Eigi Cheinagi Achumba Wayel

Vimla mahakki phamungda chap yungna phamlami, mahakki mihun chong e. Akiba mang ama amuk! Numit kharani khudinggi, aki tujungba wakhalshing mahaki manglanda changlak khi - mahakna chahi 12 khak ngairingeida khudong chaba loukhiba nupa adugi wakhalshingdu.

Numit tu Vimla na kaoba ngamlamde. Mahak ikaiba amadi tukkachaba phaokhi aduga mi kanadasu mahakna puriba awaba cheina adu haidok khide. Vimla university da changlak khi, adubu aki tujungba manglaan duna mabu tattana magi tung inlakkhi. Nupadu mana tukkachei aduga mahakna toukhiba adugi phangpham thokpa atoumaldu phangsanu haiba mahakki asha oikhi.

Aruba Wahangshing

Vimla gi wakhal wahang kayana awaba oikhi. Mahakki ijat manghanbikhraba meeoi adu toujarubagi maramna achumba wayel phangadra? Mahak adu sahar duda miyamna sak khangnaraba ashengba nupa ni. Mahakna aphaba thabak kaya mishingi damak toubikhi, toina chara helli, aduga lai singda yamna ningjaba utli. Phattaba ama toukhiba aduna mahakki aphaba thabak mayam toukhiba aduga arumba onba matamda khetnaba pigadra? Toujarubagi wayel asi karam touge haiba mahakna khanglamde, adubu mahakna nupadugi phattaba adu mahakna tonganna khanglammi. Vimla na mahakki cheina adu kaothokpa ngamlamde. 

Achumba Wayel Phangba

Vimla gi lairik tamminnaba ama, Saira, mateng darkar leiba nupishingbu mateng pangbiba lup amada thabak shurammi. Nongma, sahargi mayolda leiba lukhrabishing, phubi cheibiraba nupishing, amadi ijat manghanbikhraba nupishing bu mateng pangbipham amada mabu laknaba Saira na chebao pirakkhi. Mahakki yamna phattaba aronba adu karigumba mi amana khangkhrabadi kamdouba khanduna Vimla yamna pakhatpa amadi ngakpa phaorammi. Adubu Saira asi yamna minungshi chaoba meeoi oina ubaduna Vimla na maphamduda chatlage lepkhi. Makhoina shum chatlingeida, Saira na houkhiba numit kharanida shokkhraba nupi khara makhoina ukhiba adugi maramda mangonda paodamlammi.

“Shintakpa singna sherannana shijinnabiba nupishing nahakna ukhiba leirabra?” Vimla na ikaina hangkhi.

“Hoi, marak marakta,” Saira na khumkhi. “Masi yamna nungaite. Kanagumba achumba chatpa mee amani haiba khakna, mahak Ishorga shamnaduna lei heiba karisu leite.”

“Madu achumbani...”

“Eigi shintakpa, Athoiba shinakpana, haikhi madudi laining-laisholgi taibangpan asi eikhoigi matamda yamna amotpa ama oirakkani. Eikhoi amotpa laining-laishol dagi thoklaktuna Leishemba Ishwarga shamnagadabani. Mahakna eikhoida aruba thamoi pibigani amadi eikhoigi phattaba thabakshing adubu ngakpigani. Adu oirabadi phattaba amuk leitraba mapung phaba mapham Ishwarna amuk nouna shemba malem adubu uba phangba meeshingi marakta eikhoisu yaogani.”

“Madu tabada yamna nungai. Nahakki shintakpa adu kanano?”

“Eina Ipuroi Jisu Khrista gi tung illi. Mahak shaknairaba oja ni, adusu, Mahak Ishwarna mee oina poklakpani. Mahakki maramda nang khangbra?”

“Eina khalli, keithelda Mahakki ayekpa mami khara eina ukhi haina adubu ei Mahakki maramda yamna khangde. Atoppa kari Mahakna hai?”

Khong lambi manakta Bus khamlakkhi. “Manungda changlase,” Saira na hai, “aduga eina nangonda henna haibige.”

Thawaigi Lambida Apha Shasinnaba

Vimla amadi Saira bus tuda tongle aduga phambam amatada phamminnare.

