A·gilsakni Bon·ani: An·skitmanpilgipa Katchinike Aganani!

Ramandeep an·tangni be·enko dongtokale donataha. Greng ritchuramrang sa·dikengachim, aro a·palchiko niaton mi ge·giminrangni rongrangko dimele nikatengachim. Boharini babilsio cha·aniko tarianiko ua knaengachim, aro an·tangara nokdangna boja ong·engama ineba chanchiani dongengachim. Budepa ong·ania altuaja -simsakgiparangnaba boja ong·a.

Chadambeni somoio, uni re·na bilakmitingo torom noko gururang maiko aganachim, uni giminba ua chanchiatengachim. Uni guruni aganani gitade, gadang bri dake a·gilsak briroroa, aro gadangprakan namjabatroroa. Bon·kamgipa gadang — Kali Yuga — pilakna bate namjabata, duk aro andalan gapaiachim. Ramandeep rang·speaha. Haida Kali Yugara budepa ong·ani somoikon — namgijaona ong·siroroani ong·akon. Koborrango manderangni dakgrikao, banggriao, so·otako man·ao, aro sabisirango sianiko ua knaaha. Sikugijagiparanga, duk ong·e, namgija janggi tangna nanggiparangsan ong·aia.

Ia dukni a·gilsakara basako bon·gen? Budepani be·enara—aro gitchamgipa a·gilsakara atchitaigenma?

A·gilsakni Ong·gniko Agansoani

A·gilsakni ong·gniko angni chu·gimik bebera·aniko anga aganna. Agansogipara Gitel Jisuan ong·a. Ua a·gilsakona mande ong·e re·baaha, sagipako an·sengataha aro pilakan Salgini Songnoko napna man·gnini gimin aganaha. Bilsi 33 ong·on Ua An·tangni janggiko boli dake on·aha. Unikode aiao inmanpile, Ua siaoni chakpilaha! Uo ka·dongchake Uko maniode, Uni boli on·ania an·chingko kema watani aro jokatanina ong·genchim.

Ia namgijagipa a·gilsakni obostako bon·ate an·chingna mikkang a·gilsak donggnini gimin Uni aganani donga. Uni ki·tap, Sastroo, katchinike agananian gapaia. A·gilsakni bon·gniara maikai ong·genchim, Uni agansoaniko an·ching u·ina nanga.

A·gilsakni Bon·ani

Salsao Jisuni sninggiparang Uo indine sing·aha, “A·gilsakni bon·ani aro Nang·ni re·baani chinranga maiarang?” (Sastro, Mati 24:3). Gitel Jisuni aganchakania, bon·kamani salrang aro Uni re·baani ong·enggipa chinrangko niken u·iani ong·aigen. Ia chinranga iarangkoba man·chapa:

Kristo Dakmikgiparang. Gitel Jisu indine agana, “Bang·en Angni bimungo re·bae agangen, ‘Angan Kristo,’ aro bang·akon brangatgen” (Mati 24:4–5). Gitel Jisu gita dakmike re·bagiparangchi an·ching tol·napako man·na nangja. Uni re·baanikode a·gimikan niksogen — “mika riprapa jedake salaramchini ong·kata, aro uko saliramchina nika” (Mati 24:27) —uandake nikgen aro a·gimikan sabisirangchi ringrenggen.

Dakgrikanirang aro Dakgrikani Kattarang. Gitel Jisu indine agana, “Na·simang dakgrikarangko aro dakgrikani kattarangko knagen. Gisik rakbo, jajrengnabe, maina iarang ong·na nanga, indiba chon·kamani ong·kujawa. Maina jatsara jatsana aro songnoksaara songnoksana chakatgen” (Mati 24:6–7). Bon·kamani salrango dakgrikani barirorogen aro bilongbatrorogen. 

Karaprang, Banggriarang, aro Sabisirang. Uni agansogipa gittamgipa chinara, “aro banoba karap aro banggriarang ong·gen. Iarang pilakan an·pakani saknaani a·bachengani ong·a” (Mati 24:7–8). Million 20 na baten karap ong·aniko chakna nanggiparang ia chasongo dongaha. Nepalo 2015 bilsio mande sak 8,000 siaha aro uan itihaso misilbatgipa ong·aha. Sabisirang channa amsokgijagipa janggirangko siataha. Jisuni agansoani chu·sokaniko an·ching nikchongmotengaha.

Cholon Ong·siani. Gitel Jisu indine agana, “Namgija dakani jelani gimin bang·ani ka·saa ka·singen” (Mati 24:12). Til·ekdraani chang 91 mang, aro an·tangko so·ote siani sak 79 jolrango salantion Indiao dongronga ine agana. Manderang an·tangtangnasan chanchiaiaha, gipinrangna mai ong·gen uni giminde chanchijaha.

An·tangni rasongo re·bana skang iarang ong·gen ine Jisuan agansomanaha. Ia chinrangni ong·enganiko nike, agansoanirang chu·sokengaha aro Uni re·baani sepangaha ine u·isona man·a!

Gitel Jisuni Re·bapilanina Tarisoani!

Cholon namgija gaora dake, an·tangnasan chanchie janggi tanggiparangde Jisuni re·bapilani salo kusiniko man·jawa. Uni aramrango re·bapilon uamangni namgija kamrang uamangonan dikdiksanon ga·akpilgen. Uamang Uoni dongnuna jotton ka·gen, aro uamang a·brirangna aro ro·ongrangna indine inwatgen, “Chingni kosako ga·akdapbo!” (Sastro, Parape·a 6:16).

Indiba Gitel Jisuni bolio ka·dongchakgiparang rang·san dingtangatako man·gen aro uamangna sigijani bimangko on·gen. Namgijagipa a·gilsakoni jringjrotna jokna gita uamangko aramona rimdoangako man·gen. Ua kusi ong·gipa manderangoni saksa ong·pana na·a skode, na·a da·alo indine Isolo bi·bo:

Ka·sara Ong·atgipa Isol, Gitel Jisuni bakbak re·bapilenganiko anga bebera·a. Salgiona rimdoaniko man·pana gita Gitel Jisuo ka·dongchakna angna skibo aro dakchakbo. Amen.

Mikkangchi ong·gnini gimin Gitel Jisu maiko agana uni gimin na·a u·ibatna skode, ia lekkani janggilo mesokatgipaona seatbo.