परम मुक्ति

गंगा नदिया के तीर मं अंतिम संस्कार के बेरा मं, पुजारी हर मरे म‌इनखे के आत्मा के बारे मं बताथे कि कैसे आत्मा हर एक शरीर ल छोड़ के दुसरा शरीर मं चलत जात रहिथे अंतिम पड़ाव मोक्ष प्राप्ति तक। भीड़ मं एक छोटा बच्चा हर बड़े ध्यान से मन लगाके सुनत रहिसे। ओहर बगल वाला के तरफ अचानक मुड़के पुछथे, «ए हर कब सिराही?»

ओकर सवाल सुनके बहुत कोई आश्चर्य मं पड़गे। हमन ल अउ कै बार जनम अउर दोबारा जनम ले बर पड़ही ताकि हमन ए पीरा के चक्कर से बाहर निकल सकबो? ये सवाल ल बहुत बार पूछे जा चुके हे लेकिन अभी तक कोई विशेष जवाब नि मिले हे।

जनम के परिकरमा, में मरना अउर कष्ट पाना हर ए धरती मं स्वाभाविक बात माने जाथे। लेकिन ये संसार से अलग, एक अउर जगह हे जोन मेर परमेश्वर हर बिराजे हावय, ओ जगह मं किसी परकार के दुःख दयि परिकरमा नयि हे- केवल कभी खतम न होने वाला आनंद ही आनंद हे। धन्यवाद हो, ऐसन कोई जरूरी नयि हे कि हजारों बार मरना अउर दोबारा जनम ले बर पड़ही ताकि हमन ए पीरा अउर कठिनाई से छुटकारा पा सकी आप मन ल मैं एक ठन बहुत ही जबरदस्त चीज़ बताहूं।

हमेशा बर दुःख से बचना हे!

बहुत साल पहले, प्रभु यीशु मानुष बन के येहि दुनिया मं आए रहिसे। ओहर बीमारहा मन ल बढ़ीया कर दिस अउर बहुत कन आश्चर्य काम करिस। ओहर विशेष स्थान के बारे मं सीखात रहिसे जोन ल कहा जाथे «स्वर्ग के राज्य» ओहर कहिस स्वर्ग हर ओ जगह होथे जोन मेर कोई बीमारी नयि हे, किसी परकार के पीड़ा नयि हे, अउर दोबारा जनम के जरुरत भी नयि हे। हर एक झन ओ सुंदर जगह मं हमेशा बर रह सका थे।

प्रभु यीशु हर ओ अतिसुंदर राज्य के बारे मं बताये हावय, अउर ओकर बाद ओहर अपन के जीवन ल हमर खातिर मुफ्त में बलिदान करदिस हमर पाप से हमन ल बचाय खातिर ताकि जो कोई वाहां जाय के इच्छा राखहि ओहर जा सकहि।

ओकर बलिदानी मृत्यु के तीन दिन बाद, ओहर कब्र से जिंदा होके बाहर निकल गे अउर स्वर्ग के राज्य मं चलेगिस। ओहर अपन के पीछे चलने वाला मन से वादा करे हावय कि ओहर अंतिम दिन मं फिर से आहि अउर ओमन ल स्वर्ग लेके जाहि।

का ये हर एकठिन अचंभित भविष्य जैसन लागते? प्रभु यीशु के इच्छा हावय कि हमन सबो कोई उद्धार पा सकी- ताकि दर्द पीड़ा से सबो दिन बर छुटकारा पा सकी। लेकिन जैसन ये छोटे से बच्चा हर पूछाथे «आखिर कब एखर अंत हो ही», हमन भी सोंचे लगथन कि मुक्ति पाय बर अउर कतका दिन लागही।

प्रभु यीशु मसीह के वापिसी

उत्साहित, होके प्रभु यीशु के एकठिन चेला हर भी ठीक वैसनेच सवाल ल पूछथे- ए सब के अंत कब होहि? प्रभु यीशु हर विस्तार से बताथे कि ए संसार के अन्त होय के बेरा मं भूकंप, लड़‌ई झगड़ा, भुखमरी, बीमारी अउर महामारी तेज गति से फैल जाहि। डर के मारे सबों झन के हृदय गति रुक जाहि जब देखी कि बड़े तेज गति से समस्या हर बढ़ते जाथे। यही बात मन प्रभु यीशु के आगमन के संकेत होही। अभी हमन देख सकाथन कि हमन संसार के अंतिम समय मं हावन काबर की सबो संकेत बात मन पूरा होवत जावत हे।