“Jisu na nganglammi laining-laisholda apha shasinnaba asina yamna shokhanba phattabashing adugi maramda,” Saira na hai. Mahakna mahakki khaudagi Ipuroi Jisu gi apikpa lairik ama louthoklaga madu hangdok lammi. “Yeng o masida kari hairiba,” mahakna khut thinkhi. Vimla parammi,

Aphashasinnabasa, wayel yathanggi ojashing amasung Pharisishing, nakhoida awabanida! Maramdi nakhoina lukhrabi shinggi yum-kei mulli, aduga toushinnaduna nakhoina shaangna haijei. Maram aduna nakhoina henna kanba cheirak phanggani (Bible da, Matthi 23:14).

“Wayel yathanggi ojasing amadi Pharisishing asi kanano?” mahakna hangkhi.

“Makhoi asi shintakpa amagumbani Jisu gi matam da,” Saira na hairammi, “adubu makhoi yamna motpa oikhi.” Vimla na um haina kok nomladuna mathang patharammi.

Aphashashinnabasha, mayel yathanggi ojashing amasung Pharisishing, nakhoida awabanida! Maramdi nakhoina pukham tenggotki mapan thangba sharuk adu shengdok i, adubu manungdadi makhoi namja namtheknaba amasung masha khudum chandabana pik thalli. Mittangba Pharisisha, pukham tenggotki mapan thangba sharuk adu shengnaba manung thangba sharuk adu hanna shengdok u (Matthi 23:25-26).

Loiba Naidaba Wayel

“Leishemba Mapuna eikhoibu chekshin ninggai taakpiri maramdi ngasi eikhoigi irakta thawaida aphashashinnaba leiri,” Saira na haikhi. “Jisu Khrista gi lairik na hai madudi taibangpan amadi laining-laisholgi thouongshing asi eikhoigi matamda yamna motpa oirakkani. Adubu Ishwarna phattaba touba mishingbu wayengani taibangpan asi Mahakna nouna shemba matamda.”

“Chap chana Mahakna karamna wayengadage nahak kari khalli?” Vimla na khumkhi. 

“Ipuroi Jisu gi lairikna hai madudi mana mana toukhiba aphaba amadi phattaba khuding Ishwarna lairik ta ishinduna lei,” Saira na hairamkhi. “Taibangpan sina loirabada, Ipuroi Jisu Khristana leichil thakta lakkani. Mee khudingna Mahakpu ugani. Lairikta ishinkhibagi matung inna Mahakna eikhoi khudingbu wayel gani.”

Vimla yamna khangning lamkhi. “Adudi eikhoigi phattaba thabakshing dugidi eikhoina kari toupham thokpage?” mahakna hangkhi.

Makhoigi mapham adu yourabada Saira na nokphet touraga makhoi bus tudagi kumthakhi. “Maduna henna phajaba sharuk ni. Lainingthou Jisu na paap ki irat pot oina katthokpi aduga ashibabu ngamduna amuk hinggat khi. Mahakna washakpi madudi karigumna eikhoina eikhoigi paap haidokcharabadi amasung Mahaakpu thajarabadi, Mahakki punsi katthokpiba Mahakki matik leiba aphaba thabak aduna eikhoigi phattaba thabak khudingmak lairik tudagi mutthatpigani.”

Khwaidagi Pharaba Wayel gi Wapao

Thouoibidraba nupisingbu mateng piba mapham aduda makhoi youre. Vimla na lairaba, mayang yam kanglaba lukhrabishingna nongmagi chara ngaiduna mapaanda leibadu ukhi. Mayaioirap nunggaiba nupi ama mahakki amuba mit adu amubu machugi anok maningda lotshinlaga yamna thuna changlak pa mahakna ukhi. Vimla gi thamoi nungshibana shumkhi. Ashokpa nanglaba nupi asi matomta natte!

Saira na ukhi. “Nang keisu toudra?”

“Hoi, ei keisu toude,” Vimla na khumlammi. “Adubu eina khanba hourak le Ipuroi Jisu thuna laktuna eikhoigi wayel mapu oibibadu eikhoida mathou tare. Karigumba Mahakna phattaba mishingbu manghangani aduga aphaba meeshingbu lomba naidana hingnaba phajakhraba mapham duda pubigani haibashina chumlabadi, eina taba phangbada mashina khwaidagi phaba wayel oigani!”

Karigumba nahakna Ipuroi Jisu gi lairik ki maramda henna khangbining labadi, chanbiduna chebaang sigi maningda piriba warol duda eikhoibu pao phaobirakyu.