Dim ntawm Ntsujplig phem

Muaj ib taigkis tshav tshav ntuj hauv ib lub tebchaws yav Qab Esxia hnubtuaj, thaum kuv tab tom mus kavkiab, kuv tus phoojywg tawm plaws nws lub tsev dhia ncajnraim tuaj rau kuv qw nrov nrov thiab tsa hlo ob txhais tes tuav ob rab riam. Nws ob lub qhovmuag txaus ntshai heev, thiab zoo li tsaus ntai thiab muaj hwjchim phem nyob ib puas ncig. Vim kuv yog ib Tugntseeg, kuv thiaj pib thov Vajtswv pab tiv thaiv. Pib thov ces, tej hwjchim phem swb, thiab kuv tus phoojywg txawm cia li siab txias zuj zus lawm. Nws cia kuv muab ob rab riam tshem ntawm nws tes.

Yesxus lub Hwjchim

Ntau txheeb leej tau kawm paub txog Yesxus lub hwjchim. Lawv tau dim plaws ntawm dab phem kev tsimtxom, kho tej mob, tiv thaiv tej lus foom phem, thiab cawm dhau tej kev puamtsu aj puasntsoog. Es Yesxus yog leejtwg? Nws tej hwjchim ho zoo li cas? Yesxus tej keebkwm sau nyob hauv Covntseeg phauntawv, Vajluskub. Ntxiv no yog ib zaj xov xwm tseeb hais txog Nws tej hwjchim kovyeej ntsujplig phem.

Muaj ib hnub, ib leejtxiv coj nws tus tub tuaj ntsib Yesxus. Nws hais tias, “Xibfwb, kuv thov koj saib kuv tus menyuam, nws yog kuv tib leej menyuam xwb. Muaj ib tug dab nkag nws, thiab nws txawm qw nrov nrov tamsim ntawm; huam ib tshaj ua rau nws ncauj npuas tawm plaws; thiab tawm ntawm nws mus nyuaj kawg li, ua rau cev txhav. . . . thiab vau rau hauv qhov cub thiab poob hauv tej dej ntau zaug.” Jesus hu tus tub ntawd kom los, tiam sis ntsujnplig phem muab nws ntsawm hauv pemteb thiab ua rau nws huam ib tshaj.

Yesxus muaj siab hlub txog nkawd ob txiv tub. Nws hais tias, “yog koj ntseeg, txhua yam yeej ua tau rau tus uas ntseeg.”

Leejtxiv thiaj teb nrov nrov tias, “Kuv ntseeg, thov pab yog kuv tsis muaj kev ntseeg txaus!”

Yesxus yuam tus ntsujplig phem, “‘Cia li tawm plaws hauv nws mus, thiab txhob rov qab nkag nws ntxiv lawm!’ Ces ntsujplig qw nrov nrov, huam ib tshaj, thiab tawm hauv nws lawm” (Lukas 9:37–42, Malakaus 9:17–27).

Muaj ntau leej zoo li tus txiv neej no uas ntsib kev txomnyem vim ntsujplig tawm tsam lawv tsev neeg. Ib txhia pw tsis taus. Ib txhia mob. Ib txhia hnov suab txawv txawv. Ib txhia raug hwjchim cuav muaj zog heev nkag thiab tawmtsam tag tsheej zog. Ua rau lawv ntshaw kev pab tshajplaws!

No yog moo zoo; koj thov Yesxus tau thiab thov kom Nws tivthaiv kom dhau tej hwjchim phem ntawd.

Pab dawb dawb xwb

Muaj coob leej cov txawj kho sab ntsujplig thiab cov kws kho mob mas yuav tsum them nyiaj ntau ua ntej tso lawv thiaj li mam pab.

Tej no yog xovxwm zoo ntxiv: Yesxus pab dawb dawb xwb.

Zaj xov xwm tseeb hauv Vajluskub tas los no, Yexus tsis xav tau nyiaj ntawm tsev neeg mob. Nws tsuas xav kom lawv ntseeg Nws xwb. Yesxus hlub tibneeg thiab tos ntsoov yuav pab daws lawv tej teebmeem, ib yam li tej zoo niam zoo txiv pab lawv tej menyuam.

