मोर दुःख बर न्याय

विमला हर घबराहटमें उठके खटिया मं सोझिया के बैठगे, एकठिन अउर दुखित सपना! रोज ओहर आए दिन डरावना याद ल सपना मं देखत रहिसे ऐसना याद जेमां ओहर १२ साल के रहिथे तभे से एक आदमी हर ओकर नाजायज फायदा उठात रहिसे।

विमला ओ दिन भूला नयि सकय। ओला लाज अउर खराब लागत रहिसे अउर कोई ल भी नयि बताय रहिसे जेन दुख के भार ल उठाय हवे। विमला हर विश्व विद्यालय मं पहुंच जाते, तभो ले दुखित सपना हर ओकर पीछू ल नयि छोड़य। ओहर ओ आदमी ल बहुत घृणा करय अउर आशा हे कि ओ आदमी के संग जौन उचित हे उसने ओकर संग घट जाय।

कठिन सवाल

विमला हर सवाल ल लेके उलझन मं रहिथे का ओकर बलात्कारी ल करनी के फल मिलही? ओहर तो ओकर शहर के प्रसिद्ध पवित्र व्यक्ति रहिथे। ओहर लोग मन बर क‌ईठन बढ़ीया काम करे हावय, अक्सर उपास रहथे, अउर अपने आप ल बहुत बड़े ईश्वर मन के उपासक दिखाथे। का एकठन पाप हर ओकर बहुत अच्छा काम के वज़न मं कछु फरक कर सकही? ओला पता नयि हे कि करम हर कैसे काम करथे, लेकिन ओला अतका पता हे ओकर दुष्टता हर येकर मं प्रभाव छोड़े हवे विमला हर ओ दुःख ल भूला नयि पावथे।

न्याय पाय बर

एक झन विमला के सहपाठी सायरा, जेन हर एकठन संस्थान से जुड़े रहिसे जेमन महिला मनके जरुरत मं सहयोग करथे। एक दिन, सायरा हर ओला केंद्र जाय बर बलाथे जेकरा विधवा, अनाथ महिला अउर बलात्कार पीड़िता मन बर मदत मिलथे। विमला हर घबरा जाथे अउर सोंचे लगथे कहीं कोनो ओकर भयानक रहस्य ल झीन जान दारही। लेकिन सायरा हर अतना दयालुपनदिखाथे कि विमला हर निर्णय लेके आगे आ सकय। जिसने ओमन जाथे, सायरा हर ओला कुछ पीड़ित महिला मनके बारे मं बताथे जेमन ल कुछ ही दिन पहले देखे रहिसे।

“का तैं ऐसना महिला मन ल कभू देखे हावस जेकर संग मं ओकर गुरु हर ही दुर्व्यवहार करे हावय?” झांप के विमला हर पुछीस।

“हां, कभी कभार” सायरा हर बोलथे। ये बहुत दुःख के बात हवे। “कोई कहथे एकर मतलब ये नोहय कि ओहर धर्मी होगे अउर ओहर ईश्वर से जुड़गे”

“सही बात ये”

मोर गुरु, महागुरु, हर कहे हावय हमन के समय मं धार्मिक जगत हर बहुत ज्यादा भ्रष्ट होजाहि। हमन ल भ्रष्ट धरम से बाहर निकलना पड़ही अउर सृजन करोईया ईश्वर के संग जुड़े बर लागही। ओहर हमन ल शुद्ध मन दीही अउर हमन के सबों गलत काम ल माफ करदीही। “तब हमन ओमन के बीच मं रहबो जेमन ल परमेश्वर के द्वारा दुबारा बनाए ग्रह मं रहे बर मिलही जेन जगह हर एकदम बढ़िया हे ओ जगह मं पापी आदमी मन नयि रहय”

सुन के बहुत अच्छा लागिस। तोर गुरु कोने

मैं प्रभु यीशु मसीह ल मानथंव। ओहर एक महान गुरुजी रहिस लेकिन, ओहर परमेश्वर भी रहिसे जेन हर अवतार ले के आय रहिसे। “का तैं ओकर बारे मं कछु जानथस”

मोला लगथे मैं कुछ ओकर चित्र मन ल हाट बाजार मं देखें हंव, लेकिन ओकर बारे मं ज्यादा मालूम नयि हे। ‘ओहर कहिस काय कर सकथे’

बस रास्ता किनारे मं रुक जाथे। “चल अंदर मं”, सायरा बोलिस, “तब मैं तोला अउर बहुत कुछ बताहूं”

अध्यात्मिक पाखंड

विमला अउर सायरा बस मं चढ़ गिन अउर संग मं बैठे बर सिट खोजत रहिन।

सायरा कहिस “यीशु मसीह हर धर्म बिगाड़ने वाला पाखंड मन के बारे मं बहुत कुछ कहे हे”। ओहर प्रभु यीशु मसीह के एकठिन छोटे से किताब ल अपन के थैला से निकाल के पन्ना ल पलटिस। “ए जगह मं देख काय कहथे”, ओहर विमला ल पढ़ें बर दिखाईस,

