Yesus Pab Puas Tau?

Cov Phoojywg, kuv tsis paub tias koj lub neej niajhnub ntsib teeb meem dabtsi, tiamsis peb txhualeej yeej ntsib tej teebmeem loj dua yus yuav daws tau.

Mobnkeeg. Mobsiab. Khosiab. Muajyees. Txomnyem. Ntshai. Txajmuag. Txawm koj yuav ntsib teebmeem dabtsi los, muaj ib Tug yuav pab tau koj. Nws lub npe yog Cawmseej Yesxus. Coobleej tau tig los nrhiav Nws thaum lawv cheem tsum pab, ces Nws puavleej pab lawv.

Nram qab no muaj peb zaj xov xwm tseeb tswmsim nyob Esxias uas Yesxus twb pab tau.

Ib leej Niam hluas hluas nyob XiLaka

Caya ua num nyob hauv tsev tshuaj Ntsuag Ntshav. Nws zoo siab tau num ua los pab nws thiab nws tus tub vim nws tus txiv muab nkawm pov tseg. Txawm nws ntseeg Haujsam, los Caya nyiam ua haujlwm nrog nws tus thawjnum ntseeg Vajtswv, uas yog, Asnas. Tsis ntev ob tug kuj ua phoojywg zoo.

Muaj ib hnub thaum tabtom ua num, tamsim ntawd Caya cia li hnov mob heev. Nws qw nrov vim ntshai heev thaum pom ntshav thiab hlais peb kab ntawm nws txhais npab. Caya paub tau tias muaj dab phem nyob hauv lub chav tsev ntawm.

Hnov nws quaj, Asnas thiaj khiav ceev rooj los. Nws pom Caya lub ntsej muag nphob tas thaum Caya tab tom piav qhia nws. Asnas hais tias, “Caya, kuv tus Tswv muaj hwjchim caum tau cov ntsujplig phem no kom tawm khiav mus. Wb cia li thov Vajtswv tam sim no.” Thaum Asnas tabtom thov Vajtswv, Caya cia li hnov zoo li kajlug rau nws lawm. Ntsujplig phem tawm lawm.

“Kuv phemhwj kawg uas kev thov Vajtswv yuav pab sai npaum no,” Caya hais, “thiab kuv xav paub ntxiv txog kuv tus thawjnum tus Vajtswv uas nws thov txog. Tseeb tiag, Nws hnov thiab teb cov lus thov sas!”

Ib tug Ntxhais txawj Lagluam nyob nroog Npaskoj

Xuchi yog ib tug ntxhais txawj lagluam nyob nrog Npaskoj uas nce qeb sai hauv nws lub txhab lagluam. Tiamsis tsis yog txhua yam zoo tas. Nws thiab nws tus hluas nraug uas xav tias yuav sib yuav, kuj tau sib tso. Thaum no, nws ib leeg xwb thiab siab ntsoog tag.

Dhau mus ntau asthiv thiab ces lub ntuj zoo li tsaus nti xwb. Xuchi pib pom tias tej xovxwm tsuas tham txog tej kevphem puasntsoog tas li xwb. Tsis hais tej nkauj los tej nam tsuas ua txog neeg lub neej ntsib kev phem xwb. Yuav tsum muaj ib tug tsim tej kev puasntsoog, nws ntseeg li ntawm. Tabsis tej kev zoo ne cas ho muaj hauv ntiajteb no? Puas muaj ib tug tsim tej ntawm? Nws tsis paub lawm.

Muaj ib hmos, Xuchi tsim los, cas muaj ib yam hwjchim txawv hauv nws chav. Thaum ntej xav tias yog npausuav xwb, tiamsis ntsia cav muaj ib tug sawv ntawm nws taw txaj. Txawvkawg, nws tsis nco ntshai li. Nws tsa muag saib tus ntawm lub ntsejmuag thiab paub tias yog Ibtug zoo. Ruajsiab lawm, nws rov qe muag thiab cia li rov tsaug zog lawm.Kev Mobnkeeg. Kev Mobsiab. Kev Khosiab. Kev Muajyees. Kev Txomnyem. Kev Ntshai. Kev Txajmuag. Txawm koj yuav ntsib teebmeem dabtsi los, muaj ib Tug pab tau koj.

