палестинада өмір сүрген кезде Мәсіх болған, бірақ соңғы 2000 жыл бойы жұмақта өмір сүріп келеді. Ақыр соңында, ол соңғы Қиямет күні Жерге оралады. 

Иса Мәсіхтің оралуы Киелі кітапта жиі айтылады, бірақ мұсылмандар оның қайтадан келетініне сенеді, өйткені Құранда: “Күдіксіз (Ғиса Ғ.С.) қиямет мезгілінің белгісі. Сондықтан оған күдіктенбей Маған еріңдер. Міне осы тура жол” - деп жазылған болатын (Зухруф сүресі 43:61).

Виза алу үшін маңызды нұсқаулар беретін иммиграциялық қызметкер сияқты, Иса Мәсіх бізді жұмаққа апаратын тура жолды білу үшін Оның белгісіне назар аударуға шақырады. 

Исаның айтуынша, жұмақ неге ұқсайды?

Інжілде Иса Мәсіхтің сөздері жазылған: “Енді сол жерден сендер үшін орын дайындауға бара жатырмын. Барып, дайындап болғаннан кейін қайтып келіп, Өзім болатын жерде сендерді де болсын деп қасыма алып кетемін” (Інжіл, Жохан 14:2-3). Иса Мәсіх бізді жұмаққа апара алатынын айтады! 

Ол осынау әсем жердің кейбір ерекшеліктерін сипаттай отырып, бізге пердені аздап ашып берді. Ол

• Енді қайтып өлім, жоқтау, зар еңіреу мен ауру болмайды (Аян 21:4).

• Бізде әдемі үйлер болады (Жохан 14:2).

• Ерлер де, әйелдер де тең қадір-қасиет пен құқықтарға ие болады (Ғалаттықтарға 3:28).

• Бұл жер нұрға, әділдікке және бақытқа толы (Аян 21:21–25) - деп айтты.

Расында да, бұл біздің жүрегіміз аңсайтын жер! 

Неліктен Иса Мәсіх екінші рет келуі керек

Бірақ Құдай қазірдің өзінде көптеген пайғамбарлар мен қасиетті хабаршыларды жіберді. Неліктен екінші рет қайта оралу үшін Иса Мәсіх таңдалды? Бұл сұраққа иммиграция туралы бірдей сипаттама арқылы жауап беру оңай. Виза алу оңай емес болғандықтан, көптеген адамдар барлық кірістер мен шығыстарды білетін иммиграциялық заңгерді жалдайды. Егер біздің осындай жол көрсетушіміз болса, оның бізге көмектесетініне сене аламыз.

Сол сияқты, Иса Мәсіх нағыз екінші рет келетін жалғыз жан, өйткені ол жұмаққа апаратын жолды біледі және бізді сонда жетелей алады. Оның өзі: “Жол, шындық және шынайы өмір Менмін”, - деді (Жохан 14:6).

Құдай жіберген әрбір пайғамбар мен хабаршы жіберген қателіктері үшін, кешірім іздеу керек еді. Бірақ Иса Мәсіх емес. Ол жердегі өмірінің 33 жылын күнәсіз өткізді. Сондықтан Ол бірден жұмаққа алынды. 

Біз күнәсіз жалғыз Иса Мәсіхтен жұмақ талаптарын қалай орындау екендігін үйренуіміз керек. Тек осылай ғана біз оған жететінімізге толық сенімді бола аламыз. Бақытымызға орай, Біз Оның кітабынан, Киелі кітаптан үйрене аламыз. 

Иса Мәсіхтің оралуына дайындық

Жақсырақ жерге қоныс аударуыңызға сенімді бола алатыныңыз керемет емес пе? Сіз жұмақтағы Құдайдың даңқты патшалығының азаматы болу үшін шақырылып отырсыз! Жақында Иса Мәсіх бәрімізді осы керемет жерге апару үшін келеді.

Бүгін Қиямет күнінде не боларын өздері де білмейтін пенделердің соңынан еріп жүруіңіз мүмкін бе? Иса Мәсіхпен бірге сізге күмәнданудың қажеті жоқ. Құдайдан Иса Мәсіхтің тікелей жолымен сізді жетелеп жүргізуін сұраңыз. Сіз осындай өтініш жасау арқылы Құдіреті шексіз Құдайға жүгіне аласыз:

Ием, жүрегім жақсы жерді аңсайды. Өтінемін, мені және менің жақындарымды осы әлемнің қиындықтарынан құтқара көрші. Мен уақыттың аз қалғанына сенемін. Өтінемін, маған дайындаған керемет жерге кіру үшін бағыт-бағдар берші. Аумин.

Егер сіз Інжілдің шынайы көшірмесін алғыңыз келсе, кітапшаның артқы жағында көрсетілген байланыстар арқылы бізге хабарласыңыз.