ඔබේ සදාකාලික නිවස සොයා ගැනීම

නිවස යනු ආදරය, විශ්වාසය සහ සුවය සඳහා ස්ථානයක් ලෙස සලකමු. එමෙන්ම දුක්ඛිත හා අනිත්‍ය වූ මේ ලෝකයේ, අපට සැබෑ විවේකයක් ලබා ගත හැකි ආරක්ෂිත තෝතැන්නක් සඳහා අපගේ හදවත් ආශා කරයි. 

අපි සොයන්නාවූ අසීමිත නිස්කලන්කත්වයට, දිව්‍යමය ආරම්භයක් ඇත. ක්‍රිස්තියානි ශුද්ධ ලියවිල්ල වූ බයිබලය, මනුෂ්‍යාව සදාකාලික, සන්සුන් පැවැත්මක් සඳහා නිර්මාණය කළ, මැවුම්කාර දෙවි කෙනෙකු ගැන කියයි (දේශනාකාරයා 3:11). 

නමුත් අපට බයිබලය විශ්වාස කළ හැකිද? ඉතිහාසය පුරා සිටින මිලියන සංඛ්‍යාත ජනයා, මෙම පොතෙන් ඔවුන් සොයා ගන්නා ප්‍රීතිය හා සාමය ගැන කතා කරති. නමුත් එහි ඉගැන්වීම් සත්‍ය බව අපට දැනගත හැක්කේ කෙසේද? 

සාක්ෂි 1: වඩාත් තාර්කික පැහැදිලි කිරීමක්

විද්‍යාඥයින් විසින් මහා පිපිරුම් සිද්ධාන්තය, විශ්වයේ ආරම්භය සඳහා හොඳම ආකෘතිය ලෙස යෝජනා කරයි. කෙසේ වෙතත්, සමහර විද්‍යාඥයන් මෙම න්‍යායේ විශාල වැරදීමක් සිදු වී ඇති බව පිළිගෙන ඇත. පිපිරීමට දැනටමත් යමක් නොමැති නම්, පිපිරීමක් ඇති විය නොහැකි බවට ඔවුන් තර්ක කරයි. මෙම දෝෂය පෙන්නුම් කරන්නේ මැවුම්කරුවෙකු සිටින බවයි. 

දෙවියන්වහන්සේ පරිපූර්ණ ලෝකයක් මවා, එහි පාලකයන් ලෙස පළමු මිනිසා සහ ස්ත්‍රිය මැවූ බව, බයිබලය උගන්වයි. උන්වහන්සේට ගෞරව කරමින්, කීකරුව සිටින තාක් කල්, මනුෂ්‍යයා ආරක්ෂිතව සහ ප්‍රීතිමත්ව, සදාකාලිකව ජීවත් වීම, දෙවියන්වහන්සේගේ සැලැස්ම විය. කෙසේ වෙතත්, පුරුෂයා සහ ස්ත්‍රිය දෙවියන්වහන්සේට අකීකරු වීමෙන් උන්වහන්සේගෙන් වෙන් විය. ඔවුන්ගේ අකීකරුකම, ලෝකයට අනිත්‍ය භාවය හා මරණය ගෙන ආවේය (රෝම 5:12). එතැන් සිට, මනුෂ්‍යයා සදාකාලික ආරක්ෂාව සහ විවේකය සඳහා ස්ථානයක් සොයා ගැනීමට ආශාවෙන් බලා සිටී.

නමුත් දෙවියන්වහන්සේ මිනිස් පවුල අත්හැරියේ නැත. ඒ වෙනුවට, අපගේ ජීවිතවල නපුරේ බලය බිඳ දමා, සදාචාරය සහ යහපත්කම, ස්වභාවිකවම අපගේ සිත්වලින් හටගන්ට සලස්වන, ගැලවුම්කරුවෙකු එවන බවට උන්වහන්සේ පොරොන්දු වූ සේක. අපගේ මුල් නිවසට ආපසු යාමට දෙවියන්වහන්සේ, මාර්ගය විවෘත කරන සේක (යොහන් 14:1–3).

