दुनिया के अन्त एकठिन अचंभित भविष्यवाणी!

रमनदीप हर जादा आराम पाय खातिर ओकर डोकरा शरीर ल बदल दिस, ए बखत ओकर जोड़ सब म बहुत जादा पीरा हावय, अउर जब ओहर बाहर धान के खेत ल देखिस, सबो के रंग हर मुरझाय जैसन दिखत रहिसे। ओहर अपन के बहुरिया ल खाना बनात सुनत रहिसे, अउर ओला अचरज लागीस कि ओला अपन के परिवार के मन बोझ समझथे। बुढ़ापा हर अच्छा नयि लागय न स्वयं ल अउर न देख रेख करने वाला मन ल।

ओहर ओ समय के बारे मं सोंचे लगथे जब ओहर जवान रहिस अउर ओकर गुरु के बात ल सुनय अउर मंदिर म जात रहिसे। ओकर गुरु हर बोले रहिस कि संसार म चार युग हे प्रत्येक युग हर बद से बद्तर के तरफ बढ़त जावत हे। अंतिम युग- कलियुग- ये हर सबले ज्यादा खराब हावय, विकार, दुःख अउर अंधकार से भरे हुए हे। - शायद कलियुग हर एक बुढ़ापा के अवस्था के जैसन हे- सबों के एक अच्छा अन्तिम पतन होथे। ओहर समाचार सुनीस, कि कैसे लोग मन भूकंप, बीमारी, मार काट अउर युद्ध से मर जाथे। जे मन नयि मरिन ओमन भौतिकवादी, उदास अउर अनैतिक बनगे।

कब ये दुखदाई संसार के अन्त होहि? का बुढ़ा शरीर- अउर ये पतित ग्रह के दुबारा जनम हो पाही?

भविष्य में पृथ्वी बर भविष्य वाणी करे खातिर

मैं आप मन ल एक दिव्य ज्योतिषी के बारे मं बताना चाहत हाव, जेकर ऊपर भविष्य के संकेत बर भरोसा कर सकाथन। प्रभु यीशु मसीह हर ही ओ व्यक्ति हावय। ओहर ए दुनिया मं एक मानुष बन के आए रहिसे, लोग मन ल चंगा करय अउर सबों झन ल बतावत रहिसे कि स्वर्ग राज मं कैसे पहुंच सकबो। ३३ साल के उम्र मं, ओहर अपन के प्राण ल बलिदान स्वरूप चढ़ा दिस। ओकर बाद अद्भुत रीति से मृत्यु से भी जी उठीस! ओहर बोले हावय यदि हमन विश्वास करके ओकर आज्ञा ल मानबो, तब ओकर बलिदान से हमन ल क्षमा अउर उद्धार मिल जाहि।

प्रभु यीशु हर हमन के दुनिया के भविष्य के बारे मं बोले हावय अउर दावा करे हावय कि ओहर ये पापी युग के अंत कर दीहि। ओकर किताब, बाइबिल हर भविष्यवाणी से भरे हुए किताब हावय। ओकर भविष्यवाणी मं हमन ल विशेष ध्यान देबर लागही की कैसे हमन जान सकाथन कि अंत हर लखटा मं हावय।

दुनिया के अन्त

एक दिन, प्रभु यीशु के चेला मन ओला पुछथे, “आपके आए के अउर ए दुनिया के अन्त के काय चिन्हारि हावय?” (बाईबिल, मत्ती २४:३)। प्रभु यीशु ओमन ल बोलिस कि युग के अन्त हर चिन्हा के साथ पहले होवत जाहि जेकर से हमन ल समझें मं मदद मिलही कि ओकर आना हर नजदीक हावय। ये चिन्हा मन हरेव

१. झुठा रक्षकप्रभु यशु हर बोले हावय ये बात के ध्यान रखना पड़ही, कि कोई तुमन ल धोखा झन दे सकय। बहुत कोई मोर नाम से आके कहीं, «मैं मसीह हांव अउर बहुत कोई ल भरमा दीहि» (बाइबिल, मत्ती २४:४-५)। हमन ल प्रभु यीशु मसीह के दावा करोईया ढोंगी मन से धोखा नी खाना हे। ओकर आगमन के सही समय मं संसार भर में दिखाउल दीहि- «जिस तरह से बिजली के चमक हर पूरब से पश्चिम तक ले जाथे» (मत्ती २४:२७) - अउर ओकर बाद ऐसन होही कि पुरा दुनिया हर भयंकर महामारी से कंपकंपा जाहि।

