តើព្រះយេស៊ូវអាចជួយបានដែរឬទេ?

យើងទាំងអស់គ្នាសុទ្ធតែប្រឈមនឹងបញ្ហាជីវិតដែលយើងមិនអាចដោះស្រាយដោយខ្លួនឯងបាន។ ជួនកាលយើងគិតថា គ្មាននរណាម្នាក់មើលឃើញការឈឺចាប់របស់យើងទេ ប៉ុន្តែព្រះអាទិករទ្រង់ជ្រាបគ្រប់យ៉ាងទាំងអស់អំពីការឈឺចាប់នោះ។ ទ្រង់បានចាត់ព្រះយេស៊ូវ ដែលជាព្រះរាជបុត្រារបស់ព្រះអង្គ ជាមួយនឹងផែនការមួយដើម្បីជួយយើងឲ្យគេចផុតពីសេចក្តីវេទនាជារៀងរហូត។ រឿងបីនេះពណ៌នាអំពីមនុស្សពិតៗ ជាមួយនឹងបញ្ហាពិតៗ ដែលបានបែរមករកជំនួយពីព្រះយេស៊ូវ។ នៅគ្រានោះ ពួកគេមិនសូវបានដឹងអំពីព្រះយេស៊ូវទេ ប៉ុន្តែបន្ទាប់ពីទ្រង់បានជួយដល់ពួកគេ ពួកគេក៏ចង់ដឹងអំពីទ្រង់ឲ្យកាន់តែច្បាស់ឡើងថែមទៀត។ ខិត្តបណ្ណនេះបង្រៀនយើងរាល់គ្នាអំពីរបៀបអធិដ្ឋាន ដើម្បីឲ្យយើងរាល់គ្នាអាចទូលប្រាប់ដល់ព្រះយេស៊ូវអំពីបញ្ហារបស់យើង។ ទ្រង់ក៏នឹងជួយដល់យើងរាល់គ្នាផងដែរ!