Nrhiav Koj Lub Tsev Nyob Mus Ib Txim

Tsev—yog ib qho uas peb xav txog ces yog qhov chaw muaj kev hlub, kev ntseeg siab, thiab kev kho mob. Nyob hauv lub ntiajteb uas puv npo kev txomnyem thiab tsis ruajkhov, peb lub siab ntshaw yog chaw nraim uas peb yuav tau mus so tiag tiag.

Peb ntshaw kev kajsiab lug mus ib txhim yog ntuj tsim los. Vajluskub, Cov ntseeg phau ntawv dawbhuv, qhia txog Tswvntuj Tsim neeg los mus nyob ib txhis, kajsiab lug ib txhim (Tublajlim 3:11).

Tiamsis peb puas ntseeg tau phau Vajluskub? Neeg lab lab leej ib tiam dhau tiam puav leej hais txog kev kajsiab thiab kev thajyeeb uas lawv ntsib vim phau ntawv no. Tiamsis peb yuav paub tau li cas tias tej lus qhia ntawm muaj tseeb?

Povthawj 1: Piav Kom Pom Meej Dua

Cov Kws Tshawbfawb (Scientists) lam hais tias “Nruabntug tawg” (big bang) mas piav tau meej dua tias lubntuj (Universe) tshwmsim los li cas. Txawm li los muaj ib txhia kws tshawbfawb lees tias lawv yuamkev loj—Yeej tsis muaj dab tsi tawg loj tau, yog tsis xub muaj lwmyam nyob ua ntej lawm. Qhov yuamkev loj no, yim qhia tias Tus TswvTsim muaj tseeb.

Vajluskub qhia tias Tswvntuj tsim ntiajteb zoo txhijtxhua rau thawj tug txivneej thiab pojniam ua tus kav. Tswvntuj npaj kom neeg nyob thajyeeb nyabxeeb thiab kajsiab lug mus ibtxhim yog lawv hwm thiab mloog Nws lus. Txawm li los tus txivneej thiab tus poj niam kuj tau ncaim ntawm Tswvntuj mus vim nkawm tsis mloog Nws lus. Qhov nkawm coj kev tsis ruajkhov thiab kev tuag los rau ntiajteb (Loos 5:12). Txij ntawd los, neeg thiaj ntshaw lub chaw uas nyob ruaj khov thiab so mus ibtxhim.

Tswvntuj tsis hnov qab tsev neeg ntiajteb. Nws thiaj coglus tias yuav xa tus cawmseej los rhuav tshem tej hwjchim phem hauv peb lub neej thiab kom peb lub siab thiaj txawj txhawb kev ncajncees thiab kev zoo tuaj. Nws yuav qheb ncaujke kom peb rov mus txog peb lub tsev uas muaj puag thaum chivkeeb lawm (Yauhas 14:1–3).

Povthawj 2: Tus Cawmseej uas muaj nyob hauv ntau txoj kev ntseeg

Ib txwm keebkwm, ntawm ntau haiv neeg, ntau tebchaws muaj lus tshuajsij qhia txog tus cawseej uas yuav los tsim kho lub ntiajteb kom rov zoo li thaum chiv thiab tseem yuav pub txoj sia ntev mus ib txhim. Tiamsis tsuas yog lus tshuajsij hauv Vajluskub thiaj qhia sijhawm Nws yuav rov qab los. Yog lub sijhawm ntawd tshwmsim raws li keebkwm, ces peb paub tias Vajluskub qhia tseeb txog cov lus cogtseg hais txog peb lub tsev yuav nyob ib txhim.

Pobthawj 3: Keebkwm ua povthawj

605 BC (Xyoos ua ntej Yesus yug), Haiv neeg Yisalayee (Jews) tebchaws Isxalayee raug poob mus ua cevqhev thaum cov tubrog Npanpiloos tuaj ntaus yeej lawv. Lub caij no, Tswvntuj xa cov cev Nws txojlus hu kom lawv tig rov qab los rau Nws. Cov cev Nws txojlus no tau qhia tejlus cog tseg txog tus Cawmseej thiab qhia tias nws yuav los thaum twg.