२. लड़ाई अउर झगड़ा के चरचा। प्रभु यीशु मसीह हर बोले हावय, «तुमन लड़ाई अउर झगड़ा के चरचा सुनिहा»। देखके अचंभित नयि होयबर ये सब कुछ आ के चल दीहि, तभो ले अंत नयि होवय। «देश के ऊपर देश अउर राज्य के ऊपर राज्य चढ़ाई करहि» (मत्ती २४:६-७) जिसने हमन अंतिम युग के नजदीक पहुंचत जाबो वैसने लड़ाई झगड़ा हर अउर जादा गंभीर रूप से बढ़त जाहि।

३. सूखा, भुईंडोल अउर महामारी। तीसरा चिन्हा के बारे मं बोले हावय «ओ समय मं बहुत से जगह मं सूखा, महामारी अउर भूईंडोल होहि ये सब हर पीड़ा के शुरुआत हे।» (मत्ती २४:७-८) सदी के शुरुआत होय के बाद ठीक ले २० मिलयन लोग मन सूखा अकाल से पीड़ित हावय। नेपाल म २००८ के भूकंप जेमा ८,००० लोग मरगे, इतिहास के सबसे ज्यादा घातक मन से एक माने जाथे। अनगिनत लोग मन ल बीमारी हर मारे हावय। संजोग से, ओ सब ल हमन प्रभु यीशु मसीह के कहे अनुसार देखाथन।

४. नैतिक पतन। प्रभु यीशु मसीह बोले हावय, «काबर कि कानून विरोधी बढ़ जाहि, बहुतों के प्यार ठंडा पड़ जाहि» (मत्ती २४:१२) एक अनुमान के तहत भारत देश म हर दिन औसतन बलात्कार ९१ अउर नरसंहार ७९ हावय। लोग मन अतका ज्यादा अप-स्वार्थी बनत जात हावय कि अपन कृत्य हर दूसरा कोई ल कतको नुकसान पहुंचाय कोई फरक नयि पड़य।

प्रभु यीशु हर भविष्यवाणी करे हावय कि ये सब चिन्ह मन ओकर महिमा के बादर म वापिस आय से पहले होवत जाहि। जिसने हमन ये सब चिन्ह ल होवत देखथन, तब हमन ल पता चलथे कि ओकर भविष्यवाणी हर सही हे अउर ओकर वापिस आए के समय हर बहुत पास हावय!

प्रभु यीशु मसीह के वापिस खातिर तियारी!

जेमन स्वार्थ, घमंड अउर अनैतिकता के जीवन बिताथे ओमन प्रभु यीशु मसीह के आए से खुश नयि होवय। वास्तव म, जब ओहर बादर म वापिस आहि, तब सब कुकर्म हर विनाशकारी गति के रूप म ओमन के ऊपर आ गिरही। ओमन ओकर से छिपे बर जघा खोजहि अउर छाति पीट के पहाड़ अउर चट्टान ल बोलहि “हमन ऊपर गिरके सिंहासन पर विराजमान हावय ओकर से छिपा ले!” (बाइबिल, प्रकाशितवाक्य६:१६)

लेकिन जेमन प्रभु यीशु मसीह के बलिदान म विश्वास करहि, ओ समय मं, ओमन तुरंत बदल जाहि अउर नया अविनाशी शरीर दिया जाहि। ओमन ल बादर म उठा लिया जाहि अउर ये पतित संसार से सदा दिन बर मुक्त कर दिया जाहि। यदि आप मन ओ अनंत आनंद ल व्यक्तिगत तौर पर पाना चाहत हाव, तब आज आप मन ल इस तरह सामान्य प्रार्थना करना हे;

हे सृष्टि कर्ता ईश्वर, मोला विश्वास हावय प्रभु यीशु मसीह बहुत जल्द आने वाला हे। कृपया मोला प्रभु यीशु मसीह ल जाने बर अउर विश्वास करेबर सिखावा ताकि स्वर्ग में उठा ले गए हावय तेमन के बीच में से एक मैं भी बन सकंव। आमीन।

यदि आप मन ल प्रभु यीशु मसीह के बारे भविष्यवाणी के विषय म अधिक जानकारी पाना हे, तब कृपया पन्ना के पाछू म दिए गए जानकारी से संपर्क करव।