Khawvel Tawpna

Ramandeep-a chuan nuam zawka a awm theih nan a taksa upa tawh tak mai chu rem zawka dah a han tum a. A fu ke inzawmna vel chu a na reng mai a, tichuan, buh hmun lam a han thlir chuan a khaw hmuhte pawh a fiah tawh lo a, a phe ruai tawh a ni. A chaw eitur a monu-in a buatsaih lai thawmte chu a hre thei a, a chhungte tan hian hnawksak mai a ni ang em aw tih a ngaihtuah fo thin. Tar nih hi thil nuam tak chu a ni lo a ni. A enkawltute tan lah thil awlsam a ni lem lo.

A taksa a la chak lai—temple lam a la pan peih laia an zirtirtu (guru) thusawite a hre chhuak rum rum mai. Amah zirtirtu (guru) chuan khawvelah hian upat chhoh dan chi li a awm niin a sawi a, chung upatna rahbi tin te chuan thatbelhna lam aiin chhiat belhna lam an pan vek tih a sawi a ni. Hring chan chhunga upat chhoh zelna kawnga rahbi tawp ber—Kali Yuga chu a dang zawng aia hrehawm a ni a, sualna te, lungngaihna te leh thimnate—a khat a ni. Ramandeep-a chu a thaw huai a. Kali Yuga chu tar kuna awm hun a ni ber tawh a, hmana thil tha awm zawng zawng te an chul zawh tawhna hun a ni. Lirnghing te, natna te, tualthahna leh indona avang tea mite thih dan chu chanchinthar atangin a lo hria a. Chung chhiatna avanga thi ta lote chu tisa thila duhamna te, lungaihna te leh hurna ten an lo khat a.

He khawvel lungngaihthlak hi engtikah nge a tawp ang le? A taksa tar tawh tak leh a khawvel tlaran mek chu siam thar a nih leh thei ang em le?

Khawvel Awm Zel Dan Tur Hrilhlawkna

Hma lam hun atana chhinchhiahna a sawi rinawm tak takte sawitu van mi chu ka hmelhriattir duh che a ni. Ani chu Lalpa Isua Krista a ni. Mihring anga leia lo piangin mite a tidam a, Van Lalram chu mitinten an luh theih dan tur a hrilh a. Kum 33 a nihin a nun chu sual tlenfai nan a hlan a. Mak tak maiin thihna hnehin a tho leh a ni! Amah kan rina, a thu kan awih chuan a inhlanna azarah chuan ngaihdamna leh chhandamna kan chang thei dawn a ni.

Lal Isua Krista chuan kan khawvela thil lo thleng turte hi a lo sawi lawk tawh a, tichuan, he khawvela sualte hi a la titawp dawn a ni tih thutiam min pe a. A lehkhabu Bible hi hrilhlawknaa khat a ni a. Hun tawp a hnaih tawhzia kan hriat theih nan A hrilhlawknate kan ngaihven tur a ni.

Khawvel Tawpna

Ni khat chu Isua zirtirte chuan tihian an zawt a, “I lo kal lehna huna chhinchhiahna leh tawpna lo thlen hun tur min hrilh thei em?” an ti a (Mathaia 24:3). Lal Isua chuan a lo kal leh dawna thil lo thleng tur, tawpna hun a hnai tawh a ni tih an hriat theihna tur chhinchhiahna te a hrilh lawk a. Chung chhinchhiahnate chuan hengte hi a huam a:

1. Chhandamtu Suakte. Lalpa Isua chuan heti hian a ti, “Tuman an tihder loh nan che u fimkhur rawh u. Mi tam takin, ‘Krista chu ka ni,’ tiin keima hming chhalin an lo kal ang a, mi tam tak an tihder dawn si a” tiin (Mathaia 24:4-5). Isua anga inchhalte bumin kan awm tur a ni lo. “Kawl, chhak lamah a lo phe chhuak a, thlang lam thleng pawhin a lang thin angin” (Mathaia 24:27)—A lo kal lehna dik tak chu khawvel pum huapa hmuh theih a ni ang—tichuan, heng thil hi berhbu hremna rapthlak leh mak tak maiin khawvel pum huap a sawinghin hunah a thleng ang.