Danias, yog ib tug ntawm cov cev Tswvntuj txojlus, tau ua yogtoog pom meej tias 490 xyoo ces yuav muaj ib tug tshimsim los pab. Lub sijhawm pib ncaj rau xyoo huabtias tawm tsabcai kom cov neeg Yis (Jews) rov mus tsimkho lawv lub nroog Yeluxalees uas puamtsuaj tag lawm. Tomqab 483 xyoos, tus cawmseej yuav tshwmsim los, thiab tomqab Nws pab thiab qhia lawv peb xyoos txhais, ces Nws yuav raug cov yeebncuab phem tua. Peb xyoos txhais tomqab ntawm, txoj moo zoo hais txog Tswvntuj covlus cogtseg yuav rov tsim kho thiab tshaj tawm kom mus thoob plaws ntiajteb.

Tej no yog cov lus tshuajsij tseem cheeb heev. Es keebkwm puas muaj sau txog tej xwm no? Tsabcai kom rov mus tsim kho lub nroog Yeluxalees ncaj rau xyoo 457 BCE. Tomqab txwm nkaus 483 xyoo, tus xibfwb loj uas yog Yesxus tau los pib dejnum tab meeg sawvdaws (27 CE). Qhov paub lub sijhawm tseeb tau, vim thaum Vajluskub qhia tias Yesxus yog tus cawm sawvdaws ntawd, ncaj rau xyoo thib 15 uas huabtais Thainpilias Xixaj kav tebchaws. Uas yog ib tug huabtais Loos muaj keebkwm sau txog nws zoo heev (Lukas 3:1–2). Muaj ntau seem ua timkhawv pom tias tej xwm no muaj tseeb, tsis hais kevnom kevtswv lossis thajchaw puavleej hais txog. Yesxus los rawsnraim lub sijhawm cov lus tshuajsij sau tseg txog tus cawm sawvdaws. Tseem muaj ntxiv thiab.

Lus tshuajsij qhia tias tomqab peb xyoos txhais, tus cawm sawvdaws ntawd “yuav raug txo, tiamsis tsis yog rau nws” (Danias 9:26). Muaj tseeb, xyoo 31 CE, Yesxus raug cov neeg Loos tua pov tseg. Tomqab ntawd Nws sawv rov los ua povthawj tias twb kovyeej txoj kev tuag lawm. Cov caum Yesxus qab tau tawm mus qhia thoob plaws tebchaws Isxayees—tomqab tsis ntev, li peb xyoos txhais, lawv thiaj tshaj txoj moo zoo mus thoob plaws lub ntiajteb. Tej lus tshuajsij no tshwm muaj tseeb raws li cov neeg Loos thiab neeg Yus tej ntaubntawv sau cia tias Yesxus cov lus qhia tau nthuav mus thoob plaws qhov txhia chaw.

Daim ntawv hauv qab qhia txog xyoo thiab xwm tshwm muaj raws covlus tshuajsij 490-xyoo raws phauntawv Danias.

Povthawj 4: Lubneej Hloov

Tej lus tshuajsij tiav raws li keebkwm yog yam phemhwj kawg. Tiamsis ib yam povthawj tseemceeb tshaj plaws qhia tias Vajluskub muaj tseeb yog tus neeg nyeem thiab ntseeg Tswvntuj tej lus qhia yuav hloov pauv tau nws lub neej. Neeg raug txim lees lawv tej kev txhaum. Cov neeg uas raug kev chim, kev ntxub, kev xamkhib, thiab kev tsimtxom yuam lawv, txawj pauv los ua neeg zoo thiab muaj kev hlub.

Lus Caw

Koj ne, yuav ua li cas? Koj puas tab tom nrhiav lub vajtsev kajsiab thiab nyob mus ib txhim? Vajluskub cog lus ruaj tias twb npaj ib lub rau koj! Koj puas xav thov Yesxus tos txais koj los tau txoj sia ntev dhawv mus ib txhim thaum rov tsim ntiajteb dua tshiab? Xav paub ntxiv thov nrhiav peb tau raws li nram qab daim ntawv no.