Taibangpanbagi Aroiba: Thoklakkadaba Pukningshokpa Ama!

Ramandeep na mahakki ahan oiraklaba hakchang adu henna nungaiba maong da hongdoklammi. Mahakki sharu ani tainaphamsing asi handak maraksida henna naba chikpa tou e, aduga mahakna phougi loubukshing duda yengthoklakpa matamda, makhoigi machu shing loinamak mami shamigum mayek shengdaba oina ukhi. Mamounupina chana thaknaba shemlibadugi makhol mahakna tarammi, amadi mahakna mahakki imungsida potlum ama oina uhallabadi haina ngakcharammi. Ahal oirakpasi araiba natte - mahakki damaksu aduga mabu yengshinbiriba shingdasu.

Mahakna angang oiringeida mahakki ojana mangonda haikhiba adugi maramda khallammi aduga mahak houjiksu laishang da chatpa ngamli. Mahakki ojana hairammi madudi taibanggi punsi asi tangkak mari lei - makhoi amamamsi phattabada adum hengat lakli. Akonba chahi - Kali Yug - masina mayamdudagi henna phattaba oirak kadouri, lamchat phattabana pik thanba, nungaipham leitaba, amadi amambana thanba. Ramandeep shor shaangna hollammi. Kali Yug asi ariba punsigi matam gumba oiramba yai - loinamak pharamba adugi loishillakpada henna phattaba. Mahakna paodu taramkhi, yuhar habadagi, laina laichat tagi, amadi laan dagi meeoibana karamna shikhibano haina. Shikhidaba meeoishingna lan thum karamna amuk leigani haina ka henna khanba, pukning hanthaba, amadi lamchat naidaba leirakkhi.

Karamba matamda masigi awabana thallaba taibangpan asi aroiba adu lakkadouribano? Mahakki mallaba hakchang - aduga phatchillak traba malem - karamba matamda amuk nouna pokkadouribano?

Prithibida thoklakkadaba Laibaoshing

Shwargagi maramda mangjounana takthokliba midu nahakpu eina shak takchaning e, madugi khudamshing tungda thoklakkdaba hakthengnana takthokpani eina thajei. Mahak adu Ipuroi Jisu Khrista ni. Mahak taibang sida meeoi ama oina lakkhi, meeshingbu ashok-apandagi phagat handuna amadi mee khudingda karamna Shwargagi Ningthou leibak aduda changadage haiba takpi tambirammi. Chahi 33 shuraba matamda, Mahakna Mahakki punsi adubu iratpot oina kathokpikhi. Adudagi, angakpa maongda, Mahak ashibadagi amuk hinggatkhi! Mahakna hai eikhoina Mahakpu thajarabadi amasung haiba illabadi, Mahakna katthokpiba aduna paap kokpiba amadi paaptagi handokpiba eikhoina phangjagani.

Ipuroi Jisuna taibangpangi tungda oirakkadaba maramda haikhi amadi Mahakna houjikki phattraba taibangpan asi aroiba purak kani haina Mahakna hai. Mahakki lairik, Bible, asi tungda thoklakkadaba shingi maramda takpibana pik thanli. Aroiba adu nakkhre haibase eikhoina khangnanaba Mahakna mangjounana takpikhiba mayam aduda eikhoina munna tashinba tai.

Taibangpaangi Aroiba

Nongma, Ipuroi Jisu gi maheiroi singna Mangonda hangkhi, “Nahak lakkadabagi amadi aroiba oigadabagi khudam asi karina oigani?” (Bible da, Matthi 24:3). Ipuroi Jisu na makhoida haikhi madudi taibangpan asigi aroiba adu laktringeida khudamshing haana thunglakkani aduga maduna eikhoida Mahak lakkadabagi matam nakkhre haiba khanghangani. Masigi khudamshing asi yaogani:

Araanba Kanbiba mapusing. Ipuroi Jisuna haikhi, “Nakhoibu kananasu lounam toudanaba cheksillu. Maramdi Eigi mingda, mee mayam lakkani, asumna haigani, ‘Ei Khristaduni,’ aduga mee mayambu namthak tougani” (Matthi 24:4–5). Shashinnabashingna Ipuroi Jisu ni haijaba aduda eikhoi keidoungeidasu namthak touhalloi doubani. Tashengna Mahakna laakpa adu taibangpan pumbana ugani - “nongpokta nongthang kuplaga nongchupta uba adugumna” (Matthi 24:27) - aduga tamthiraba amadi angakpa awabashing aduna taibangpan pumbasi nikkhrabagi tungda madu thoklakkani.

