Thilmakte Thlenna Ni

Vimal-a chuan kawng kamah a auto-rickshaw chu a tiding a. Nilengin dawrtu a ngah viau nain, a hlim chuang miah lo mai. An nupa chungchang chuan a rilru a mawlh tlat a. An nupa nun chu a tla chhe chho ta hle a ni.

A nupui Seema-i chu a hmangaih viau chung chuan, vuak ni a nei ta zauh zauh a, a insum thei lo a ni. A nupui chuan Vimal-a chu a thin a tirim thin hle a. Vuak chu a duh dan ber chu a ni lo nain, a thleng zel tho si a ni. 

Sakhaw hunpui an neih lai a lo thlenin, a nupui Seema-i chu ramhuaiin a man ta tlat thina, mak tak takin a lam kual ang a, a taksa chu thunun zo loin, a thawmhnawte a pawtthler ta thin a. Vimal-a chuan a nupui awm dan vel chu a ngai thei lo hle a. Sakhaw serh leh sang inthawinaah chuan kal tawh lo turin a ti a, mahse a thu a awih si lo. A thawmhnaw thler hne hnu nen, a hmaia halral thil hlana an hlan ran thisen thang ngher nghur kai nen chuan a rawn haw ang a. Vimal-a thinrim chuan a vaw ta thin a ni. 

Seema-i chuan vawihnih naute a pai a, mahse a sakhaw thil atthlak tak avang chuan vawi hnih a chhiat phah tawh a. A lulhlul tial tial a, Vimal-a chu a thinrim phah a. A rilru thlengin a hah phah em em a, inthiamlohna-in a lo khat ta a ni.

Kawng tha zawk

A auto-rickshaw a a thut lai chuan, Vimal-a chuan nun kawng tha zawk neih chakna neiin a inngaihtuah nasa hle a. Chutih lai tak chuan, a thutna bul maia in atang chuan thawm a hre ta thut a. Naupang leh puitling thenkhat chu inah chuan an lo awm a, tu emawin thawnthu lo hrilhin, an lo ngaihthla thup mai. 

Thawnthu sawitu chuan a buainate atanga tlanchhia mi pakhat chungchang chu a lo sawi a. Chu thawnthu-a mi pakhat chuan, a phir puipa leh a u ni bawk chu a bum a, rilru na taka siamin, a tlanbo san a. A u chuan a rawn that duh mai ang tih hlauvin a tlanchhe ta a ni. A tlanbonaah chuan ramhnuaiah a muhil ta a. Mutna tur mumal a awm loh avangin lung lukhamin a mu a ni. A chhungkua a tih keh chhiat avangin hrehawm a tiin, a khua a har hle bawk a.

Vimal-a chuan he thawnthu hi ngun leh zualin a lo ngaithla a. Chu pa rilru put hmang tur chu hrethiam hlein a inhria a.

Thawnthu chu an sawi zel a. Mi pakhat tlanchhia chu chutia lung lukhama a mut lai chuan, mumang a nei ta a. A mumangah chuan, van tawnga leilawn in dawh chho zui a hmu a. Thinlung keha awm he pa hnena malsawmna an lo kensak ang mai hian, vantirhkohte chu chu leilawnah chuan an chhukin an chho vel a. A rawn harh takah chuan a hlim ta khawp mai. A lung lukham chuan a Pathian tan hriatrengna lung a phun ta a. A mumanga leilawn a hmuh chuan a biak Pathian nen inhnaih taka awmah a inngaihtir a, engkim a fel leh dawn a ni tih a hrethiam tlat a ni.

Lehkhabu thar 

Mite an kalsawn hnu chuan, inthlahrung takin Vimal-a chu chu inah chuan a han lut a.

Thawnthu lo sawitupa chuan “Sabbath chibai le,” a lo ti a. 

“Eng nge Sabbath chu?” Tiin Vimal-a chuan hre chak tak maiin a han zawt a.

Thawnthu sawitu chuan, “Siamtu Pathian chibai kan buk a,” tiin a chhang a. “Ani chuan ni sarih ni, Sabbath-ah inkhawm turin min ti a, a chhan chu ni ruk chhungin khawvel leh a chhunga awm zawng zawngte a siam a, ni sarih ni-ah a chawl a. Mi pakhatin a mumangah leilawn chuan lei leh van a dawhzawm ang khan, Sabbath chu kar tina ni thianghlim, Pathian nen a min inzawmtirtu a ni. Hemi ni-a Pathian chibai kan bûka, kan inserhhranna kan tihlanna kaltlang hian, Ama hnên aṭangin malsawmna kan dawng a ni.”

