Kovyeej Kev Chim

“Nws yug menyuam hauv peb zos no yeej tsis ua cas li peb twb ibtxwm ua li ntawd los,” Dalas niam tais hais li ntawm. “Peb tsis tas yuav tsum muaj tsev khomob kim kim.”

Dalas nws txhawj. Nws tus pojniam tsis tshua muaj zog, thiab nws xav kom tus pojniam nyob ze ib tug kws khomob zoo. “Tsis xav nrog niamtais sib cam,” Nws nroo li.

Thaum nws tus pojniam pib mobplab,
nws tsuas nyob zov nraum zoov lub meny
uam tsev xwb. Lub suab nws tus pojniam ntsaj yug menyuam nrov zuj zus, ces cia li ntsiag lawm. Thaum kawg, nws niamtais tawm los. Nws saib niamtais ntsejmuag tib pliag xwb paub tias tus pojniam uas nws hlub thiab tus menyuam mos ncaim lawm. Obtug tuag ua rau nws tej kev npausuav thiab kev xyivfab puam tsuaj tas.

Kev mob siab ncus nco mam mam hloov mus ua kev chim. Dalas lub siab qw nrov nrov tias, “Kheev yog nkawm nyob hauv tsev khomob ces, yeej yuav txawv li no. Yog niamtais txhob pheej cam cam!”

Dalas yuav tsum khiav tawm ntawm tus pog uas ua rau nws lub neej puam tsuaj puas ntsoog tag no. Nws tau nqa nws tej khoom thiab cia li mus tsis hais ib lo lus li.

Khiav tawm ntawm kev chim.

Dala khiav mus nrog tus muam Malis, thiab tus yawmyij Rhe, nyob hauv lub tuamceeb roog loj. Hmo ntawd nws qhau cev pw, ntsej muag cus pliav. Kev chim caum nws yam li tauv huab dub. Nws xav lwm yam tsis tawm li.

Zoo thiab, tias yav yuav tsausntuj nws tau nrog tus muam tsev neeg nyob ua ke, ua rau nws tau kev kaj siab mentsis. Tom qab noj hmo ua ke tas, lawv hu cov nkauj zoo, thiab Rhe piav ib cov xov Xwm tseeb. Cov xov xwm no txawv li tej dabneeg thiab kwvhuam uas Dalas ib txwm hnov los puag thaum me me; cov xwm no nyeem hauv Covntseeg ib phau ntawv hu tias Vajluskub. Dalas tsis txeev hnov dua tej xov xwm hais txog tus Tswvntuj puvnpo kev hlub uas thaum tsim lub ntiajteb no zoo txhij txhua thajyeeb yam lub ntuj ceebtsheej. Nws tau kawm txog ob tug tibneeg uas ntxeev siab tawm tsam tus Tsim nkawm los, uas xav tias ua raws li nkawd txojkev ces yuav zoo dua. Nkawm xaiv yuamkev loj heev ua rau pib chiv kev phem, kev txomnyem, thiab kev tuag thiaj muaj tshwm rau lub ntiajteb uas zoo txhijtxhua no.

Ib hnub, Dalas tham rau Rhe hais txog nws tej kevchim rau nws niamtais. Nws qhia tias kev iab kev chim thiab nyuajsiab no tsim txom nws nyhav heev. Rhe nyob twjywm mloog. Thaum kawg nws hais tais, “Dalas, kuv nkag siab koj. Kuv los kuj ntsib ntau yam phem thaum muaj tsovrog. Tiamsis kuv tseem muaj kev thajyeeb. Koj txoj kev chim yuav tsis coj koj tsev neeg rov los. Tsuas zoo li tuav lub hoobpob rau ntawm koj hauvsiab. Yuav ua rau koj puamtsuaj!”

Dala cia li pos nws ntsej muag. “Kuv pab tsis tau,” nws yws li ntawm. “Kuv txeev hlub niamtais tsev neeg, tiam sis nimno kuv ntxub lawv. Kuv zam tsis tau txim rau lawv.”

Lub Hoobpob Chimsiab

Rhe kuj ncaws hau. “Neeg xwb, yeej ua tsis tau. Tiabsis tus Tsim peb yuav pab tau koj.”

“Tswvntuj lov?” Dalas nug. “Kuv hnov koj cov xovxwm, yuav ntseeg tau li cas tias muaj tseeb? Tsis tas li, Tswvntuj yuav pab tau li cas?”