සාක්ෂි 2: විවිධ ආගම්වල ගැලවුම්කරුවෙකුගේ පොදු තේමාවක්

ඉතිහාසය පුරා බොහෝ රටවල සහ ආගම්වල මිනිසුන්ට, පෘථිවිය ප්‍රතිෂ්ඨාපනය කර සදාකාල ජීවනය ලබා දෙන, මෙම අනාවැකි පළ කළ ගැළවුම්කරුවෙකුගේ අපැහැදිලි ඡායාවක් පවතියි. නමුත් එතුමාගේ පැමිණීම පිළිබඳ, අනාවැකිමය කාලසටහනක් පළ කළේ බයිබලය පමණි. මෙම කාල සටහන ඉතිහාසය විසින් වලංගු කළ හැකි නම්, විවේකීය සදාකාල නිවහන පිළිබඳ පොරොන්දුව සහිත බයිබලයද, සත්‍ය බව අපට ප්‍රත්‍යක්ෂය.

සාක්ෂි 3: ඓතිහාසිකව තහවුරු කිරීම

ක්‍රි.පූ. 605දී, බබිලෝනීය ආක්‍රමණික හමුදා මගින්, ඉශ්‍රායෙල් යුදෙව්වරුන්ව වහලුන් ලෙස අත් පත් කරගන්නා ලදී. මේ කාලයේදී දෙවියන්වහන්සේ අනාගතවක්තෘවරුන් එවා, එකළ සිටි මනුෂ්‍යන්ගේ සිත්, උන්වහන්සේ වෙතට කැඳවනු ලැබීය. මෙම අනාගතවක්තෘවරුන් ද ගැළවුම්කරුවෙකුගේ පොරොන්දුව සෙනඟට මතක් කර දුන් අතර, උන්වහන්සේගේ පැමිණීම පිළිබඳව අනාවැකි පළ කළහ.

මෙම අනාගතවක්තෘවරුන්ගෙන් කෙනෙකු වන දානියෙල් දුටු දර්ශනයකට අනුව, ගැළවුම්කරුවාගේ පැමිණීම පිළිබඳ නිශ්චිත වසර 490ක කාලසටහනක් ඉදිරිපත් කළේය. යුදෙව්වන්ට ඔවුන්ගේ විනාශ වූ අගනුවර වන ජෙරුසලම නැවත ගොඩනැගීමට රජු ආඥා පැනවූ වර්ෂය, මෙහි ආරම්භයයි. එතැන් පටන්, වසර 483 කට පසු, ගැළවුම්කරු පෙනී සිටින අතර, වසර තුනහමාරක සේවයෙන් හා ඉගැන්වීමෙන් පසු, උන්වහන්සේ නපුරු සතුරන් විසින් මරා දමනු ඇත. ඉන් වසර තුනහමාරකට පසු, දෙවියන්වහන්සේගේ පොරොන්දුව වූ “නැවත සියල්ල අලුත් කිරීමේ ශුභාරංචිය” ලොව පුරා පැතිරෙනු ඇත.

මෙය අනාවැකියක්! නමුත් එය ඉතිහාසයෙන් තහවුරු කළ හැකිද? යෙරුසලම නගරය නැවත ගොඩනැඟීමේ ආඥාව, ක්‍රි.පූ. 457දී ක්‍රියාත්මක විය. ඉන්පසු, හරියටම වසර 483කට පසුව, ශ්‍රේෂ්ඨ ගුරුවරයා වූ යේසුස්වහන්සේ තම ප්‍රසිද්ධ දේවසේවය (ක්‍රි.ව. 27දී) ආරම්භ කළ සේක. මෙම දිනය ප්‍රසිද්ධ වන්නේ, බයිබලය යේසුස්වහන්සේව ගැළවුම් කරුවෙකු ලෙස හඳුනා ගන්නේ, ඉතිහාසයේ ප්‍රසිද්ධ, තිබේරියස් සීසර් නැමැති රෝම අධිරාජ්‍යයාගේ 15වන අවුරුද්ද නිසාය (ලූක් 3:1–2). වෙනත් බොහෝ ඇසින් දුටු සාක්ෂිකරුවන්ගේ වාර්තා වල, ඓතිහාසිකව සත්‍යාපනය කළ හැකි දේශපාලන සහ භූගෝලීය කරුණු අඩංගු වේ. ගැළවුම්කරුවාගේ අනාවැකිමය කාලසටහන යේසුස්වහන්සේ පරිපූර්ණ ලෙස ඉටු කළ සේක. නමුත් තවමත් අවසන් වී නැත!