Laansing amadi Laanshingi Paoninkholshing. Ipuroi Jisu na hai, “Nakhoina lan amasung lan gi paoninkhol shing tagani. Adubu masina nakhoibu mipaihandanaba chekshillu; maramdi pumnamaksi shoidana thokkani, adubu madu aroiba adu oidri. Maramdi jati amana jati amagi mathakta, amasung ningthou leibak amana ningthou leibak amagi mathakta hourakkani” (Matthi 24:6–7). Eikhoina taibangpan sigi aroiba adu yourabada, laanshing asi henna toiba amadi henna tamthiba oirakkani. 

Chak tangba, Yuharhaba, amadi Tamthiba Laina Laichat shing. Ahumshuba Mahakna mangjounana takthoklamba adudi “mapham kayada chaktangba, laichat, amasung yuharhaba thokkani. Pumnamak asi awabagi ahouba aduni” (Matthi 24:7–8). Chahi chama ollakpa sida meeoi million 20 henbana chaktangbana awaba cheitheng nangkhi. 2015 Nepal da yuharhabada, meeoi 8,000 henna hatkhiba, adu khwaidagi tamthiba puwari ama oikhi. Laina na mashing thingamdraba punsi kaya manghankhre. Tashengnamak, Ipuroi Jisu na mangjounana hairamba adu eikhoi uduna leire. 

Lamchat Phatchillaktaba. Ipuroi Jisu na hai, “Yathang indabana hengatlakpa maramna, ayambagi nungshiba hantharak kani” (Matthi 24:12). Chaorakna changchat ta meeoi 91 namduna ijat manghanba amadi meeoi 79 na amana amabu hantoknabada shikhiba asi India da numit khuding thoktuna lei. Meeshingse mashagi khak khanba hourakle maduna makhoigi thabakshingna atoppa amabu shok halle haibagi karisu thouoidaba leire.

Ipuroi Jisu na khudamshing asi Mahakna leichil thakta matik manngalga loinana hallak trinngeida thoklakkani haina mangjounana takpikhrabani. Eikhoina khudamshing asi thokliba asi uraga, eikhoina khangba yai madudi Mahakki mangjounana takthokpibashing asi achumbani amadi Mahakna lakkadaba matam asi yamna nakkhre haiba!

Thourang touba Ipuroi Jisu na Hallakpa adugi!

Masa matomtagi khanduna, napal touduna, amadi phattaba lamchat chattuna hinglibashing nadi Lainingthou Jisu na lakpasi makhoi haraoroi. Tashengna, Mahakna leichinl thakta hallakpa matamda, makhoigi phattba thabaksing duna makhoigi mathakta mikup amada mang-takhanba purakkani. Makhoina Mangondagi lotnanaba nungjaoshingda amadi chingjaoshingda makhoibu lotpinaba laogani, “Eikhoigi ithakta nanshinbiyu aduga phambal adugi mathakta phamliba mahakki maithongdagi eikhoibu lotpiyu!” (Bible da, Phongdokpiba 6:16).

Adubu Ipuroi Jisu na katthokpiba aduda thajaba meeshingdi, madugi numit tuda, khudakta makhoibu hongdok hanbigani amadi anouba amadi shiba naidaba hapibigani. Makhoi leichil thakta tauduna paikhatkhigani aduga mangtharaba taibangpan adudagi lomba naidana naathok khrani. Karigumba nahaksu loiba naidana haraona paanba meeoishing dugi marakta ama oininglabadi, nahakna masigi chamlaba prathana asi ngasi haijaba yai:

Nungsiraba Leisemba Ishwar, eina thajei Ipuroi Jisu asi amuk thuna hallakkani. Chanbiduna eibu tambiyu karamna Ipuroi Jisu bu houjik khanggadage amadi thajagadra adu oirabadi Shwargada loukhat khiba meeoishingi marakta eisu ama oinanaba. Amen.

Karigumba nahakna Ipuroi Jisu na tungda thoklakkadaba hiramsingda mangjounana takthokpibagi maramda khangningladi, chanbiduna chebang asigi maningda piriba warol duda eikhoibu pao phaobiyu.