Rhe luag nyav. “Koj kawm paub hauv Vajluskub tias neeg tau ua rau lub ntiajteb zoo txhijtxhua no ntxhov li cas. Tswvntuj tsimnyog chim rau lawv, tiam sis Nws tsis chim. Nws tseem hlub lawv thiab npaj txojkev rub lawv thiab ntiajteb kom rov zoo li qub. Tsis tas li, niajhnub no yog peb thov Vajtswv, Nws pab tau peb thiab. Kuv paub tau li cas? Vim Nws tau pab kuv los lawm. Kuv tsis raug kev chim tsimtxom kuv lawm.” 

Rhe hais ntxiv. “Vajleejtub, Yesxus, los yug lub ntiajteb no los coj peb lub siab rov los cuag peb tus TswvTsim. Cov thawjcoj kev ntseeg yim huab khib Yesxus thaum nws muajkoob nrov npe vim cov lus qhuab qhia thiab kho mob. Lawv khwv tswvyim muab Nws tua. Lawv iabliam Nws, ntaus Nws, thiab muab Nws ntsia saud ntoo khaublig ua rau Nws tuag.”

“Phem kawg nawj!” Dala txiav lus.

“Yog, tiam sis Yesxus tsis ua pauj, los foom phem rau lawv. Nws tsuas ntsia saud qaumntuj thiab qw tias, “Txiv thov koj zam txim rau lawv, vim lawv tsis paub tias lawv tab tom ua dabtsi.”

“Vuag,” Dalas teb. “Kuv xav mas kuv yuav ua tsis tau li ntawd.”

“Kuv los li thiab,” Rhe teb, “Kuv txeev xav li ntawd thiab. Kuv siab luv. Dalas, koj paub, Yesxus hais ntxiv, ‘Tiamsis nimno kuv qhia rau nej hais tias, hlub nej cov yeebncuab thiab thov Vajtswv pab rau cov uas tsim txom nej.’ (Mathais 5:44). Yesxus tsis yog qhia xwb, tiam sis ua tau li ntawd. Thaum kuv xav txog tej no thiab thov Tswvntuj hwjchim kho kuv, kuv hloov zuj zus lawm.”

Lub Hwjchim Zam Txim

Tom qab li ob peb chibso, Dalas nyeem txog thaum Yesxus tuag, thiab lus qhia txog hlub yus tej yeebncuab. Nws qheb siab rau Tswvntuj thiab thov raws li nws pom tus muam lawv tsev neeg ua. Nws qhia Tswvntuj txog nws txoj kev mobsiab thiab chim. Siab Thaum nws thov Tswvntuj kho nws lub siab, cov huab dub pib ploj zuj zus lawm.

Rhe pom tias hloov zuj zus lawm. “Kuv pom Tswvntuj tab tom hloov koj,” nws qhia rau Dalas. “Koj puas xav los ntseeg caum Yesxus qab?”

Dalas luag nyav, “Xav. Tswvntuj tab tom kho kuv. Kuv yuav ntseeg caum Nws qab tau li cas?”

Rhe qhia rau nws tias kev ntseeg caum Yesxus yog kev koom nrog lwm tus ntseeg, thov, thiab kawm txog Tswvntuj, thiab mloog Tswvntuj tej lus qhia hauv phau Vajluskub. Tswvntuj cov neeg yuav qhia rau lwm leej txog Nws niaj hnub hloov lawv thiab caw lwm tus los paub txog Nws lub hwjchim. Cov Ntseeg caum Yesxus muaj lus cogtseg tias ib hnub, Nws yuav rov tsim lub ntiajteb no dua.

Dalas txiav txim siab caum tus Tswvntuj no. Muaj ib hnub, Rhe pom Dalas sab sim ntim nws tej khoom. Nws xav paub thiaj nug tias, “Koj yuav mus qhov twg?”

Dalas teb tias, “Kuv yuav rov mus pem kuv tus pojniam lawv zos, Kuv xav mus qhia rau lawv tias kuv zam txim rau lawv lawm! Thiab kuv yuav qhia lawv txog kuv txoj kev vam tshiab no.”

Yog koj xav kawm ntxiv txog Yesxus pab kom koj kovyeej tej kev chim,kev iab kev khwv lossis nyuajsiab, thov nrhiav peb raws li nram qab daim ntawv no.