අනාවැකිය පරිදි, අවුරුදු තුනහමාරකට පසු, ගැලවුම්කරුවා “කපා දැමිය යුතුය (එනම් විනාශ කිරීමයි). නමුත් තමන් වෙනුවෙන් නොවේ” (දානියෙල් 9:26). ඇත්ත වශයෙන්ම, ක්‍රිස්තු වර්ෂ 31දී යේසුස්වහන්සේව රෝමවරුන් විසින් මරා දමනු ලැබීය. ඉන්පසු උන්වහන්සේ මරණයෙන් ජයගත් බව ඔප්පු කිරීමට, නැවත නැඟිටුවනු ලැබූ සේක. යේසුස්වහන්සේගේ අනුගාමිකයෝ ඉශ්‍රායෙල් ජාතිය පුරා ගැළවුම්කාරයාගේ ශුභාරංචිය දේශනා කළ නමුත්, අවුරුදු තුනහමාරකට පසු, ඔවුන් මුළු ලෝකයටම ශුභාරංචිය ගෙන ගියහ. මේ කාලයේ යේසුස්වහන්සේගේ ඉගැන්වීම් බලවත් ලෙස පැතිරුණු බව, උපුටා දක්වන බොහෝ රෝම සහ යුදෙව් මූලාශ්‍ර මගින්, අනාවැකියේ මෙම කොටස, ඉතා පහසුවෙන් තහවුරු කළ හැක.

වසර 490ක දානියෙල් අනාවැකියේ ප්‍රධාන දිනයන් සහ සිදුවීම් ඉහත ප්‍රස්ථාරයෙන් පෙන්නුම් කරයි.

සාක්ෂි 4: වෙනස් වූ ජීවිත

ඉතිහාසයේ ඉෂ්ඨ වූ අනාවැකි, විශ්මයජනකයි! නමුත් බයිබලයේ සත්‍යතාව පිළිබඳ විශිෂ්ටතම සාක්ෂිය වන්නේ, එය කියවා, එහි ඉගැන්වීම්වල දෙවියන්වහන්සේව පිළිගන්නා අයගේ, ජීවිත වෙනස් වී තිබීමයි! අපරාධකරුවන් ඔවුන්ගේ දුෂ්ටකම ගැන පසුතැවිලි වී ඇත. ක්‍රෝධයෙන්, වෛරයෙන්, ඊර්ෂ්‍යාවෙන්, තික්තකමෙන් පෙළෙන මිනිසුන්, දැන් කරුණාවන්ත හා ප්‍රේමණීය ය.

ආරාධනය

ඔබ ගැන කුමක් සිතන්නේද? ඔබ ස්ථීර හා ප්‍රීතිමත් නිවසක් සොයනවාද? බයිබලය එවැනි පොරොන්දුවක් දෙනවා! අලුත් පොළොවේ සදාකල ජීවනය ලබන පිණිස, යේසුස්වහන්සේට ඔබව පිළිගන්න මෙන් අයැදීමට ඔබ කැමතිද? වැඩි විස්තර සඳහා මෙම පත්‍රයේ පිටුපස ඇති තොරතුරු හරහා අපව සම්බන්ධ කර ගන්න!