Vimal-a chu he phir unaute chanchin hian a khawih hle a. “Kha thawnthu kha khawiah nge in zawn hmuh a?” 

Thawnthu sawitu chuan “Kan Lalpa Isua Krista lehkhabu, Bible atangin a ni,” tiin lehkhabu dahkhawmna atangin lehkhabu pakhat a rawn la a, Vimal-a hnenah chuan a pe a. “A thawnthu chu hetah hian i chhiar thei ang,” a ti a. 

Vimala chuan chu pa chu lawmthu a hrilh a, a lehkhabu thar nen chuan a haw ta a. Lehkhabu a han chhiar chuan hahdamna a pe ta hle a, Saturday ni a lo thlen chuan a va kal leh ta a. Chutia ngawi renga thua A ni thianghlima Siamtu Pathian hnena a tawngtai lai chuan, a thinlungah chuan thil mak tak mai hi a lo thleng a. 

Tihdanglamna Changtu

Ni khat chu, Vimal-a chuan a lehkhabu thar a han chhiar chuan, “Pathian tempul in ni a, Pathian Thlarau chu in chhungah a cheng tih in hre lo em ni?” (1 Korinth 3:16) tih inziahna chang a hmuh fuh chuan a rilruah tihvarna a chang ta thut mai a. Taksa hi Pathian tempul a nih chuan tuman tichhiaa tibawrhbang turin thu neihna kan nei lo tiin a ngaihtuah ta a. Ka nupui hi ka vaw tawh tur a ni lo a ti a.

Hun kal tawhah a nupui chu vawi tam tak vuak tawh loh tumin a bei thin a, nimahsela tun tum chu a vaw lo thei ve ta a ni. Bible chhiarna leh Sabbath ni-a Pathian chibai bukna chuan, Siamtu Pathian nung nen inzawmna siam sakin, a thinlung chu a thlak danglamsak a ni tih a hre ta a. Pathian kut chuan a awm ata a thinlung sak tak chu la bovin, ngilneihna thinlung in a thlak ni mai hian a hria a. 

Intawhkhawm lehna!

Kum tam tak chhung chu, Vimal-a chuan Siamtu Pathian chu Sabbath ni thianghlimah chuan chibai a buk thin a. Zawi zawiin, a nupui Seema-i chuan a pasal chu a danglam tih a hre chho ta hret hret a. A nupui chu a vaw ngai tawh lo va. Chuti ahnekin, a ngilneiin a zaidam ta em em mai a ni.

Chutih hun chuan, Seema-i chu a lo chau chhe zo a, a lungngai ta em em mai a. Lalpa Isua Krista lehkhabu a chhiar hnuin leh Saturday tina inkhawmna atanga lo let leh hnu hian Vimal-a chu a hahdam ta hle thin a ni tih Seema-i hian a hria a. A tawpah chuan, Vimal-a chuan a nupui Seema-i chu inkhawm ve turin a sawm a, a sawmna chu a pawm ta a. 

Vimal-a chuan, “Sabbath ni hi kan chhungkaw tana ni thianghlim bik a ni,” a ti a. “Pathianin Amah nena inzawmna nei tura min sawmna ni a ni. Hetianga amah nena inzawmna kan neih hian, ani chuan thilmak a ti thin a. Siamtu Pathian chu nitinin chibai buk ka zir a, a bik takin Sabbath niah chibai buk ka zir avangin kei leh ka nupui hi nupa hlim tak kan lo nih phah a ni tih ka hre ta. “Sabbath malsawmna hian Pathian min hnaihtir mai bakah midangte nen pawh inlaichinna tha min neih tir a ni,” a ti a.

Vawiinah chuan, Vimal-a leh Seema-i chu fapa pahnih neiin hlim takin an innei a ni. Sabbath ni malsawmna chanchinte chu an thenawmte zawng zawng an hrilh ta a.

Sabbath chungchangah hriatbelh duh emaw, Bible I duh emaw a nih chuan, he lehkhabu hnung lama inziak contact address-ah hian min rawn be dawn nia.