Vajluskub qhia tias Yesxus yog tus tsim txhua yam saum nruabntug thiab ntiajteb. Nws los cawm neeg ntiajteb kom rov qab ntseeg Nws. Vim Nws yog tus tsim, Nws thiaj muaj hwjchim los cawm lub ntiajteb no dhau kev phem, kev txomnyem thiab kev tuag. Cawm li cas?

Vajluskub qhia tias thaum chivkeeb qaum ntuj thiab ntiajteb tsis muaj kev phem, kev txomnyem, los kev tuag. Txhua yam zoo txhij txhua nyob sib haum xeeb. Tiam sis txhua yam hloov txawv tag thaum ib tug tubtxib qaumntuj uas Tustswv tsim tau ntxeev siab. Tus tubtxib no khib Tus Tswv Tsim nws. Nws pib dag ntxias cov tubtxib, tau ib feem peb. Cov tubtxib no iab liam tias Tswvntuj yog tus ntshaw hwjchim thiab xav txog nws tuskheej xwb.

Tus Tsim ntsib txoj kev xaiv nyuaj kawg nkaus xwb uas nws yuav tsum tau xaiv. Yog Nws xaiv yuam lawv kom tsum—lossis muab lawv rhuav pov tseg—Ces lwm cov tubtxib thiab tagnrho qaumntuj ntiajteb yuav xav tias cov lus iabliam ntawd muaj tseeb. Dua ib txoj kev xaiv ces tseg cov tubtxib ntxeevsiab txojsia cia lawv txoj kev phem mam rov rhuav lawv cov lus iab liam. Thaum txog caij txog nyoog, Tus Tsim mam ua kom xaus txoj kev ntxeev siab.

Tomqab kev ntxeevsiab tag, peb pojyawm txiv koob tsis mloog Tustswv tej lus ceebtoom, cia rau cov tubtxib phem los kav ntiajteb. Cov tubtxib no los dag thiab ua phem rau neeg. Txawm ua li los, Tustsim yeej muaj hwjchim loj dua cov tubtxib phem, thiab yog peb thov, Nws txaus siab pab peb.

Caw koj los nyob Hauv Lub Chaw Tso Siab

Nco txog kuv tus phoojywg uas yuav muab kuv tua? Tom qab nws tso ob rab riam lawm, muaj ib lub suab txaus ntshai hais hauv nws tuaj, tias yog nws niam tuag lawm tus ntsujplig. Tus ntsujplig phem no yuam kom lawv ua dab xa zaubmov rau nws. Kuv tau thov Vajtswv nrog cov neeg uas nrog kuv ua ke, thov Vajtswv ntiab kom tus ntsujplig phem khiav mus. Thaum kawg, tus ntsujplig thiaj tawm mus, thiab kuv tus phoojywg thiaj rov zoo li qub.

“Kuv tsis xav kom rov muaj tshwmsim ib zaum ntxiv li lawm” Nws hais li ntawd. Nws tau ntsib kev tawmtsam ntawm kev zoo thiab phem uas qhov muag tsis pom, thiab xav paub tias yuav ua cas thiaj tivthaiv tau tej kev tsaus ntuj. Ces, kuv thiaj qhia nws txog Yesxus thiab Vajluskub. Nws thov kom Yesxus pab nws tsi txhob chimtaus thiab ntxub tus ua tau ua phem rau nws yav tas los. Nws tseem thov tus Tswvtsim kom pub nws muaj lub siab zoo thiab tivthaiv nws ntawm tej kev phem. Thaum nws thov li no, ces tej ntsujplig phem tsis rov qab los tawm tsam nws li lawm.

Koj puas xav tau Yesxus lub hwjchim tivthaiv? Koj thov Vajtswv li no:

Tus Tswv, thov koj pab kuv. Thov koj rhuav tshem txhua tus ntsujplig phem hauv kuv lub neej. Thov pub lub siab tshiab rau kuv thiab xa tubtxib dawbhuv los tivthaiv kuv. Kuv thov hauv Yesxus lub npe. Asmees.

Yog koj xav kom Yesxus pab koj, lossis tus koj hlub tau kev muajyeej tej ntsujplig phem, thov caw koj hu nrhiav peb raws li nram qab daim ntawv no.