Hnub tomqab Xuchi xav txog tus los saib nws thaum hmo ntawd thiab yim ruajsiab tias tus nws pom ntawd yog Yesxus. Nws paub tias Tustswv paub nws tej kev nyuajsiab thiaj los pab nws. Xav tias yuav mus kawm kom paub ntxiv qhov twg txog Nws, ces siab txawm kub lug mus tom ib lub tuamtsev ntseeg Vajtswv. Thaum nws tau kawm Vajluskub ntxiv, nws kawm txog Yesxus thiab yuav nrhiav Nws li cas. Xuchi paub lawm tias txij no mus nws yuav tsis tsum nyob ib leeg ntxiv lawm.

Ib leejtxiv uas Tag kevcia siab nyob Malexia teb

Tsheej tau tig cev yam li tsis zoo pw ntawm nws lub roojzaum hauv tsheb uas nws pw los tau obpeb hmos lawm. Nws tuajyeem pw ntawm nws tus tub ibsab hauv tsev khomob zoo dua, tiamsis hauv chav khomob hnyav lawv tsuas cia ib leeg pw zov tus mob xwb.

Vim li cas nws tus tub ho mob lub plawv txaus txhawj tag npaum no? Tsam nws tuag ne, yuav ua cas? Nws nyiaj tsis taus thaum xav txog lub neej tsam tsis muaj nws tibleeg tub, es yuav ua cas ua neeg nyob. Kua muag ntws nto ntawm Tsheej lub ntsejmuag. Nws tag kev cia siab. Nws thov pojkoob yawmtxwv pab, thiab mus hauv tsev teevhawm los pab tsis tau li. Tus kwstshuaj phais neeg hais tias nws tus tub lub plawv kho tsis tau, txawm phais los pab tsis tau.  

Nws tig mus saib lub rooj zaum ntawm nws ib sab, Tsheej ntsia pom ib daim ntawv me me uas ib tug ntseeg Vajtswv cev rau nws obpeb hnub tas los lawm. Tsis xav dabtsi ntau, Tsheej txawm taws teeb thiab pib nyeem. Daim ntawv me me qhia txog tus Tswv tsim lub ntiajteb no—uas hlub peb thiab tos ntsoov peb coj tej kev cheemtsum mus thov Nws pab.

Tsheej xav txog tej uas nws nyeem tag. Nws tag kev cia siab lawm. Tus Vajtswv no puas pab tau? “Tustswv, yog koj muaj tiag, kuv taij kom Koj ua ib yam xwb, Thov Koj kho kuv tus tub! Yog Koj pab, Koj yuav yog kuv tus Tswv, thiab kuv yuav raws Koj.”

Taskis, Tsheej thiaj mus rau hauv nws tus tub lub Txaj kho mob. Cas pom cov kwstshuaj thiab cov naismaum vijvog nws tus tub lub txaj. Lawv luag nyav thiab zoo siab heev thaum lawv saib lub cav qhia txog tus mob. Tus tub twb zoo lawm!

Tig Los Txog Koj

Koj ne, puas muaj kev covnyom ntawm haujlwm lossis tsev kawm ntawv os? Koj puas muaj kev tawmtsam nrog cov neeg nyob ze koj? Koj puas muaj mob, los muaj kev ntshai? Koj puas khosiab? Koj puas muaj yeetej yam uas koj kov tsis yeej li lossis qaugzog zis hauv koj lub neej?

Yesxus pab tau koj!

Nws hais tseg tias, “Los cuag kuv os, nej cov khwv thiab ris nra hnyav, Kuv yuav cia nej so” (Mabthais 11:28).

Tejzaum koj paub tsis tag tias Yesxus yog leejtwg. Tejzaum koj yuav xav tias Nws puas muaj tiag. Koj yeej yuav paub tau yog koj xav nrhiav qhov tseeb tiag, cheem tsum kev pab tiag, Yesxus yuav pab tau koj.

Cia li thov li no, “Yesxus, kuv xav ntseeg tias Koj muaj tiag thiab pab tau kuv. Thov qhia kuv tias Koj muaj tseeb thiab pab tau kuv . . . sau lus rau qhov no. . . . Kuv cheem tsum ib tug Vajtswv li koj tam sim no.”

Yesxus yeej yuav pab koj xwb. Thaum Nws pab koj lawm, mus qhia rau lwm tus kom paub txog Nws.

Yog koj xav kawm ntxiv txog Yesxus tej hwjchim, thov nrhiav peb raws li daim ntawv qhia sab nram qab no.