2. Indo leh Indo Thuthangte. Lalpa Isua chuan heti hian a ti, “Tin, indo thu leh indo thuthang in la hria ang a. In mangan loh nan fimkhur rawh u; chung chu a lo thleng tur reng a ni; nimahsela, tawpna chu a la ni
   rih lo vang. Hnam hrang leh hnam hrang an
   indo vang a, ram hrang leh ram hrang
   an indo vang a,” tiin (Mathaia 24:6-7). Hun tawp kan thlen chhoh mek lai hian, indona te chu a tam tawlh tawlh ang a, a rapthlak tawlh tawlh dawn a ni. 

3. Tam te, Lirnghing te, leh Hri Te. Chhinchhiahna pathumnaa a sawilawk chu “hmun hrang hrangah tamte a tla ang a, lirte a nghing ang. Chung zawng zawng chu nau vei tantirhna a ni” (Mathaia 24:7-8).
   Tun kum zabi atang khan maktaduaih 20 chuangin tam an tuar a. Kum 2015-a Nepal rama lirnghingah khan mi 8,000 an thi a, hun kal tawha lirnghing hlauhawm berte zinga mi a ni. Natna chuan mi tam tak nunna a la a. Lalpa Isua hrilhlawkna chu kan hmu mek zel a ni tih a chiang a ni. 

4. Khawtlangah Sualna. Lalpa Isua chuan, “Tin, sual a la pun dawn avangin mi tam zawk hmangaihna chu a la dai ang,” a ti a (Mathaia 24:12). An chhut danin, India-ah hian nitinin mi 91 ten pawngsual tawkin, mi 79 zel hi tualthahna avanga thi an ni tih hriat a ni. Mite chu mahni hmasialnaa khat an ni chho tawh a, an thiltihin midangte tina pawh ni se pawi an ti tawh lo a ni.

Lalpa Isua chuan ropui taka chhum zinga a lo kir lehna tur lo hmakhalhtu tur heng chhinchhiahna zawng zawngte hi a lo hrilhlawk a. Heng chhinchhiahnate hi a thleng mek tih kan hmuh lai hian, a hrilhlawknate a dik a ni tih hriain, A lo kal lehna pawh a hnai tawh hle tih kan hre thei ta!

Lalpa Isua lo Kal Lehna Atana Inbuatsaihin!

Lalpa Isua a lo kal hunah hmasialna te, chapona te, hurna te nena hringnun lo hmangte chu an hlim dawn lo a ni. Chuta chhapah chhum zingah a lo kal leh hunah chuan, an thilsual tih zawng zawngte chuan vawi leh khatah a rawn thawng dawn si a. A hnen atang chuan bihruk an tum ang a, lungte leh tlangte hnenah chuan, “Min delh ula, lalthutphaha thua hmel lakah chuan min hliah rawh u!” tiin an au dawn a ni (Thupuan 6:16). 

Mahse, Lalpa Isua inhlanna rinchhantute chu, chumi niah chuan, mit khap kar lekah tihdanglam an ni anga, tawih thei tawh lo taksa thar an chang dawn a ni. Chhumzingah chuan an thlawk chho ang a, he khawvel chhe tawh tak hi kum khuain an kalsan tawh dawn a ni. Kumkhuaa hlim taka awm turte zingah i tel ve duh chuan, he tawngtaina mawlmang te hi i sawi dawn nia:

Siamtu Pathian duhtak, Lalpa Isua chu a lo kir leh thuai ang tih ka ring a. Vana lak chhohte zingah ka tel ve theih nan khawngaihin Lalpa Isua hriat dan leh rinchhan dan min zirtir ang che. Amen.

Hma lam hun atana Lalpa Isua hrilhlawknate chungchang i zirbelh duh chuan, he lehkhabu hnung lama address inziahnaah hian khawngaihin min lo be dawn nia.