हे कपटी शास्त्री अउर फरीसि, ढोंगी तुमन के ऊपर हाय! काबर कि तुमन विधवा के घर ल खाथा अउर दिखावा करेबर बहुत बेर ल प्रार्थना करथा। इपायके तुमन ल सबो ले जादा निंदा मिलही (बाईबिल, मत्ती २३:१४)।

“शास्त्री अउर फरीसि एमन कोने?” ओहर पुछिस।

सायरा हर बताथे “प्रभु यीशु मसीह के समय मं ओमन एक परकार के गुरु रहिन, लेकिन ओमन बहुत जादा भ्रष्ट रहिन।” विमला हर समझगिस अउर पढ़ना जारी रखिस।

हे कपटी शास्त्री अउर फरीसि, ढोंगी तुमन ल हाय! तुमन लोटा अउर बटकी के ऊपर ल मांजथा, लेकिन अंदर मं लुटमार अउर स्वयं के स्वार्थ भरेहवे। अंधरा फरीसि, पहले लोटा अउर बटकी के अंदर ल मांजे करव, ताकि हो सकथे बाहर से घलो सफा हो जाहि (मत्ती २३:२५–२६)।

अटल न्याय

सायरा बोलथे “सृजन करोईया ईश्वर हर हमन ल सावधानी पूर्वक रहे बर कहथे काबर कि आज भी आत्मिक ढोंगी मन हमन के बीच मं रहिथे”। प्रभु के किताब मं यीशु मसीह बोले हे कि हमन के समय मं संसार अउर धार्मिक अनुष्ठान हर पुरी तरह से भ्रष्ट होजाहि। “लेकिन परमेश्वर हर भ्रष्टाचारी मन ल फैसला सुनाही जब ओहर ये संसार के रचना ल दुबारा करही”

“तैं कैसे मं ऐसनेच होही सोंच सकाथस ओहर न्याय करही?” विमला हर पुछीस।

“प्रभु के किताब मं यीशु मसीह बोले हे कि परमेश्वर हर सही अउर गलत काम ल सबो बर लिख के किताब मं राखथे” सायरा हर समझाथे। संसार के अंत मं, प्रभु यीशु मसीह हर बादर मं अहि। “हर एक झन ओला देखहि, किताब मं लिखाय अनुसार ओहर हमन में से हर एक के न्याय करही”

विमला उत्साहित होगे, “लेकिन हमन ल हमन के गलत काम बर काय करेबर लागही?” ओहर पूछिथे।

जिसने ओमन अपन के उतरे के स्थान मेर पहुंच के बस ले उतर जाथे तब सायरा हर मुचमुचात रहिस। सबले सुघ्घर भाग। प्रभु यीशु मसीह पाप के खातिर मरगिस अउर ओकर बाद फिर से जिंदा होगे। “ओहर वादा करे हावय यदि हमन अपन के पाप ल मान लेबो अउर ओकर ऊपर विश्वास करबो, तब ओकर जीवन के बलिदान हर अतका शक्तिशाली हे कि ओहर हमन के सब गलत काम ल किताब से मिटा दिही»

‘सब ले बढ़ीया न्याय संदेश’

ओमन ओ केन्द्र मं पहुंच जाथे जेमन तिरस्कृत महिला मनके जरुरत के हिसाब से मदद करथे। विमला हर रोज खाना पाय बर बाहर खड़े गरीब, दुबली पतली विधवा ल देखिस। ओहर देखिस कि एक मध्यम वर्ग के महीला तेजी से परवेश करथे जेन हर काला चश्मा के पाछू काली आंख ल छिपावथे। विमला के हिरदय दया से भरगे। केवल ओहिच्छा एक झन महिला नोहय जेन हर सताए गेहे!

सायरा हर पुछथे “का तैं ठीक हावस?”

“हां, मैं ठीक हंव” विमला हर जवाब देथे। लेकिन अब मैं हर सोचना शुरू कर दारें हंव कि हमन ल प्रभु यीशु मसीह के जरुरत हे जेन हर जल्दी से आके हमन के न्याय करही। यदि ये बात हर सही हे कि ओहर आके दुष्ट मन ल नाश करही अउर अच्छा आदमी मन ल बढ़िया जगह मं सब दिन रहे बर लेके जाहि, ये न्याय हर सबसे अच्छा हे जेकर बारे मं कभू नयि सुने रहेंव’

यदि आप मन अउर अधिक प्रभु यीशु मसीह के किताब के बारे मं जानना चाहत हव तब किरपा करके यहिच पन्ना के पाछू मं लिखे जानकारी से सम्पर्क करिहा।