Ɖe Yesu ate ŋu akpe ɖe ame ŋua?

Mí katã míedoa go kuxi siwo mímate ŋu akpɔ ŋutiɖoɖo na le mía ɖokui si o. Ɣeaɖewoɣi míesusuna be amea ɖeke mele míaƒe vevesese kpɔm o, gake Wɔla Mawu nya esia keŋ. Eɖo Via, Yesu, ɖa be wòakpe ɖe mía ŋu be míasi le vevesese nu zi ɖeka ɖe ɣeyiɣiawo katã nu. Ŋutinya etɔ̃ siawo ƒo nu tso ame ŋutɔ siwo yi ɖe Kristo gbɔ hena kpekpeɖeŋu xɔxɔ la ŋuti. Wodome tɔa ɖeke menya nu fũa ɖeke tso Yesu ŋu ɣemaɣi o, ke esi wòkpe ɖe wo ŋu vɔ la, wodi be yewoadze sii nyuie wú. Agbalẽvi sia le mía fiam alesi míado gbe ɖa agblɔ míaƒe kuxiwo na Yesu. Akpe ɖe míawo hã ŋuti!