बहुत जल्दी, प्रभु यीशु अपन वादा के मुताबिक वापिस आने वाला हे। मरे हुए लोग मन धरती से जी उठही अउर ओमन ल सिद्ध शरीर दिया जही, जिस तरह से बाईबल मं कहे गए हे, «परमेश्वर हर बड़े शब्द के आवाज के साथ स्वर्ग से उतरही, परमेश्वर के तुरही प्रधान स्वर्ग दूत के द्वारा फूंका जही। अउर जेमन मसीह मं मरे हावय ओमन पहले जी उठही»(बाईबल १ थिस्सलुनीकियों ४:१६)।

ओ समय म ये संसार ल नष्ट कर दिया जही, अउर शैतान ल भी संपूर्ण रुप से नष्ट कर दिया जही। हमन आनंद के एक हजार साल बर स्वर्ग में जाबो। तब, प्रभु यीशु हर दोबारा संसार ल सुंदर अउर सिद्ध बनाही जोन मेर मृत्यु, दर्द, बीमारी, तनाव अउर अकेलापन नयि रहय। अउर ओहर वादा करे हावय कि प्रत्येक व्यक्ति जोन मन ओकर रास्ता मं चलथे निश्चित रूप से ओमन ओ जगह मं रहेबा पाही। येहरयीशु के मार्ग ये।

परम मुक्ति

यीशु हर अपन आए के दिन अउर समय के बारे मं एकदम सही नयि बताय हे, लेकिन ओहर अपन के पीछे चलने वाला मन ल विशेष चिन्ह बताय हावय, जेकर से हमन जान सकाथन कि ओकर आना हर कतक नजदीक हे- ऐसन घलू हो सकथे की तूंहर हमर जीवते जीयत भी आ सकते। कतना बढ़ीया समाचार हे! प्रभु यीशु के आगमन मं, हमन गलत काम के परिणाम से छुड़ा लिया जाबो!

यदि तू मन चाहत हाव कि जोन मन स्वर्ग के राज्य मं जाहि ओमन के संग जा सकव, तब ओकर बर साधारण तीन कदम उठाकेयीशु के पीछे चलना हे:

१. प्रभु यीशु में विश्वास करव। जब यीशु अपन के जीवन ल बलिदान करे बर दे हावय, ओहर सबोझन के गलत काम के परिणाम ल अपन ऊपर लदवा लिस। ओहर अपन इच्छा से करे हावय ताकि हमन ल ओ सबसे छुटकारा दे सकय। तैं ये उपहार ल पूरा दिल, मन, जान से विश्वास करके पा सकथस।

२. व्यक्तिगत संबंध ल बढ़ाना हे। प्रभु यीशु हर कभी हमन से ये नयि चाहत हावय कि ओकर धार्मिक काम के सूची बनाके पालन किया जाए; ओकर इच्छा हावय कि ओला हमन व्यक्तिगत जानीं। ओकर से हमन प्रार्थना कर सकाथन जिसने हमन मितान से बात करथन, अपन के हृदय ल खोलके सबों गुप्त बात मन ल बताना हे। प्रभु यीशु वादा करे हावय कि प्रत्येक दिन ओकर आत्मा के द्वारा हमर संग रही, जेनखातिर ओकर से हमन कतकों बेर बात कर सकथन।

३. प्रभु यीशु के शिक्षा के अनुसार चलव। यीशु हर हमन ल बोले हावय कि ओकर आए खातिर तैयारी करत रहाव अउर डाहर देखत रहाव। प्रभु यीशु में भक्तिमय जीवन बिताय के मतलब होथे ओकर आज्ञा के अनुसार चलव, संपूर्ण हृदय से ओला प्रेम करव, अउर बादर म ओकर आयके दिखाउल देबर निरंतर इंतजार करव। बाइबिल म हमन ल हर चीज मिल जाहि जेकर से हमन प्रभु यीशु के पीछे चल सकाथन।

यदि आप मन अउर अधिक सीखना चाहत हावय कि कैसे चलना हेयीशु के रस्ताम ओकर वापिस आया के तैयारी बर, तेकर खातिर कृपया हमन ल संपर्क करव जानकारी हर येहि पन्ना के पाछू म लिखाय हे।